Viagra egypt | Safe, Secure Online Pills, Low Prices

Friday, 11 Feb 2011

கண் துடைப்பாகக் கருதலாமா?

அரசு சொல்லுகிற எண்ணிக்கைக்கும் சீமான் சொல்லுகிற எண்ணிக்கைக்கும் சம்பந்தமே இல்லாமல் இருக்கிறது. எதை நம்புவது என்றும் தெரியவில்லை.

இலங்கைக் கடற்படையினரால் கொல்லப்பட்ட இந்திய மீனவர்களின் எண்ணிக்கை பற்றியே இப்படிக் குறிப்பிடுகிறேன்.

வடநாட்டு அரசியல்வாதிகள் தமிழக மீனவர்களின் நலனில் அக்கறை காட்டும் விதமாக, நிருபமா ராவின் இலங்கைப் பயணத்தை இது ஒரு கண்துடைப்புப் பயணம் என்கிறார்கள். குறிப்பாக நிதின் கட்காரி.

வாய் புளித்ததோ மாங்காய் புளித்ததோ என்று கட்காரி சேற்றை வாரி இறைக்கிறார். நான் அப்படிக் கருதவில்லை.

தமிழக மீனவர்கள் கொல்லப்படும்போதெல்லாம் முதல்வர் டெல்லிக்குத் தந்தியும் கடிதமும் அனுப்ப, மத்திய அரசும் மெளனம் சாதிக்காமல் ஏதோ ஒரு வகையில் இலங்கைக்குப் பிரதிபலிக்கிறார்கள்.

அண்மையில்தான் நிருபமா ராவ் இலங்கைக்குப் போய் வந்தார். இப்போது போனது தமிழக மீனவர்கள் கொல்லப்படுவதைத் தடுக்கத்தான்.

அண்மையில் சென்னை வந்த மத்திய அமைச்சர் பிராணப்முகர்ஜியும் நாம் இலங்கைக்கு உதவிகள் செய்து வருகிறோம். நாம் சொல்வதை அவர்கள் செவிமடுப்பார்கள். தமிழக மீனவர்கள் கொல்லப்படுவது கண்டிக்கத்தக்கது என்று முதல்வரைச் சந்தித்துவிட்டு வந்த சூட்டோடு பேட்டி கொடுத்ததைப் பலரும் தொலைக்காட்சியில் பார்த்திருப்பீர்கள்.

இலங்கை மீனவர்களும் இந்தியக் கடற்பகுதி எல்லைக்குள் தெரிந்தோ தெரியாமலோ நுழைகிறார்கள். உடனே அவர்கள் கைது செய்யப்படுகிறார்களே தவிர, அவர்களைக் கொல்லுவதில்லை; தாக்குவது இல்லை பிடித்த மீன்களைக் கடலில் வீசுவது இல்லை; பறித்துக்கொள்வதில்லை; வலைகளை அறுத்தெறிவது இல்லை; படகுகளைச் சேதப்படுத்துவதும் இல்லை.

ஆனால் இலங்கை எல்லைக்குள் செல்லும் தமிழக மீனவர்களுக்கு இவை எல்லாமே நடக்கின்றன.

இந்தியா - இலங்கை செய்துகொள்ள இருக்கும் புதிய ஒப்பந்தம் இத்தகைய செயல்களையெல்லாம் நிறுத்தும் என்கிற நம்பிக்கை உண்டாகிறது. இதற்கான அடிப்படை முயற்சிகளுக்கே நிருபமாவின் பயணம்.

கரு உண்டாகக் கால தாமதம் ஆன பெண்களையெல்லாம் மலடிகள் என்று சொன்ன கதையாக அல்லவா இருக்கிறது எதிர்க்கட்சிகளின் அவசரப்பட்ட கருத்துகள்.

லேனாவின் பார்வையில் முந்தைய கட்டுரைகள்

2011/01/28 மருத்துவ ஏழைகள்

2011/01/21 மன்னித்து உயர்ந்த முதல்வர்!

2011/01/13 கண் திறக்கும் கல்விப் படப்பிடிப்பு!

2011/01/07 வெங்காயம் விதைத்த புதிய விதை

2010/12/31 அரசு இயந்திரத்தை எதிர்பார்க்கும் தனியார் இயந்திரங்கள்!

2010/12/24 ஜனநாயகம் தழைப்பது யார் கையில்?

2010/12/17 தெரியவில்லை புரியவுமில்லை!

2010/12/10 தோற்ற போதிலும் இது வெற்றியே!

2010/12/03 வெள்ளியையும் வெண்கலத்தையும் தங்கங்களாக்குவோம்!

2010/11/26 அரசியல் நாடகத்தின் இடைவேளை!