Levitra without prescription | Cheapest Medicines online.

Friday, 7 Jan 2011

ஐம்பது சதவிகித மனநிலையுடன் அணுகுவோம்!

வாழ்வு முன்னேற்றப் பேச்சாளர்களும் சிந்தனையாளர்களும் எழுத்தாளர்களும் இந்தத் தலைப்பு ஏற்கமாட்டார்கள். தெரியும். எது ஒன்றையும் 100 சதவிகித மனநிலையுடன் அணுகவேண்டும் என்பது இவர்களது கொள்கை. இந்தப் பார்வை சரியா, இக் கொள்கைக்கு எதிர்வாதங்களாக வைக்கப்படும் என் அணுகுமுறை சரியா என்பதை வாசகர்களின் தீர்ப்பிற்கே விட்டுவிடுகிறேன்.

“அமெரிக்காவிற்கு வா, டிக்கெட் செலவு என்னுடையது (ஆகா!) வந்த இடத்தில்கூட எல்லாவற்றையும் நான் பார்த்துக் கொள்கிறேன் (அட!) என்று தன் உடன் பயின்ற தோழிக்கு, ஒரு தோழி அழைப்பு விடுக்க, மன எழுச்சி இல்லாமல் இருந்தார் ஒரு பெண்.

ஏன் என்று காரணம் கேட்டால் சிரிப்பீர்கள். “விசா கிடைக்குறது கஷ்டமாம். விசாவுக்கு விண்ணப்பித்து அதை மறுத்துவிட்டால் மனசுக்குக் கஷ்டமா இருக்கும். இதுக்கு சும்மாவே(?) இருக்கலாம்” என்பது இவரது விளக்கம். இந்த விஷயம் என்னைக் கடந்துபோக, இந்தப் பெண் எனக்குத் தெரிந்தவராக இருக்க, நான் விடுவேனா?

“கிடைக்காது கஷ்டம் என்றெல்லாம் எப்படி முடிவிற்கு வந்தீர்கள்? எவ்வளவு பேருக்கு நம்பமுடியாத அளவிற்கு 10 வருட விசா கிடைத்திருக்கிறது என்பது உங்களுக்குத் தெரியுமா? அவநம்பிக்கையுடன் சும்மா இருப்பதற்கு அதே அவநம்பிக்கையுடன் அணுகலாமே! (எப்படிங்க நம்ம வாதம்?) கிடைத்தால் இலாபம்தானே? கிடைக்காவிட்டால் இந்த பதில் உங்களுக்கு ஏற்கெனவே உள்ளத்தில் படிந்துவிட்ட ஒன்றுதானே? (கொஞ்ச காலம் சட்டம் படிச்சேங்க!) எனவே, பெரிய ஏமாற்றம் என்று சொல்லிவிட முடியாதே! எனவே, 50% சதவிகித மனநிலையுடன் அணுகுங்கள். கிடைத்தால் இலாபம் கிடைக்காவிட்டால் நஷ்டம் ஒன்றும் பெரிதாக இல்லையே?

ஒற்றையா ரெட்டையா விளையாட்டில் ஏன் தாயக் கட்டைகளை உருட்டத் தயங்கவேண்டும்? தாயம் விழுந்து கனிய வாய்ப்பே இல்லை என்கிற முடிவிற்கு எப்படி வரமுடியும்?

பிரச்சனைகளை எதிர்கொள்ளுங்கள். சந்தியுங்கள். எந்த பதிலுக்கும் தயாராகுங்கள். ஏமாற்றங்களை எதிர்கொள்ளமாட்டேன் என்கிற மனம் என்ன மனம்?