Xenical in berlin kaufen Without Prescription At Generic Online Pharmacy

Friday, 19 Nov 2010

மனிதர் நீங்கள்!

மக்கள்தொகை பெருத்துவிட்டது. ஆனால் மனிதர்கள் குறைந்து போனார்கள் என்றார் மனித நேயர் ஒருவர். மேலோட்டமாகப் பார்த்தால் இது ஒரு முரண்பட்ட வாக்கியம்போலத் தோன்றும். இந்த வேறுபாட்டை விளக்க ஒரு விஷயம் சொல்லுகிறேன். ஒருவரைப் பார்த்து அவரது கேவலமான நடத்தைக்காக, அவர் பயன்படுத்திய மட்டமான சொற்களுக்காக “மனுஷனாய்யா நீ?” என்று ஒருவர் கேட்கிறார் என்று வைத்துக்கொள்வோம். இந்தாளுக்கு என்ன ஆகிவிட்டது? மனுஷனைப் பார்த்து மனுஷனாய்யா நீ என்று கேட்கிறானே இந்த ஆள்? இவனுக்குப் புத்தி பேதலித்துவிட்டதா? என்று குறை சொல்லவா முடியும். மனிதனைப் பார்த்து நீயெல்லாம் ஒரு மனுஷனா? என்று கேட்டால் அதன் பொருள், உன்னிடம் மிருகத்தன்மைகளே மிகுந்து நிற்கின்றன என்று சொல்லாமல் சொல்லுவதே அல்லவா?

பொருள் உலகமாக மாறிவரும் உலகம் எதையும் காசாகப் பார்க்க ஆரம்பித்திருப்பதால் சுயநலக் கோணத்தில் மனிதநேயத்தை மறக்க ஆரம்பித்திருக்கிறது. அவசர கதியில் ஓடுகிறவன் அனைவரையும் இடித்துக்கொண்டும் மிதித்துக்கொண்டும் ஓடுகிறான் அல்லவா? அதே தவறுதான் இங்கும் நிகழ்கிறது. நாம் யாரைக் காயப்படுத்துகிறோம். எவரைப் புறக்கணிக்கிறோம். எவரை உதாசீனப்படுத்துகிறோம் என்பதையே பொருட்படுத்தாமல் நடந்துகொள்கிறோம்.

எவ்வளவு பெரிய மனிதராக வேண்டுமானாலும் இருங்கள். எவ்வளவு செல்வாக்கு இருந்தாலும் பரவாயில்லை. எத்தகைய பதவியில் வேண்டுமானாலும் இருங்கள். ஆனால் நீங்கள் ‘மனித’ராக இருக்கிறீர்களா என்பதுதான் பலரால் கவனிக்கப்படும். இவ்வளவு இருந்தும், மனிநேயம் இருந்து மனிதனை மனிதனாக மதித்து கண்டிப்பதையும் மறுப்பதையும் அவர்கள் புண்படாமல் செயல்படுத்தி எதையும் இதமாக வெளிப்படுத்தினால் அது இருக்கிற பெருமைகளுக்கு மணிமகுடம் சூட்டும்.

எல்லாம் இருந்தும் ‘மனிதம்’ இல்லாவிட்டால் இருக்கிற அத்தனை பெருமைகளும் செல்லரிக்கிற விஷயமாகவே ஆகிவிடும். மனிதர்களே தகுதிகளுக்குப் பெருமை சேர்க்கிறவர்களாகிறார்கள். தகுதிகள் மட்டுமே அல்ல!