Paxil | CANADIAN PHARMACY ONLINE! Save up to 80%!

Friday, 20 Aug 2010

வீரத்தின் விளைநிலத்தில் தமிழர்களின் தடயங்கள்!

எழுச்சி நாயகன் ‌உருவான கதை!

ஹோசிமின் வசித்த வீட்டையும் அவரது வரலாற்றையும் மேலோட்டமாக நுனிப்புல் மேய்வதுபோல் அணுகுவது தவறு என்று எனக்குப் பட்டது.

ஹோசிமின்னின் உருவாக்கம் மகத்தானது. அது அழ்ந்து ஆராயப்பட வேண்டியது.

வாழ்வின் பெரும்பகுதி நேரங்களில் இவர் எடுத்த முடிவுகள் மகத்தானவையாக இருந்திருக்கின்றன.

ஹோசிமின்னின் உருவாக்கத்தில் அவரது தந்தையின் பங்கு மகத்தானது. அப்போது கன்பூஷியனிசக் கட்சி என்று ஒரு கட்சி இருந்தது. இந்தக் கட்சி தேசிய நோக்குக் கொண்டது. பிரெஞ்சு அரசை எதிர்பார்ப்பதுதான் கன்பூஷியனிக் கட்சியின் நோக்கம்.

பிரபல தத்துவ மேதை கன்பூஷியசையும் கம்யூனிசத்தையும் மனத்தில் கொண்டு உருவாக்கிய கட்சி இது என்று இதை அனுமானிக்கத் தோன்றுகிறது.

இந்தக் கட்சியின் முக்கிய அம்சங்களைச் சிறு வயதிலேயே ஊட்டி வளர்த்தவர் ஹோசிமின்னின் தந்தை குயென் சின்சாக்.

அந்தக் காலத்தில் வியட்நாம் லாவோஸ் சாலை என்று ஒரு சாலையை பிரஞ்சுக்காரர்கள் தங்கள் வசதிக்காக உருவாக்க முனைந்தார்கள். மனிதவாடையே கண்டிராத அந்தப் பயங்கரமான காட்டுப்பகுதிக்குள்தான் சாலை போடப்பட வேண்டும். இதனை உருவாக்க அனைத்து வியட்நாமியர்களும் கண்டிப்பாக ஈடுபட வேண்டும் என்பது பிரெஞ்சு அரசு கொண்டு வந்த விதி.

இச்சாலை உருவாக உழைத்தவர்களுக்கு வயிற்றுக்காவது உணவு கொடுத்தார்களா என்றால் இல்லை. உறங்க இடம் உண்டா? மழையிலும் குளிரிலும் படாதபாடுபட்ட மக்களுக்கு ஒதுங்கவாவது இடம் தரப்பட்டதா என்றால், அதவும் இல்லை. வேலை செய்யாதவர்கள் கொடூரமாக அடித்துக் கொல்லப்பட்டனர். பலர் இந்தக் கொடுமை தாங்க முடியாமல் காட்டுக்குள் தப்பியோடினார்கள். இந்தக் கொடுமைகளைக் காணச் சகியாமல் ஹோசிமின்னின் தந்தை தம் செத்துக்களையெல்லாம் விற்று, சாலைப்பணி செய்த சகோதர வியட்நாமியர்களுக்கு உணவும், தங்கப் பாதுகாப்பான இடமும் செய்து கொடுத்தார்.

இந்த உள்ளம் எவருக்கு வரும்? இதையெல்லாம் கண்கூடாகப் பார்த்துக்கொண்டிருந்த ஹோசிமின்னுக்கு ஒருபுறம் நாட்டுப் பற்றும் மறுபுறம் பிரெஞ்சு அரசின்மீது கடுமையான வெறுப்பும் ஏற்பட ஆரம்பித்தன.

முறையான கல்வி தரப்படாமல் பிரெஞ்சு அரசால் மறுக்கப்பட்ட வியட்நாமியர்களின் நிலை ஆண்டுக்கு ஆண்டு மிகவும் தாழ்ந்துகொண்டே போக ஆரம்பித்தது. இந்த நெஞ்சத் தீயினுக்கு எண்ணெயூட்டும் விதமாகப் பார்வையற்ற வியட்நாமியக் கவிஞர் குயென்தினின் கவிதைகளும் லாக்ரூசோ போன்ற பிரெஞ்சப்படைப்பாளர்களின் சுதந்திரம், சமத்துவம் போன்றவற்றைத் தூண்டும் படைப்புகளும் அமைந்தன.

ரஷ்ய புரட்சி (1905) ஏற்பட்டதன் தாக்கமாக வியட்நாமிலும் சுதந்திரத் தாகம் உருவாக ஆரம்பித்த சூழல் அது.

போராடும் குணமும், சேதங்களை ஜீரணிக்கும் மனப்பக்குவமுமே வியட்நாமியர்களின் இன்றையத் தலையாய தேவை என்று உணர்ந்தார் ஹோசிமின். இந்த நேரம்தான் மக்களைத் திரட்டிப் போராடுவதற்கு ஏற்ற நேரம் என்று துணிந்தார் ஹோசிமின்.

வெளிப்படையாகப் பிரஞ்சு அரசுடன் மோதுவது பாறாங்கல்லில் தலையை முட்டிக்கொள்வதற்குச் சமம் என்று முடிவு செய்து கப்பல் பணியில் சேர்ந்தார்.

மிகக் குறுகிய காலத்திலேயே உலகை மூன்று முறை வலம் வந்தார். இந்தப் பயணங்கள் இவரை ஒரு முழு மனிதனாக ஆக்கவும் இவரது உள் ஒளியைப் பெருக்குவதாகவும் அமைந்துவிட்டது. ஹோசிமின்னுக்குக் கிடைத்த சர்வதேசப் பார்வைகள்தாம் பின்னாளில் அவரை உலகம் போற்றும் தலைவராக உருவாக்கின எனலாம். பிரஞ்சு அரசை எதிர்க்கவும் தங்கள் உணர்வுகளைப் பிரதிபலிக்கத் திராணியும் இல்லாத வியட்நாமியர்கள் நடுவே ஹோசிமின்தான் முதன்முதலாக பிரஞ்சுத் தூதரைச் சந்தித்து அவரிடம் வியட்நாமியர்களுக்குத் தேவையான உரிமைகளைக் கோரிக்கைகளாக்கி அவரிடம் அளித்தார்.

பிரஞ்சு அரசு இந்தக் கோரிக்கைகளை ஓர் எளிய மனிதரின் வாலாட்டலாக மட்டுமே எடுத்துக்கொண்டு குறைத்து மதிப்பிட்டுவிட்டது.

காலனிய ஆதிக்கவாதிகளிடம் காகிதங்கள் பலன் அளிக்காது என்பது ஹோசிமின்னுக்குத் தெரியாமலில்லை. ஆனால் சாம பேத தான தண்ட முறையை ஹோசிமின் நம்பினார். வியட்நாமியர்களை அடிமைப்படுத்த அவர்கள் மத்தியில் மதுப்பழக்கத்தைப் பரப்பிய உத்தி, பிரமாதமான உத்தி. மதுவிற்கு அடிமையாகிப் போன வியட்நாமியர்களை மீட்டெடுப்பது என்பதும் ஹோசிமின்னுக்குப் பெரிய சவாலாக இருந்தது.

இவர்களை மீட்டு எடுக்கவும் மாபெரும் பிரெஞ்சுப் பேரரசை எதிர்க்கவும் லெனின் கையாண்ட கொள்கைகளே சரியானவை என்று ஒரு தெளிவு பிறந்தது ஹோசிமின்னுக்கு

இந்நேரம் பார்த்து வந்தன திருமண நிர்ப்பந்தங்கள். முப்பது வயது ஆகியிருந்த அவரைப் பல பெண்கள் தமக்குரிய நாயகனாகப் பார்த்தார்கள். கேட்கவும் செய்தார்கள். ஹோசிமின் இதில் தெளிவாக இருந்தார். திருமணமே வேண்டாம் என்று. ஆனால் ஹோசிமின்னைப் பெண் வாசனையை அறவே வெறுத்தவர் என்று சொல்வதற்கில்லை. இவருக்கு ஒரு பெண் தோழி வாய்த்தார். இவருடன் வாழ்ந்திருக்கிறார். ஹோசிமின் நம் நாட்டில் இப்படி ஒன்று நடத்திருந்தால் மக்கள் குய்யோ முறையோ என்று குதித்திருப்பார்கள். வியட்நாமிய கலாசாரம் இதனை ஜீரணித்துக்கொண்டது. காலங்காலங்களாகத் தனிமையில் வாழ்வதாவது? இதெல்லாம் அவருக்குத் தேவைதான் என்று சமாதானம் செய்து கொண்டது. இது நிற்க.

ஹோசிமின்னின் மனப்போராட்டம் முடிவுக்கு வந்தபோது அறப்போராட ஆயுதப் போரா என்பதில் தெளிவு பெற்றிருந்தார். மக்களை ஒன்று திரட்டி ஆயுத பாணிகளாக ஆக்குவது ஒன்றே வியட்நாமிய விடுதலைக்கு வழி என்கிற தீர்மானத்திற்கு வந்தார்.

கெரில்லாப் போர் முறை எனப்படும் மறைந்திருந்து தாக்கும் போர் முறையில் கியாப் என்பவரின் தலைமையில் பிரெஞ்சுப் படைகள் முதல் முறையாகத் தாக்கப்பட்டு பிரெஞ்சு வீரர்கள் ஏராளமான பேர் இறந்தனர்.

இந்த முதல் தாக்குதலை பிரஞ்சுப் பேரரசால் ஜீரணிக்க முடியாமல் போன அதே வேளையில் வியட்நாமிய மக்களிடையே பெரும் எழுச்சியுணர்வு ஏற்பட ஆரம்பித்தது.

வியட்நாமியர்களின் இந்த மன எழுச்சியைச் சொல்லாமல் போனால், என் வியட்நாமிய அனுபவங்கள் பலவற்றிற்கு அணி சேர்க்க முடியாமல் போகும் என்பதாலேயே இந்தச் சரித்திரச் சுருக்கம்.

(தொடரும்)

வீரத்தின் விளை நிலத்தில் தமிழர்களின் தடயங்கள்! - வியட்நாம் தொடர்

2010/08/13 எனக்கு ஏற்பட்ட குற்ற உணர்வு!

2010/08/06 அரண்மனைக்குள் நுழைய 5000 டாலர்!

2010/07/30 வாருங்கள் சைக்கிள் மிதிப்போம்!

2010/07/23 நேர விஷயத்தில் வாலாட்டாதீர்கள்!

2010/07/16 “நான் ரஜினியைப் போல”!

2010/07/09 வியட்நாமியர்களால் நேசிக்கப்படும் இந்தியத் தலைவர்!

2010/07/02 டோனாவிடம் லேனாவுக்குப் பிடித்த அம்சம்!

2010/06/25 கண்ட வயதில் கல்யாணம்!

2010/06/18 டோனா விட்ட டோஸ்!

2010/06/11 ஆற்றில் மணல் அள்ளுவது நல்லதே!