மணிமேகலை பிரசுரத்தின்…

நோய்களை குணப்படுத்தும் இந்துக்கோவில் மரங்கள் - வாணியம்பாடி டாக்டர் அக்பர் கவுஸர்

அறந்தாங்கி திருப்புனவாயில் பழம்பதி நாயகர்,
விருத்தபுரீஸ்வரர் கோயில் தலவிருட்சம்

சதுரக்கள்ளிச் செடி(EUPHORBIA, PEPLIS)

சதுரக்கள்ளி
EUPHORBIA ANTIQUORUM, LINN:EUPHORBIACEAE

சுந்தரர் பாடிய தேவாரம் - பாடல்

கொள்ளி வாயின் கூரெயிற்
றேனம் கிழிக்கவே
தேள்ளி மாமணி தீவிழிக்
கும்மிடஞ் செந்தறை
கள்ளி வற்றிப்புல் தீந்துவெங்
கானங் கழிக்கவே
புள்ளி மானினம் புக்கொளிக்
கும்புன வாயிலே.

கள்ளி மரத்தில் பல வகை உண்டு. சப்பாத்திக் கள்ளி, முக்கோணவடிவ கள்ளி, சாதாரண கள்ளி, பிரண்டைக் கள்ளி - இப்படி பலவகை உண்டு. இதில் சதுர வடிவில் இருக்கும் இம்மரத்தைத் தவிர புன்னை மரம், மகிழ மரம், குறுந்த மரம் ஆகிய மூன்று வகை மரங்களும் இக்கோவிலின் தலவிருட்சமாக அமைந்துள்ளது.

பல நூற்றாண்டுகளுக்கு முன்பு கட்டப்பட்ட இந்தக் கோயில் அறந்தாங்கியிலிருந்து 48 கி.மீ. தொலைவில் உள்ளது. வழியில் திருப்பெருந்துறை, மிமிசல் ஆகிய ஊர்களும் இணைகின்றன. இந்தக் கோயில் காரைக் குடியிலிருந்து 30 கி.மீ. தூரத்தில் உள்ளது. இந்தக் கோவிலிருந்துதான் “மூன்று முழமும் ஒரு சுற்று, முப்பது முழமும் ஒரு சுற்று” என்ற பழமொழி தோன்றியது.

இவ்வூருக்கு தெற்கில் பாம்பாறு ஓடுகின்றது. இக்கட்டுரையில் சதுரக்கள்ளியின் மருத்துவ குணங்களைப்பற்றி பார்ப்போம்.

சித்த மருத்துவம்
சதுரக்கள்ளி தோல் நோய்களுக்கு நல்ல மருந்தாகும். சளித்தொல்லை, வாத நோயைக் குணமாக்கும்.

கள்ளியில் பலவகை உண்டு. அவற்றில் 4 மூலை கொண்ட கள்ளி சிறந்தது. இது சில பகுதிகளில் மட்டுமே காணப்படுகிறது. ஆனால் 3 மூலைகள் உள்ள கள்ளி பல இடங்களிலும் உள்ளது. இருப்பினும் 4 மூலைகள் கொண்ட கள்ளிதான் சிறப்பானது.

தைலம் : சதுரக்கள்ளி ஆடாதொடை, தழுதாழை, எருக்கு, ஊமத்தை, ஆமணக்கு, கண்டங்கத்திரி, கையாந்தகரை, நொச்சி ஆகியவற்றின் வேர்களை தலா 250 கிராம் எடுத்து சிறுசிறு துண்டுகளாக நறுக்கி ஒரு பாத்திரத்தில் போட்டு 10 படி அளவு தண்ணீர் விட்டு அது 2 படியாக சுண்டி வரும்வரைக் காய்ச்சி வடித்து, பின்னர் சுக்கு, தாமரை வளையம், கடுகு, கோஷ்டம், அகிற்கட்டை, வசம்பு, சிகப்பு சந்தனம், சிற்றரத்தை, பூண்டு, இந்துப்பு, நெல்லி வற்றல், தான்றிக்காய், முக முகக்கை வேர், வாய் விளங்கம் ஆகியவை சேர்த்து இடித்து அதனுடன் நல்லெண்ணெய், வேப்ப எண்ணெய், ஆமணக்கு எண்ணெய் தலா 1/2 படி விட்டு அடுப்பில் வைத்து சிறு தீயாக எரிய வைத்து பதமாக காய்ச்சி வடிகட்டி வைத்துக் கொண்டால் இத்தைலத்தை தலையில் இட்டு நன்றாக ஊறிய பின் சுடுதண்ணீரில் குளித்தால் வாத நோய் தீரும். மேலும் வாத நோயுள்ள இடங்களில் இத்தைலத்தைத் தேய்த்து சுடு தண்ணீரில் குளித்தால் வலி குறையும்.

இதனை உள்ளுக்கு மிகவும் எச்சரிக்கையுடன் தரவேண்டும். அளவு அதிகமானால் அதிக வாந்தியையும், பேதியையும் உண்டாக்கி குடல் புண்ணாகும்.

சீழ்களில் உண்டான வீக்கம், வலி, பிடிப்பு ஆகியவற்றுக்கு மேலாக தடவி அதன் வேரின் அடிப்பாகத்தில் உள்ள மண்ணை மேல் தூவினால் குணமாகும்.

எப்போது தோல் சிவந்து எரிச்சல் வருகிறதோ அப்போது தண்ணீர் விட்டுக் கழுவி, துணியால் துடைத்து விட்டு தேங்காய் எண்ணெய் மேலாகத் தடவினால் குணமாகும்.

பாலுண்ணி மருக்களுக்கு குச்சியின் மூலம் தொட்டு வைத்தால் அது கரையும்.

எலி, நாய், பூனை முதலியவை கடித்த இடத்தில் தடவி புண்ணாக்கி சிறிது நாள் ஆறவிடாமல் வைத்து பிறகு ஆறிவிட்டால் விஷம் நீங்கும்.

விசேஷமாக முடி சம்பந்தப்பட்ட தைலங்களில் சேர்த்துக் காய்ச்சுவதும் உண்டு.

யுனானி மருத்துவம்

தோற்றம் : இது ஆப்பிரிக்கா நாட்டிலுள்ள “தண்டா தவ்ஹர்” எனும் மரத்தின் பாலாகும். இதன் நிறம் மஞ்சளாகவும், சுவை கசப்பாகவும் இருக்கும். எளிதில் பிளக்கக் கூடிய தன்மை உடையதாகவும் இருக்கும். இது பழமையானவுடன் இதன் நிறம் அடர் சிவப்பு நிறமாக மாறிவிடும்.

இயல்பு : உஷ்ணம், வறட்சி கொண்டது.

முக்கிய குணங்கள் : வெளிப்புற உபயோகத்தில் தோலைச் சுத்தம் செய்கிறது. கொப்புளங்களை உண்டாக்குகிறது. நரம்புகளுக்குச் சக்தி அளிக்கிறது. உட்புற உபயோகத்தில் வயிற்றுப் போக்கை உண்டாக்குகிறது.

பயன்படுத்தும் முறை : இதை அதிகளவில் குஸ்த் மற்றும் ஜெய்த்தூண் எண்ணெயில் கலந்து பாரிச வாயு, பக்க வாதம், கைகால் நடுக்கம், உடலுறுப்புகள் மரத்து விடுதல் மற்றும் சளியால் உண்டாகும் நோய்களைக் குணப்படுத்த வெளிப்பூச்சு மருந்தாகப் பயன்படுத்துவார்கள்.

இதை மற்ற பொருத்தமான மருந்துகளுடன் கலந்து ஆண்மைச்சக்தியை அதிகரிக்க மேல் பூச்சு மருந்தாகப் பயன்படுத்துவார்கள். தடைப்பட்ட மாதவிலக்கைப் பிரியச் செய்யவும், சுகப்பிரசவம் உண்டாக்கவும் இதைத் தனியாகவோ அல்லது மற்ற பொருத்தமான மருந்துகளுடன் கலந்தோ பயன்படுத்துவார்கள்.

முக்கிய பயன்கள் : வயிற்றிலுள்ள சளி மற்றும் அசுத்தங்களை வெளியேற்றுகிறது. நரம்பு நோய்களுக்கு அதிகளவில் பயன்படுகிறது.

அளவு : 250 மில்லி கிராம் முதல் 500 மில்லி கிராம் வரை பயன்படுத்தலாம்.

தீய விளைவுகள் : குடல், வயிறு மற்றும் கர்ப்பப்பைக்குத் தீங்கு விளைவிக்கும்.

தீய விளைவுகளைச் சரிசெய்யும் முறை : இத்துடன் கோகுல் மற்றும் அதிமதுரம் கலந்து பயன்படுத்த வேண்டும். இதற்கு மாற்றாக மார்ஜியூம் பயன்படுத்தலாம்.

ஆப்பிரிக்கா நாட்டிலும் நம் நாட்டிலும் நாட்டு மருந்து வியாபாரிகள் கள்ளிச் செடிகளின் பாலைத் தனியாகப் பிரித்தெடுத்து அதைப் பதப்படுத்தி நாட்டு மருந்துக் கடைகளில் மருந்தாக விற்கின்றார்கள். பார்ப்பதற்கு காப்பி நிறமும், மஞ்சள் நிறமும் கலந்திருக்கும். காரமாக இருக்கும். நாக்கில் வைத்தால் எரிச்சலாக இருக்கும். இதனை ஃபர்பியூன் என்பார்கள்.

இதைத் தண்ணீரில் நனைத்தால் கரைந்துவிடும். பழைய கள்ளிப்பால் பிசின் கருப்பு நிறத்தில் இருக்கும். தண்ணீரில் சீக்கிரத்தில் கரையாது. இது கலப்படம் இல்லாத சுத்தமான மருந்தாகும். இதை இரண்டு குண்டுமணியிலிருந்து நான்கு குண்டுமணிவரை பயன்படுத்தலாம். இதைச் சாப்பிட்டால் மலச்சிக்கல் நீங்கும். சளியை வெளியேற்றும். தோள்பட்டைகளுக்குச் சக்தி தரும். சளியால் உண்டாகும் வியாதிகள், மற்றும் நரம்பு வியாதிகளான பாரிச வாயு, கை, கால், வாய் விளங்காமை, மயக்க நிலை, கை கால் மரத்து விடுதல், நடுக்கம், சிறுநீர் அடைப்பு, கைகால் வீக்கம் ஆகிய நோய்களைக் குணமாக்கும்.

இதை மற்ற எண்ணெய்களுடன் கலந்து உடலில் மசாஜ் செய்வார்கள். இது மாதவிலக்கையும் வெளியேற்றுகிறது. ஃபர்பியூன், அபின் போதை மருந்துக்கு முறிவாகும். கள்ளிப்பால் பிசினின் மருத்துவக் குணங்கள் நான்கு ஆண்டுகள் வரை இருக்கும். அதன் பின் குறைந்துவிடும்.

தயாரிக்கப்பட்ட மருந்துகள் : டெல்லியில் உள்ள ஹம்தர்த் யுனானி மருந்து கம்பெனி கள்ளி மரப்பால் பிசினைக் (ஃபர்பியூனை) கொண்டு கீழ்க்காணும் மருந்துகளைத் தயாரித்து விற்கின்றது. அவைகளை யுனானி நாட்டு மருந்துக் கடைகளிலிருந்து வாங்கிப் பயன்படுத்தலாம்.

திலா முஷ்க்வாலா : இந்த எண்ணெயை நன்றாகக் குலுக்கி இன உறுப்பின் மீது பூசி வெற்றிலையைக் கட்டினால் அது திடமாகவும், நன்கு வளர்ச்சியும் அடையும். அனைத்து ஆண்மைக் கோளாறுகளையும் நீக்கும்.

மாஜூன் தலஃப் : மூன்று கிராம் லேகியத்தைத் தண்ணீருடன் இரவில் விழுங்கிவிட வேண்டும். பாரிச வாயு, கை, கால், வாய் விளங்காமை, வலிப்பு நோய் ஆகியவை குணம்பெறும். வயிறு, கல்லீரல், இடுப்பு வலி இவற்றைக் குணமாக்கும். மலச்சிக்கலையும் நீக்கும்.

நரகவாசிகளுக்கு இறைவனால் தரப்படும் முள் நிறைந்த கள்ளிச் செடியில் நன்மைகள் ஏதும் இருக்காது. ஆனால் பூமியில் படைத்த கள்ளிச் செடியில் பல நன்மைகளை இறைவன் மனிதனுக்காகப் படைத்திருக்கின்றான் என்பதை மேற்கொண்டவை சுட்டிக் காட்டுகிறது.

தலவிருட்சம் கொண்ட திருக்கோவில்கள்
திருப்புனவாயில் எனும் திருக்கோவிலின் தலவிருட்சங்கள் நான்கனுள் சதுரக்கிள்ளியும் ஒன்றாக வணங்கப்படுகிறது. சதுரக்கள்ளி, திருப்புனவாயில் பழம் பெரும் நாயகர், பழம்பதி நாயகர், விருத்தபுரீஸ்வரம், பரங்கருணை நாயகி, கருணை நாயகி ஆலயத்தின் தலவிருட்சமாக அமைந்திருக்கின்றது.

அக்பர் கவுஸரின் முந்தைய கட்டுரைகள்

2010/03/26 தஞ்சை திருச்சேரையூர் ஸ்ரீசாரங்கபாணி விஷ்ணு கோவில் தலவிருட்சம் சங்கு புஷ்பம்

2010/03/19 திருச்சாய்க்காடு சாயாவனேசுவரர் கோயில் தலவிருட்சம் கோரைக்கிழங்கு

2010/03/12 வெண்குஷ்டத்தைக் குணமாக்கும் கொட்டை பூவரசன் மரம்

2010/03/06 குத்தாலம் சிவன்கோயில் தலவிருட்சம் கூதாளி

2010/02/26 திருமாந்துறை சிவன் கோயில் தலவிருட்சம் கூந்தற் பாக்கு மரம்

2010/02/19 கும்பகோணம் கூந்தலூர் ஜம்புகாரண்ய ஈசுவரர் கோயில் தலவிருட்சம் கூந்தப்பனை

2010/02/12 பதரிகாச்சிரமம் சிவன் கோயில் தலவிருட்சம் குங்குமம்

2010/02/05 புத்த பிரானின் பிறப்பும், இறப்பும் நிகழ்ந்த மரம் குங்கிலியம்

2010/01/29 திருப்புனவாயில் பழம்பதி நாயகர் கோயில் தலவிருட்சம் குரா மரம்

2010/01/22 நாகப்பட்டினம் திருக்கடைமுடி சிவன் கோவில் தலவிருட்சம் கிளுவை கோகுல் மரம்

2010/01/15 திருவாரூர் திருசெங்கண்டன்குடி ஆதிவனந்தர் சிவன் கோவில் தலவிருட்சம் காட்டு அத்தி மரம்

2010/01/08 காஞ்சிபுரம் திருக்கச்சிநெறிக் காரைக்காடு திருக்காலீசுவரன் கோவில் தலவிருட்சம் காரைச் செடி

2009/12/31 மதுரை திருப்பரங்குன்றம் சுப்பிரமணிய சுவாமி முருகர் கோயில் தலவிருட்சம் கல்அத்தி

2009/12/25  ஈச்சங்குடி சிவன் கோயில் தலவிருட்சம் கர்ச்சூரம்

2009/12/18 திருவிளநகர் - துறைகாட்டும் வள்ளலார் சிவன் கோயில் தலவிருட்சம் கற்பகப் புல்

2009/12/11 ஸ்ரீ சைலம் சிவன் கோயில் தலவிருட்சம் கண்டங்கத்திரி

2009/12/04 திருவெண்ணி - வெண்ணிக்கரும்பர் கோயில் தலவிருட்சம் கரும்பு

2009/11/27 வள்ளி மலை, பிரியங்கு அலர்மேலு மங்காபுரம் சிவன்கோயில் தலவிருட்சம் கம்பு

2009/11/20 மதுரை மீனாட்சியம்மன் கோவில் தலவிருட்சம் கதம்பா மரம்

2009/11/13 திருநெல்வேலி கரியல் பால்வண்ணநாதர் சிவன் கோவில் தலவிருட்சம் களா மரம்

2009/11/06 நாகப்பட்டினம் திருக்குறுக்கை வீரட்டீஸ்வரர் சிவன் கோவில் தலவிருட்சம் கடுக்காய் மரம்

2009/10/30 ஒமாம் புலியூர் சிவன் கோயில் தலவிருட்சம் ஒமை (உகா மரம்)

2009/10/23 பந்தணை நல்லூர் சிவன் கோயில் தலவிருட்சம் ஒதி மரம்

2009/10/16 திருக்கழுக்குன்றம் சிவன் கோயில் தலவிருட்சம்: ஏழிலைப்பாலை

2009/10/09 திருக்காளத்தி சிவன் கோயில் தலவிருட்சம் எட்டி

2009/10/02 திருவள்ளூர் - திருமாகறல் மாகலீஸ்வரர் சிவன்கோவில் தலவிருட்சம் எலுமிச்சை

2009/09/25 முல்லைவன நாதர் சிவன்கோயில் தலவிருட்சம் ஊசி மல்லிகை 

2009/09/18 திருமணஞ்சேரி திருக்கோவிலின் தலவிருட்சம் ஊமத்தை

2009/09/11 திருவலஞ்சுழி சிவன் கோவில் தலவிருட்சம் உருத்திராட்ச மரம்

2009/09/04 நாகப்பட்டினம் - குத்தாலம் உத்தவனேஸ்வரர் சிவன் கோயில் தலவிருட்சம் உத்தாளம்

2009/08/28 ஈச்சங்குடி திங்களூர் சிவன் கோயில்களின் தலவிருட்சம் ஈச்சை மரம்

2009/08/21 திருச்செங்கோடு அர்த்தநாரீஸ்வரர் சிவன் கோயில் தலவிருட்சம் இலுப்பை மரம்

2009/08/14 ஆடுதுறை திருமங்கலக்குடி புராணேசுரர் கோயில் தலவிருட்சம் இலவமரம்

2009/08/07 ஈரோடு திருநணா சங்கனேஸ்வரர் சிவன் கோவில் தலவிருட்சம் இலந்தை

2009/07/31 ஆனைப் புளிய மரம்

2009/07/24 ஆலயங்களில் கற்பூர தீபம் ஏற்றப் பயன்படும் கற்பூர மரம்

2009/07/17 இந்து, ஜைன் புத்த மதங்களின் புனித மரம் ஆல மரம்

2009/07/10 அசுவதந்தி திருக்களர் சிவன்கோயில் தலவிருட்சம் ஆடாதொடை

2009/07/04 திருச்செங்காட்டாங்குடி ஆத்திவனநாதர் கோயில் தலவிருட்சம் அத்தி மரம்

2009/06/26 நாகப்பட்டினம் திருக்கொட்டையூர் திருக்கோட்டீஸ்வரர் சிவன் கோவில் தலவிருட்சம் ஆமணக்கு

2009/06/19 காளி கோயில் தலவிருட்சம் அரளி

2009/06/12 திருவள்ளூர் திருக்கள்ளில் சிவானந்தேஸ்வரர் கோவில் தலவிருட்சம் அலரிச் செடி

2009/06/05 திருமாலிருஞ்சோலை திருமால் கோவிலின் தலவிருட்சம் அசோக மரம்

2009/05/29 திருக்காறாயில் திருக்கோயில் தலவிருட்சம் அகர் அகில் மரம்

2009/05/22 கன்னியாகுமரி அகத்தீஸ்வரம் அகத்தீஸ்வரர் கோவில் தலவிருட்சம் அகத்தி மரம்

2009/05/15 கேது பகவான் கோவிலில் வணங்கப்படும் தர்ப்பை புல்

2009/05/08 ராகு பகவான் கோவிலில் வணங்கப்படும் அருகம் புல்

2009/05/01 சனி பகவான் கோவிலில் வணங்கப்படும் வன்னி மரம்

2009/04/24 சுக்கிர பகவான் கோவிலில் வணங்கப்படும் அத்தி மரம்

2009/04/17 புதன் பகவான் கோவிலில் வணங்கப்படும் நாயுருவிச் செடி

2009/04/10 அங்காரக பகவான் கோவிலில் வணங்கப்படும் கருங்காலி மரம்

2009/04/03 சந்திர பகவான் கோவிலில் வணங்கப்படும் முருக்கன் மரம்

2009/03/27 சூரிய பகவான் கோவிலில் வணங்கப்படும் வெள்ளை எருக்கன் செடி

• Contact Details
• Manimekalai Prasuram
• Books available in Manimekalai Prasuram
• Beauty Tips
• Lanka and Pakistan in T20 world cup final!
• M.R.Radha Speech
• Lena Katturai
• 2008/05/28 Reader’s opinion
• Junior Kelvi Pathil
• 2008/05/21 Yet not seen www.sivajitv.com?