» Mullai Periyar Dam Issue

Saturday, 6 Mar 2010

செயற்குழுவா பகைக்குழுவா?

முல்லைப் பெரியாறு அணை விவகாரத்தில் உச்சநீதிமன்றம் சிபாரிசு செய்துள்ள நிபுணர் குழுவில் தமிழகம் அவசியம் இடம்பெறவேண்டும் என்கிற ஜெயலலிதாவின் கருத்து மிக அருமையான ஒன்றாகவும், இந்த விஷயத்தில் தி.மு.க. பொதுக்குழு எடுத்துள்ள தீர்மானம் அபத்தமாகவும் படுகிறது. இது என்ன செயற்குழுவா, பகைக்குழுவா?

“இது கேரள அரசிற்குச் சாதகமான முடிவல்ல” என்று பதிலிறுத்த தமிழக முதல்வர், தம் கட்சிப் பொதுக்குழுவில் தீர்மானத்தை இந்த விஷயத்தில் ஆதரிப்பதன் மூலம் கேரள அரசிற்குச் சாதகமான முடிவை இவரே எடுத்துவிட்டார் என்றே தோன்றுகிறது.

கேரள அரசு, மிட்டல் குழுவின் கருத்திற்கு (அணை வலுவாகவே உள்ளது) எதிர்ப்புத் தெரிவித்து அதை எடுபடாமல் செய்து மீண்டும் ஓர் ஐவர் குழுவுக்கு உச்சநீதிமன்றத்தில் சிபாரிசு பெற்று, அதை உடனடியாக மகிழ்ந்து வரவேற்றிருக்கிற நிலைபாட்டைப் பார்க்கும்போது, இதை எப்படிக் கேரள அரசிற்குச் சாதகமற்ற விஷயம் என்று வாதிட முடியும்?

சாதகமாக இல்லாவிட்டால் கேரள அரசு ஏன் இந்தப் புது முடிவை ஆதரிக்கப்போகிறது?

வழக்குத் தொடுத்தவர், நீதிமன்றத்திற்குத் தொடர்ந்து வராமல் போனால் அதை எக்ஸ் பார்ட்டி என்பார்கள். இத்தகைய நிலை யார்மீது வழக்குத் தொடுக்கப்பட்டதோ அவருக்குச் சாதகமாக ஆகிவிடும். வேறு வகையில் சொன்னால் வழக்கு விசாரிக்கபடாமலே தள்ளுபடி செய்யப்படும். உச்சநீதிமன்றம் நியமிக்கும் குழுவில் தமிழக அரசு இடம்பெறாமல் போனால், அதில் இரு குற்றச்சாட்டுகள் எழும்.

முதலாவது, ஒரு மாநில முதல்வர் உச்சநீதிமன்றத்தின் உத்தரவிற்கு ஆலோசனைக்குக் கட்டுப்படவில்லை என்பது.

இரண்டாவது, நீங்கள் பிரதிநிதித்துவம் செய்யாத குழுவில் நாங்கள் எடுப்பதுதான் முடிவு என்று உச்சநீதிமன்றம் உறுதி காட்டுமானால் அது தமிழகத்திற்கு நன்மை செய்யும் தீர்ப்பாக இராது.

உச்ச நீதிமன்றம் இந்த நாட்டின் உச்சபட்ச சக்தி. சில நேரங்களில் மத்திய அரசுகூட இதனிடம் கைகட்டி நிற்க வேண்டியதுதான். இதைத் தமிழக முதல்வரே உணர்ந்திருக்கிறார் என்பதை “இன்றைய அரசியல் சூழ்நிலையில் மத்திய அரசிடமிருந்து ஒரு தெளிவான முடிவை எதிர்பார்க்க இயலாத நிலை” என்கிற இவரது கருத்து நன்கு வெளிப்படுத்துகிறது.

மத்திய அரசு கைகட்டி நின்று வேடிக்கை பார்க்க சர்வ வல்லமை படைத்த உச்சநீதிமன்றம் தமிழக நலனுக்கு எதிராக முடிவெடுக்கும் சூழ்நிலையைத் தமிழகமே உருவாக்கி வருவது உண்மையில் வருத்தத்திற்குரிய செயலே!

லேனாவின் முந்தைய ஒரு பக்கக் கட்டுரைகள்

2010/02/19 தமிழ்வழிக் கல்விக்கான தருணம்!

2010/02/12 கொசு(று)ப் பிரச்னையல்ல இது!

2010/01/29 கல்வியைக் கடைச் சரக்காக்கிய நிகர்நிலைப் பல்கலைக் கழகங்கள்!

2010/01/22 மடுவிற்கும் மலைக்கும் உள்ள வேறுபாடு!

2010/01/15 நடக்கட்டும் நடக்கட்டும்!

2010/01/08 அதற்குள் இப்படி ஓர் ஆயாசமா?

2009/12/31 அம்புகளை நோவானேன்?

2009/12/25 அதென்ன வின்-வின் கொள்கை?

2009/12/18 நீங்களே சொல்லுங்௧ள்

2009/12/11 தரம் காட்டுபவர்கள்!

2009/12/04 சிறு வருத்தங்களால் விலகிப் போகிறவர்கள்!