Thursday, 31 Dec 2009
மணிமேகலை பிரசுரத்தின்…
நோய்களை குணப்படுத்தும் இந்துக்கோவில் மரங்கள் - வாணியம்பாடி டாக்டர் அக்பர் கவுஸர்
மதுரை திருப்பரங்குன்றம் சுப்பிரமணிய சுவாமி
முருகர் கோயில் தலவிருட்சம்
கல்அத்தி
(FICUS RETUSA, AUCT, NON, L.)
FOCUS TINCTORIA, FORSTERF, VAR, PARASIFICA, WILLD; MORACEAE
திருஞானசம்பந்தர் பாடிய தேவாரம் - பாடல் :
குண்டாய் முற்றுத் திரிவார் கூறை
மெய்போர்த்து
மிண்டாய் மிண்டர் பேசிய பேச்சு
மெய்யல்ல
பாண்டால் நீழல் மேவிய ஈசன்
புரங்குன்றைத்
தொண்டா லேத்தத் தொல்வினை
நம்மேல் நல்லாவே.
இம்மரம் நாடெங்கும் ஆங்காங்கே பார்க்கக் கூடிய மரமாகும். மலை அடிவாரங்களில் வளருகின்றன. சுமாரான உயரமுடைய மரம். சுமார் 20 மீட்டர் உயரம் வளரும். மொழுமொழுப்புடன் பச்சை நிறச் சாயலுடன் இருக்கும்.
இம்மரத்தில் விழுதுகள் உருவாகாது. மரங்களில் விதை விழுந்து வளரும் தன்மை கொண்டது. நன்கு அடர்ந்து வளரக் கூடிய மரம்.
கிராமப்பகுதிகளில், பொது இடங்களில் நட்டு வளர்த்து நிழல் பெறலாம். சிறு மரமாக வளர்வதால் குறுகிய சாலைகளிலும் வளர்க்க ஏற்றது.
கல்லத்தி என்பதன் வேறு பெயர்களாக இத்தி, இந்திரி, இறலி, சுவி என பல பெயர்களில் அழைக்கப்படுகின்றன.
இது “ஃபைகஸ் ரெடூஸா ஆக்ட்” எனும் அறிவியல் பெயர் கொண்டு “மொரசியே (FICUS RETUSA AUCT. NON L.) என்னும் தாவரக் குடும்பத்தைச் சேர்ந்தது.
தமிழ்ப்பெயர்களாக இச்சி, கல்இச்சி, கல்லிச்சி, மலையிச்சி, என வழங்கப்படுகிறது.
இது தென்னிந்தியாவில் ஏராளமாகப் பயிராகும். ஆல் வகுப்பைச் சேர்ந்தது என மருத்துவக் குறிப்புகள் தெரிவிக்கின்றன. கோவில்களில் வளர்க்கப்படும் மரங்களில் கல்அத்தி சர்க்கரை நோய்க்கும், கல்லீரல் நோய்க்கும் நல்ல மருந்து என சமீபத்திய ஆராய்ச்சியில் கண்டறியப்பட்டுள்ளது.
சித்த மருத்துவம்
இதன் பிஞ்சு, காய், பட்டை முதலியன மருத்துவப் பயன்களுக்கு உதவுகின்றன. இது துவர்ப்புச் சுவையை உடையது. பேதி , பெரும்பாடு, உட்சூடு, அதனால் ஏற்படும் நோய் வகைகளைப் போக்கும்.
பிஞ்சு : இப்பிஞ்சுகளை அரைத்தாவது, இதன் பட்டையைக் குடிநீர் செய்தாவது குடித்து வந்தால் மேற்கண்ட நோய்கள் போகும்.
காய் : இதன் காயை நெய்விட்டு பிதுக்கித் தின்றால் மலச்சிக்கல் நீங்கும்.
ஆயுர் வேதம்
ஆயுர்வேதத்தில் இதனை பலாக்ஷா, கர்பாரி என்பார்கள். பொதுவாக காசி மலைகளிலும், இமாலய பிரதேசத்திலும், தமிழகத்தின் சில பகுதிகளிலும் காணப்படுகின்றது. இதன் இளந்துளிர்களைக் கஷாயமிட்டுக் குடிப்பதால் பேதி, இரத்தப்போக்கு, கட்டுப்படுகின்றது.
இலை, மரப்பட்டை : இலைகளையும், மரப்பட்டைகளையும் தண்ணீரில் அரைத்துப் பசையாக்கி அக்கி என்னும் நீர்க்கொப்பளங்கள், அம்மை போன்றவை மீது பூசலாம்.
மரப்பட்டையைப் பவுடராக்கி தேனில் கலந்து பெண்களின் பிறப்புறுப்புக்குள் செலுத்துவதால் வெள்ளைப்பாடு நோய் குணம் பெறுகின்றது.இதன் பழங்களைச் சாப்பிட்டால் வெள்ளைப்பாடு கட்டுப்படகின்றது. மரப்பட்டை இலைகள், சர்க்கரை நோய்க்கு நல்ல மருந்து என கண்டுபிடிக்கப்பட்டுள்ளது.
இலைகள் - வேர் : இலைகளைக் கஷாயமிட்டுக் குடிப்பதால் இந்திரியத்தில் ஏற்படும் கோளாறுகள் குணம் பெறுகின்றன. இதன் வேரை பல்வலிக்கும், சொத்தைப்பல் பிரச்சினைகளுக்கும் பயன்படுத்துகின்றார்கள்.
இதன் வேரை வறுத்து பவுடராக்கி, உப்பு கலந்து சொத்தைப்பல் மீது வைத்தால் வலி குறைகிறது. பட்டை, கல்லீரல் கோளாறுகளுக்கு மிகவும் சிறந்தது.
தலவிருட்சம் கொண்ட திருக்கோவில்கள்
மதுரையை அடுத்த திருப்பரங்குன்றம் எனும் திருக்கோவிலின் தலவிருட்சமாக கல்லத்தி வணங்கப்படுகிறது. இது காட்டத்தி என்றும் குறிப்பிடப் பெறுகிறது. கல்லால் இனத்தைச் சார்ந்த மரவகை. சுந்தரமூர்த்தி நாயனாரும் திருப்பரங்குன்றப் பதிகத்துள் “கல்லால் நிழற்கீழ் ஒருநாட் கண்டதும்” என்று பாடிச் சிறப்பித்துள்ளார் என்பது புராணச் செய்தி.
அக்பர் கவுஸரின் முந்தைய கட்டுரைகள்
2009/12/25 ஈச்சங்குடி சிவன் கோயில் தலவிருட்சம் கர்ச்சூரம்
2009/12/18 திருவிளநகர் - துறைகாட்டும் வள்ளலார் சிவன் கோயில் தலவிருட்சம் கற்பகப் புல்
2009/12/11 ஸ்ரீ சைலம் சிவன் கோயில் தலவிருட்சம் கண்டங்கத்திரி
2009/12/04 திருவெண்ணி - வெண்ணிக்கரும்பர் கோயில் தலவிருட்சம் கரும்பு
2009/11/27 வள்ளி மலை, பிரியங்கு அலர்மேலு மங்காபுரம் சிவன்கோயில் தலவிருட்சம் கம்பு
2009/11/20 மதுரை மீனாட்சியம்மன் கோவில் தலவிருட்சம் கதம்பா மரம்
2009/11/13 திருநெல்வேலி கரியல் பால்வண்ணநாதர் சிவன் கோவில் தலவிருட்சம் களா மரம்
2009/11/06 நாகப்பட்டினம் திருக்குறுக்கை வீரட்டீஸ்வரர் சிவன் கோவில் தலவிருட்சம் கடுக்காய் மரம்
2009/10/30 ஒமாம் புலியூர் சிவன் கோயில் தலவிருட்சம் ஒமை (உகா மரம்)
2009/10/23 பந்தணை நல்லூர் சிவன் கோயில் தலவிருட்சம் ஒதி மரம்
2009/10/16 திருக்கழுக்குன்றம் சிவன் கோயில் தலவிருட்சம்: ஏழிலைப்பாலை
2009/10/09 திருக்காளத்தி சிவன் கோயில் தலவிருட்சம் எட்டி
2009/10/02 திருவள்ளூர் - திருமாகறல் மாகலீஸ்வரர் சிவன்கோவில் தலவிருட்சம் எலுமிச்சை
2009/09/25 முல்லைவன நாதர் சிவன்கோயில் தலவிருட்சம் ஊசி மல்லிகை
2009/09/18 திருமணஞ்சேரி திருக்கோவிலின் தலவிருட்சம் ஊமத்தை
2009/09/11 திருவலஞ்சுழி சிவன் கோவில் தலவிருட்சம் உருத்திராட்ச மரம்
2009/09/04 நாகப்பட்டினம் - குத்தாலம் உத்தவனேஸ்வரர் சிவன் கோயில் தலவிருட்சம் உத்தாளம்
2009/08/28 ஈச்சங்குடி திங்களூர் சிவன் கோயில்களின் தலவிருட்சம் ஈச்சை மரம்
2009/08/21 திருச்செங்கோடு அர்த்தநாரீஸ்வரர் சிவன் கோயில் தலவிருட்சம் இலுப்பை மரம்
2009/08/14 ஆடுதுறை திருமங்கலக்குடி புராணேசுரர் கோயில் தலவிருட்சம் இலவமரம்
2009/08/07 ஈரோடு திருநணா சங்கனேஸ்வரர் சிவன் கோவில் தலவிருட்சம் இலந்தை
2009/07/24 ஆலயங்களில் கற்பூர தீபம் ஏற்றப் பயன்படும் கற்பூர மரம்
2009/07/17 இந்து, ஜைன் புத்த மதங்களின் புனித மரம் ஆல மரம்
2009/07/10 அசுவதந்தி திருக்களர் சிவன்கோயில் தலவிருட்சம் ஆடாதொடை
2009/07/04 திருச்செங்காட்டாங்குடி ஆத்திவனநாதர் கோயில் தலவிருட்சம் அத்தி மரம்
2009/06/26 நாகப்பட்டினம் திருக்கொட்டையூர் திருக்கோட்டீஸ்வரர் சிவன் கோவில் தலவிருட்சம் ஆமணக்கு
2009/06/19 காளி கோயில் தலவிருட்சம் அரளி
2009/06/12 திருவள்ளூர் திருக்கள்ளில் சிவானந்தேஸ்வரர் கோவில் தலவிருட்சம் அலரிச் செடி
2009/06/05 திருமாலிருஞ்சோலை திருமால் கோவிலின் தலவிருட்சம் அசோக மரம்
2009/05/29 திருக்காறாயில் திருக்கோயில் தலவிருட்சம் அகர் அகில் மரம்
2009/05/22 கன்னியாகுமரி அகத்தீஸ்வரம் அகத்தீஸ்வரர் கோவில் தலவிருட்சம் அகத்தி மரம்
2009/05/15 கேது பகவான் கோவிலில் வணங்கப்படும் தர்ப்பை புல்
2009/05/08 ராகு பகவான் கோவிலில் வணங்கப்படும் அருகம் புல்
2009/05/01 சனி பகவான் கோவிலில் வணங்கப்படும் வன்னி மரம்
2009/04/24 சுக்கிர பகவான் கோவிலில் வணங்கப்படும் அத்தி மரம்
2009/04/17 புதன் பகவான் கோவிலில் வணங்கப்படும் நாயுருவிச் செடி
2009/04/10 அங்காரக பகவான் கோவிலில் வணங்கப்படும் கருங்காலி மரம்
2009/04/03 சந்திர பகவான் கோவிலில் வணங்கப்படும் முருக்கன் மரம்
2009/03/27 சூரிய பகவான் கோவிலில் வணங்கப்படும் வெள்ளை எருக்கன் செடி