இதுதாங்க இப்ப பேஷன்!

கண்ணைப் பார் சிரி!பேஷன் என்றால் மாற்றத்துடன் கூடிய புதிய அழகு. அதற்காக கலைஞர்களும் பேஷன் கிரியேட்டர்களும், ஒன்றின் உண்மைத் தன்மை கெடாமல் அதே சமயம் அதை மற்றவற்றில் இருந்து வேறுபடுத்திக்காட்ட படாத பாடு படுகின்றனர். எப்படி? நீங்களே பாருங்கள்…

செருப்புதாங்க!

எதையும் வீணடிக்கக்கூடாது… காண்டம் ஆடை!

எப்போதும் புகழ் அல்லது ஏதோ ஒரு வெளிச்சத்தில் இருக்க விரும்புபவர்களுக்கு

ண்ணுக்கு நகை அழகு…

நானும் காலணிதான்

நீதான் என் மூச்சு… நுரையீரல் காதணி

மாத்திரை காதணி! போரடித்தால் வாயில் போட்டு விழுங்கி விடலாம்(வைட்டமின் மாத்திரைதான்)

கன் ஃபைட் காஞ்சனாவின் கைப் பை!

காதல் கணவருடன் திருப்பதி பெருமாளை தரிசித்த ஷில்பா ஷெட்டி

நடிகை ஷில்பா ஷெட்டி தனது காதல் கணவர் ராஜ் குந்த்ராவுடன் திருப்பதி வந்து வெங்கடேசப் பெருமாளை தரிசனம் செய்தார். ஷில்பா ஷெட்டி, லண்டன் தொழிலதிபரான ராஜ் குந்த்ராவை கடந்த 22 ஆம் தேதி திருமணம் செய்தது நினைவிருக்கும்.

நடிகை இஷா கோபிகர்  திருமணம்

நடிகை இஷா கோபிகர், தனது காதலரான ஓட்டல் தொழிலதிபர் டிம்மி நரங் - கை நேற்று திருமணம் செய்தார். இவர்களுடைய திருமணம் மும்பையில் உள்ள இஸ்கான் (ISKCON) கோயிலில் எளிமையாக நடைபெற்றது. இத்திருமணத்தில் இருவர் தரப்பிலும் நெருங்கிய உறவினர்கள் மற்றும் நண்பர்கள் மட்டுமே கலந்துகொண்டனர்..

கனமான கதாபாத்திரம் மூலம் தமிழ் ரசிகர்களைச் சந்திப்பேன்: ‘பூ’ பார்வதி

‘பூ’ படத்தில் தன்னுடைய நடிப்பால் நல்ல பெயர் எடுத்தவர் பார்வதி. ஆனால், அதற்குப் பிறகு தமிழ் படங்கள் எதிலும் அவரைக் காணமுடியவில்லை. இது குறித்து அவர் கூறியதாவது:

“நடிகைகளுக்கு வேடங்கள் அமைவது என்பது அதிர்ஷ்டம்தான். அந்த வகையில நான் அதிர்ஷட்சாலி. பூ படம் என்னை அந்த பாத்திரமாகவே மாற்றியது. அதன்பிறகு நிறைய கதைகள் கேட்டேன். மனதுக்கு திருப்தியாக எதுவும் அமையவில்லை. தமிழில் நடிக்க வேண்டும் என்ற ஆசை இருந்தாலும் ஒரே ஒரு  கண்டிஷன், நடிப்பை வெளிப்படுத்தும் வேடமாக இருக்கவேண்டும் என்பதுதான்.

கன்னடத்தில், தேசிய விருது பெற்ற ஜேக்கப் வர்கீஷ இயக்கும் படமொன்றில் பு்னித் ராஜ்குமாரின் ஜோடியாக நடித்து வருகிறேன். எந்த மொழித் திரைப்படமானாலும் கதாபாத்திரம் தான் முக்கியம். அப்படி யொரு வெயிட்டான கதாபாத்திரத்தில் வந்து, தமிழ் ரசிகர்களைச் சந்திப்பேன்” என்கிறார் பார்வதி

ஹிந்தி படத்​தில் க்ளா​மர் நிச்​ச​ய​ம்​: ஷெரின்

தற்​போது கன்​ன​டத்​தில் ‘ஏ.கே.47′ என்ற படத்​தில் நடித்து வரும்​ ஷெரினுக்கு இது கன்​ன​டத்​தில் இது 5-வது படம். அடுத்து ‘ஜர்ன​லிஸ்ட்’ என்ற ஹிந்தி படத்​தில் பத்​தி​ரி​கை​யா​ள​ராக நடிக்​கிறார். பிர​பல இயக்​கு​நர் கபீர்​லால் இயக்​கு​கி​றார். இந்த படம் தனக்கு பெரிய பெயரை பெற்றுத்தரும் என நம்பிக்கையுடன் கூறும் ஷெரின், “இதற்​காக டி.வி. செய்​தி​களை கவ​னித்து வரு​கி​றேன். தமி​ழில் ‘வில்’ என்ற படத்​தில் நடிக்​கி​றேன். இப்​ப​டம் விரை​வில் தொடங்​கு​கி​றது. மலை​யா​ளப் படங்​க​ளில் நடிக்​க​வும் வாய்ப்​பு​கள் வந்த வண்​ணம் உள்​ளன. தமி​ழில் தொடர்ந்து நடிக்க முடி​யா​மல் போன​தற்கு ஹிந்தி படம்​தான் கார​ணம். ஹிந்​திக்கு பின் தமிழ் படங்​க​ளில் கவ​னம் செலுத்த உள்​ளேன். தமிழ் படங்​கள்​தான் என்னை அடை​யா​ளம் காட்​டி​யவை. அவ்​வப்​போது ஹிந்தி படங்​க​ளில் நடிப்​பேன். ஹிந்​தி​யில் க்ளா​மர் நிச்​ச​ய​மாக இருக்​கும். ஏனென்​றால் அங்​குள்ள ரசி​கர்​க​ளின் மன​நிலை வேறு’ என்றார் ஷெரின்.

அமெரிக்கரின் ஆசையில் உருவான விமான வீடு

அமெரிக்கா, கலிஃபோர்னியாவைச் சேர்ந்தவர் ஆண்டனி டோத். 42 வயதான இவர், அமெரிக்க விமான நிறுவனத்தில் பணியாற்றி வருகிறார். விமானத்தின் மீது இவருக்கு இருக்கும் கூடுதல் ஆசைக் காரணமாக, தன்னுடைய வீட்டின் உள்புறத்தை, 1980 ஆம் ஆண்டைச் சேர்ந்த போயிங் - 747 விமானம் போலவே அலங்கரித்திருக்கிறார். விமானமென்றால் 10 வயதில் இருந்தே அப்படி ஒரு ஆர்வவாம் டோத்துக்கு. இதை இவர் உருவாக்க 20 ஆண்டுகள் ஆகியிருக்கிறது. லட்சக்கணக்கான டாலர் பணத்தையும் செலவழித்திருக்கிறார் டோத்.

உலகின் உயர் போதை பீர் : பிரிட்டன் நிறுவனம் தயாரிப்பு

பிரிட்டனைச் சேர்ந்த ப்ரவ்டாக் மது தயாரிப்பு நிறுவனம், உலகின் போதைமிக்க பீரை தயாரித்திருக்கிறது. ‘டாக்டிக்கல் நியூக்கிளியர் பென்குயின்’ என்று பெயரிடப்பட்ட இந்த பீர் 31 சதவிகிதம் ஆல்கஹால் கொண்டது. தற்போது 500 பாட்டில் ‘டாக்டிக்கல் நியூக்கிளியர் பென்குயின்’ பீரை தயார் செய்துள்ள அந்த நிறுவனம், பாட்டில் ஒன்றை 30 யூரோ டாலர் என அறிவித்துள்ளது. வீட்டிற்கு டெலிவரி செய்ய வேண்டுமானால் தபால் மற்றும் பேக்கஜிங் செலவு தனி.

விஸ்கி பாதுகாக்கப்படும் கிடங்கில் சுமார் 16 மாதங்கள் வரை வைக்கப்படும் இந்த பீர், அடுத்த மூன்று மாதங்களுக்கு மைனஸ் 20 டிகிரி செல்சியஸ் குளிர் நிலையில் வைக்கப்பட்டு, ஆல்கஹால் இருப்பு அதிகரிக்கச் செய்யப்படுகிறது.

இந்த பீரை சாதாரண பீர் போல் குடித்துவிட முடியாது. ஹாட் சரக்குகளான விஸ்கி, பிராந்தி, ரம் போல கொஞ்ச கொஞ்சமாக ஊற்றித்தான் சிப் பண்ண வேண்டியிருக்கும். அதுவே செம தூக்கு தூக்கிவிடுமாம்.
ப்ரவ்டாக் நிறுவனம் ஏற்கனவே குறைந்தபட்ச ஆல்கஹால் கொண்ட ‘நானி ஸ்டேட்’ என்ற பீரை தயாரித்தது என்பது குறிப்பிடத்தக்கது.  என்ன ட்ரை பண்ணிப் பார்க்கறீங்களா?

சீமான் கைது : கனடாவில் இருந்து நாடு கடத்தப்பட்டார்

கனடா சென்றிருந்த இயக்குநர் சீமான், அங்கு சட்டவிரோதமாக பேசியதாகக் கூறி அந்நாட்டு காவல் துறையினரால் கைது செய்யப்பட்டார். பின்னர் அவர் இந்தியாவுக்கு நாடு கடத்தப்பட்டார்.

டோரன்டோவில் மாவீரர் வணக்க நாள் அனுசரிக்கப்பட்டது. இந்த நிகழ்ச்சியில் சிறப்பு அழைப்பாளராக கலந்து கொண்டு பேசிய இயக்குனர் சீமான்,

“பிரபாகரன் என்ற மாமேதையின் கையில் ஓரு நாடு அல்லது தேசம் இருந்தால் உலகத்தின் வல்லரசாக சில வருடங்களிலேயே வந்துவிடும்.

பிரபாகரனின் ஆட்சியைப் பார்த்து, தமிழ்நாட்டு அரசை விமர்சிப்பார்கள் என்ற பயம், துணிவான தூய்மையான நீதி, நிர்வாகம், கட்டுக்கோப்பான அரசு என்ற பெருமையை ஈழத்தமிழன் பெற்று விடுவான் என்ற பயம். ஊழல் இல்லாத தமிழீழத்திற்குப் பயந்த ஊழல் மிக்க ஒரு அரசாட்சி, பிரபாகரன் என்ற மாமேதை அழிக்கப்பட வேண்டும் என்று முடிவெடுத்தது.

பிரபாகரனை நான் அண்ணன் எனக் கூறினால் என்னைப் புலி என்கிறார்கள். பிடி என்கிறார்கள். கற்பழித்தவன், கொலை செய்தவன், எரித்தவன், பள்ளியில் குண்டு போட்டவன் ஒருவரும் பயங்கரவாதிகள் இல்லை. கற்பழிக்காத, கொலை செய்யாத, போர்க்கைதிகளைப் பாதுகாத்த புலிகள் இயக்கம் பயங்கரவாதிகள் இயக்கம் எனச் சொல்லுகிற பயங்கரவாதத்தை என்னென்று கூறுவது.

ஈழத்தமிழனுக்கு ஏற்ற ஒரு அரசாட்சி எம்.ஜி.ஆர். அவர்களுக்குப் பிறகு தமிழ்நாட்டில் வரவே இல்லை. விடியலுக்குப் போராடிய விடுதலைப் புலிகள் எதிரியோடு போராடியிருந்தால் இந்நேரம் வென்றிருப்பார்கள்.

ஆனால், ஊழல் நிரம்பிய தமிழ் எதிரிகளோடும் அவர்கள் போராட வேண்டியிருந்தது. ஆனால், இந்த வரலாறு தமிழனுக்குத் தோல்வி இல்லை. துடித்து எழும். தமிழீழத் தேசம் பிறக்கும்” என்றார்.

இந்த நிலையில் சட்டவிரோதமாக பேசியதாக கூறி கனடா போலீஸார் சீமானைக் கைது செய்தனர்.

இது குறித்து எல்லைச் சேவைப் பிரிவின் செய்தித் தொடர்பாளர் பாட்ரிசியா கிலோட்டி கூறுகையில், “கனடாவின் சட்ட திட்டங்களுக்கு எதிராக பேசியதால் குடியேற்றப் பிரிவு அதிகாரிகள் இந்தியாவைச் சேர்ந்த செபாஸ்டியன் சீமானைக் கைது செய்தனர்.பாதுகாப்பு கருதி அவர் நாட்டை விட்டு வெளியேற வேண்டும் என கேட்டுக் கொள்ளப்பட்டது. அவரும் ஒப்புக் கொண்டார்” என்றார்.

இதைத் தொடர்ந்து நேற்று இரவு சீமான் கனடாவை விட்டு இந்தியா கிளம்பினார்.

அஜீத்துடன் ‘அசல்’, சமீரா சந்தோஷம்

‘வாரணம் ஆயிரம்’ படம் மூலம் தமிழ் ரசிகர்களின் நெஞ்சில் இடம்பிடித்த சமீரா ரெட்டி, இப்போது அஜீத்துடன் ‘அசல்’ படத்தில் நடிக்கிறார். படப்பிடிப்புக்காக அவர் பிரான்ஸ், மலேசியா என சுற்றி வருகிறார். அஜீத்துடன் அசல் குறித்து சமீரா கூறுகையில்,

“பிரான்ஸ், இந்திய தூதரகத்தில் கலாசார பிரிவில் பணியாற்றுபவராக நடிக்கிறேன். இதில், ஹைடெக் தோற்றத்தில் வரும் துணிச்சலான கதாபாத்திரம் இது. பிரான்ஸ் தலைநகர் பாரீஸ் மற்றும் லயான் நகரங்களில் படப்பிடிப்பு நடந்தது. பள்ளியில் படித்த பிரெஞ்ச் மொழிதான் அப்போது கைக் கொடுத்தது. ‘வாரணம் ஆயிரம்’ படம் போலவே அசலும் திருப்தியான படமாக அமையும்” என்றவருக்கு தமிழில் நிறைய படங்களில் நடிக்கும் ஆசை இருக்கிறது.

மாற்று சினிமா பட்டியலில் ‘யோகி’யும் சேரும் : இயக்குநர் சுப்ரமணிய சிவா

இயக்குநர் அமீர் கதாநாயகனாக அறிமுகமாகும் ‘யோகி’ திரைப்படம்  இன்று  வெளியாகிறது. ‘யோகி’ யார் என்பது குறித்து இயக்குநர் சுப்ரமணிய சிவா கூறுகையில்,

“யோகி’ன்னா எந்த உயி​ரி​னத்​துக்​கும் தீங்கு இழைக்​கா​த​வன்,​ கட​வு​ளுக்கு மிக நெருக்​க​மா​ன​வன் எனச் சொல்​ல​லாம். ஆனால் நினைத்​தது நடக்க வேண்​டு​மென்​றால் எந்​தத் தீங்கை வேண்​டு​மா​ன​லும் செய்​வான். நினைத்​தது நடக்க வேண்​டும்.. கேட்​டது கிடைக்க வேண்​டும் இது​தான் அவன் சித்​தாந்​தம். இந்த சமூ​கம் எப்​படி பல வித​மாக இருக்​கி​றதோ அப்​ப​டியே இருப்​பான். காசிமேட்​டில் வளர்​கிற பையன் கடற்​க​ரை​யைத்​தானே அதி​கம் நேசம் கொள்​வான். நாரத கான சபா இசையை கேட்க அவ​னுக்கு வாய்ப்​பில்​லையே?​ அது மாதி​ரி​தான் இந்த ‘யோகி’. பஸ் ஏறும் போதே ‘மெட்​ராஸ் ஏமாற்​று​கிற ஊர்’ என்​று​தான் சொல்லி அனுப்​பி​னார்​கள். ஆனால் எங்​கே​யும் தப்​பான ஆள்​கள் இருக்​கி​றார்​கள். மோச​மான இடத்​தி​லும் நல்ல ஆள்​கள் இருக்​கி​றார்​கள்.

காந்​தியே ஒரு வன்​மு​றை​யா​ளர்​தான். அகிம்​சையை பார்த்து வெள்​ளை​யர்​கள் பயந்​த​தன் விளை​வு​தான் சுதந்​தி​ரம். கர​டு​மு​ர​டான ஆயு​தங்​க​ளைப் பயன்​ப​டுத்​தி​ய​வன்,​ இப்​போது துப்​பாக்கி,​ குண்டு என போய்​விட்​டான். நானும்,​ அமீ​ரும் சினி​மாவை மீட்டு எடுக்​கிற முயற்​சி​யில் ஈடு​ப​ட​வில்லை. ஆனால் நல்ல சினி​மா​வைக் கொடுக்க முயற்சி செய்​தி​ருக்​கி​றோம். அதில் கொஞ்​சம் தீவி​ரம்,​ ரத்​தம் கசி​யத்​தான் செய்​யும். இதில் உண்மை இருக்​கி​றது. ‘யோகி’யில் இருப்​பது நூறு சத​வீ​தம் நிஜம். ‘யோகி’ என்​ப​வ​னின் தனிப்​பட்ட வாழ்க்​கை​தான் இந்​தக் கதை.

பெரும்​பா​லான மக்​கள் வாழு​கிற வாழ்க்​கையை பட​மாக்​கும் போது,​ சமூ​கத்​தால் மறைக்​கப்​பட்ட சில விஷ​யங்​களை வெளியே சொல்ல நேரி​டும். மக்​க​ளின் வாழ்க்கை முறை​தான் இங்கு ஆண்​டாண்டு கால​மாக சினி​மா​வாக்​கப்​ப​டு​கி​றது. வேறு உல​கத்​தின் வாழ்க்​கை​யைச் சொல்லி யாரும் ஜெயிக்க முடி​யாது. கதை​யைச் சொல்​லி​ய​துமே இதில் நான் நடிக்​கி​றேன் என ஆர்​வ​மாக இருந்​தார் அமீர். இயக்​கு​நர்​க​ளுக்கு உட​லைப் பற்​றிய கவ​னம் குறை​வாக இருக்​கும். நடி​கர்​க​ளுக்கு உடல் முக்​கி​யம் என்ற போது நடி​க​ரா​கவே மாறி விட்​டார். அமீர் ஆசைக்​காக இதில் நடிக்​க​வில்லை. அப்​ப​டி​யென்​றால் ஏன் நடித்​தார் என்​ப​தற்கு காலம் பதில் சொல்​லும். எனக்​குள் இருக்​கும் கமர்​ஷி​யல் டச்​சோட அமீ​ரின் டச்​சும் சேர்ந்​தால் படத்​துக்​கு​தானே நல்​லது?​ ‘ப​ருத்தி வீர’னுக்கு பின் அமீர் நினைத்​தி​ருந்​தால் கோடி கோடி​யா​கச் சம்​பா​தித்து இருக்​க​லாம். அதை விட்​டு​விட்டு “யோகி’க்காக இரண்டு வரு​ஷம் கஷ்​டப்​பட்​டி​ருக்​கி​றார்.

எப்​போ​தும் புதி​தா​கச் சொல்​ப​வர்​க​ளைப் பற்​றி​தான் இங்கே பேசு​வார்​கள். யாரும் சொல்ல முடி​யாத விஷ​யத்தை சொல்​கி​ற​வர்​கள் இங்கே ஜெயிக்​கி​றார்​கள். அப்​படி சொல்​லப்​ப​டு​கிற விஷ​யங்​க​ளும் இங்கே நிறைய பேருக்கு தெரிந்​தி​ருக்​கும். ஆனால் அதை சினி​மா​வில் சொல்​லும் போது ரசிக்​கப்​ப​டு​கி​றது. கமர்​ஷி​யல் இயக்​கு​நர் என என்னை நான் அடை​யா​ளப்​ப​டுத்​திக் கொள்ள விரும்​ப​வில்லை. அப்​படி என்னை யாரும் கூப்​பி​டு​வ​தும் பிடிக்​காது. இமேஜ்,​ கமிட்​மெண்ட் எது​வும் கிடை​யாது. கலை​ஞ​னுக்கு அது இது என எது​வும் இல்லை. வாழ்​விய​லில் கவ​னம் இருக்​கும்.

“பே​ராண்மை’ மாதி​ரி​யான சினி​மாக்​கள் நம்மை வேறு உய​ரத்​துக்கு கொண்டு செல்​லும். அந்த மாதி​ரி​யான படங்​கள்​தான் பல ஆண்​டு​க​ளுக்​குப் பின் நம் அடை​யா​ள​மாக இருக்​கும். காதலை மட்​டும் நாம் சுற்றி வர​வில்லை என்​ப​தற்கு “பே​ராண்மை’தான் உதா​ர​​ணம். “ப​ருத்தி வீரன்’, “நான் கட​வுள்’, “சுப்​பி​ர​ம​ணி​ய​பு​ரம்’ என யோசிக்க வைக்​கிற படங்​கள் வந்த போதி​லும்,​ “நா​டோ​டி​கள்’ மாதி​ரி​யான படங்​கள் நம்மை சந்​தோ​ஷப்​ப​டுத்​து​கின்​றன. இது போன்ற மாற்று சினி​மாக்​கள் தான் இன்​றைய தேவை. அதில் இந்த “யோகி’யும் இடம் பெறும்.