 |
| ஜூனியர் கேள்வி-பதில் - லேனா தமிழ்வாணன் |
|
எஸ்.செந்தில், திருவேற்காடு.
|
|
|
2011இல் விஜயகாந்த் பேசப்படுவாரா?
|
|
|
கடவுளையும், மக்களையும் முதலிலேயே அவர் குத்தகைக்கு எடுத்துவிட்டார், அதுவும் ஒட்டுமொத்த குத்தகை! ஆனாலும் பத்தை (2010) தாண்டினால்தான் இந்தக் கேள்வியை நானும் தாண்டமுடியும்.
|
|
|
வி.கோபால், சென்னை-34.
|
|
|
வைகோ எப்படியிருக்கிறார்?
|
|
|
அவரது சின்னத்தில் அவருக்கு ராசியில்லை. பம்பரம்தான் அவர் கையில். அதன் சாட்டை யார் கையிலோ? இதையும் ஞாபகம் வைத்தே அவர் செயலாற்ற வேண்டியிருக்கிறது.
|
|
|
என்.மூர்த்தி, காரைக்குடி.
|
|
|
ரஜினி, விஜய்யை நம்பி காங்கிரஸ் கட்சி இல்லை என்கிறாரே ஈ.வி.கே.எஸ்.இளங்கோவன்?
|
|
|
காங்கிரஸின் கரம் தாழப் பல காரணங்கள். அவற்றுள் ஒன்று இப்படிப்பட்ட வீராப்புப் பேச்சுக்கள்!
|
|
|
டி.கீர்த்தி, வேலூர்.
|
|
|
சென்னையில் தண்ணீர் கேட்டால் கூடத் தயங்குகிறார்களே?
|
|
|
தண்ணீர் கேட்டு உள்ளே நுழைகிறார்கள். பிறகு இரத்தத்தைச் சிந்த வைக்கிறார்கள். தண்ணீர் கேட்டால் அந்தக் காலத்து சென்னை மக்கள் களிப்பார்கள். இன்றைய சென்னைவாசிகள் முகம் சுளிப்பதில் அர்த்தம் இருக்கிறது.
|
|
|
ஜி.பிரகாஷ், விருகம்பாக்கம்.
|
|
|
வாழ்க்கையில் வரும் துன்பங்களை எபபடி எடுத்துக் கொள்கிறீர்கள்?
|
|
|
சட்டையில் படும் தூசாக, ஒருநாள் உடுத்துவேன். மறுநாள் அது துவைக்க அனுப்பப்படும்.
|
|
|
ஆர்.பி.ராம், சென்னை.
|
|
|
தூங்குவதற்கு உகந்த நேரம் எது?
|
|
|
10 மணி முதல் 6 மணி வரைதான் தூங்கச் சரியான நேரம். பல அரசு ஊழியர்கள் இதைத் தவறாகப் புரிந்து கொண்டிருக்கிறார்கள்.
|
|
|
பி.பாலமணி, வந்தவாசி.
|
|
|
ஜெயலலிதாவிற்கு எதிரான வழக்குகள் எதுவும் நிலைக்கமாட்டேன்கிறதே?
|
|
|
ஆற்றுக்கு அணை போடலாம்; காற்றுக்கு அணை போடமுடியாது. அதுவும் ஜெயலலிதா ஒரு வாடைக் காற்று.
|
|
|
எம்.புஷ்பராஜ், சென்னை-60.
|
|
|
‘நடமாடும் நிலநடுக்கம்’ என்று திருமாவளவனை விளிக்கிறார்களே, அதன் பொருள்?
|
|
|
எங்கள் தலைவர் இந்தியாவில் இருக்க வேண்டியவர் அல்லர். இந்தோனேசியாவில் இருக்க வேண்டியவர் என்கிறார்களா? கட்சிக்குள் இப்படியும் ஓர் உணர்வா?
|
|
|
வி.வெங்கடேசன், கும்மிடிப்பூண்டி.
|
|
|
பேச்சில் இன்றைய அரசியல்வாதிகள் பலர் அரைவேக்காடுகளாக இருக்கிறார்களே?
|
|
|
நீங்கள் இப்படி நினைப்பது தவறு. இவர்களின் அடுத்த பக்கத்தைப் பாருங்கள். இவர்களால்தான் இன்றைய பத்திரிகைகளின் ‘ஜோக்ஸ்’ கார்னர்களே முழுவேக்காட்டில் இருக்கிறது.
|
|
|
எம்.அழகேசன், விருத்தாசலம்.
|
|
|
வரவர இனி வாக்குரிமை?
|
|
|
அது அடகுக்கு வந்துவிட்டது. இனி ஓட்டுகளுக்குக்கூட ‘அட்வான்ஸ் லோன்’ கேட்பார்கள். அந்த நிலை வந்துவிட்டது.
|
|
|
ஆர்.பிரபு, மேட்டூர்.
|
|
|
திருமண நேரத்தில் கூட தடைபடும் திருமணங்கள் பற்றி?
|
|
|
இன்றையத் திருமணப் பத்திரிகைகளில் சிலவற்றில் ‘பெயர்கள் மாறுதலுக்கு உட்பட்டவை’ என்று கூடச் சிறிதாக அச்சிடுவார்களோ என ஐயுறுகிறேன்.
|
|
|
‘டென்ஷன்’ பாலு, அமைந்தகரை.
|
|
|
20 - 20 கிரிக்கெட் பார்க்கிறீர்களா?
|
|
|
கொறிக்கும் உணவு உள்ளே போகாவிட்டால், அந்த நேரத்தில் உதவுகிறது. யார் யாரோ ஆடுகிறார்கள். இந்த அணி ஜெயிக்க வேண்டும்; அந்த அணி தோற்க வேண்டும் என்கிற சார்புடைய இரசிகர்கள் பின்புலத்தில் இல்லாதவரை இது பெரியதொரு சுவாரசியத்தை ஏற்படுத்தாது!
|
|
|
ஆர்.கண்ணபிரான், ஆரணி.
|
|
|
பா.ம.க. விலகலால் அ.தி.மு.க.வுக்கு எந்தப் பாதிப்பும் இல்லை என்கிறாரே ஜெயலலிதா?
|
|
|
இணைப்பால், கூட்டணியால் ஏற்பட்ட பாதிப்பைக் கண்டு கொள்ளாமல் விட்டதற்கே பா.ம.க. மகிழ்ச்சி கொள்ள வேண்டும். ஜெயலலிதாவுடன் கூட்டணி சேர்ந்து திரும்பத் திரும்பக் காயமடையும் தன்மை பா.ம.க. தலைமைக்கு இருப்பது புரியாத புதிர்தான்!
|
|
|
என்.இளங்கோ, செய்யாறு.
|
|
|
பாராளுமன்றக் குழு இலங்கை சென்றதைப் பல வழிகளாலும் சாடுகிறார்களே?
|
|
|
எதிர்க் கட்சியினர் இக்குழுவில் இல்லை என்கிற குற்றச்சாட்டு வலுவானது அல்ல. நல்லுறவை ஏற்படுத்தவும் நல்லெண்ணத்தை உருவாக்கவும் மேற்கொள்ளப்பட்ட இப் பயணத்தின் நோக்கத்தை எதிர்க்கட்சியினர் சிதைத்துக் குலைத்துவிட வாய்ப்பு இருந்தது. நல்லவேளை, ஐயப்ப மலைக்குச் செல்லும் பக்தர் குழு போல ஜால்ராக்களுடன் சென்ற இந்தப் பத்து பேர்களால் நிச்சயம் இலங்கைத் தமிழர்களுக்கு நன்மையே விளைய இருக்கிறது.
|
|
|
எல்.பிரகாஷ், அம்பாசமுத்திரம்.
|
|
|
முத்துவேலர் அஞ்சுகத்தம்மாள் பெயரைப் பேருந்து நிலையத்திற்கு வைப்பதிலும் அவர்களது சிலைகளைக் திறப்பதிலும் என்ன தவறு?
|
|
|
தவறே இல்லை. நிலத்தை சொந்தக் காசு போட்டு வாங்கி, பொதுமக்களுக்குப் பேருந்து நிலையத்திற்கெனத் தாரை வார்த்த அப்பாவுவின் விருப்பத்திற்கு ஜெயலலிதா குறுக்கே நின்றது முறையல்ல. இது என்ன அரசு நிலமா? அரசாங்கத்தின் சொந்தப் பேருந்து நிலையமா? நாட்டில் எவ்வளவோ பிரச்னை இருக்க இதிலெல்லாம் கவனம் செலுத்தி தம் ஆற்றலை விரயமாக்குகிறார் ஜெயலலிதா.
|
|
|
கே.மணிகண்டன், திருச்சி.
|
|
|
நம் பிரதமர் அருணாசலப் பிரதேசத்திற்குச் செல்வதை ஆட்சேபிக்கும் சீனாவின் செயல்பாடு பற்றி?
|
|
|
அருணாசலப் பிரதேசம் இந்தியாவின் ஓர் அங்கம். அதன் மாநிலம் என்பதை ஏற்க மறுக்கும் சீனாவின் செயலில் கொழுப்பு அதிகம் என்பது தெளிவு. சில வாரங்களுக்கு முன்பே சொன்னேன், சீனா மறுபடி வாலாட்டத் தொடங்கிவிட்டது என்று. சரியாகத்தான் இருக்கிறது.
|
|
|
எம்.சேதுராமன், மதுரை.
|
|
|
நோபல் பரிசு பெற்ற ‘வெங்கி’ ராமகிருஷ்ணன் சலிப்பையும் வெறுப்பையும் உமிழ்வது சரியா?
|
|
|
அன்பையும், நட்புணர்வையும், மண்ணின் பாசத்தையும் உணர்ந்து கொள்ளத் தெரியாதவராக இருக்கிறார். மின்னஞ்சல்களும் பாராட்டுகளும் இவரது பொறுமையைச் சோதித்து விட்டனவாம். வெங்கி! நீங்கள் நோபல் பரிசு பெற்று எங்கள் உள்ளத்தில் இமயமென உயர்ந்தீர்கள். விரக்தியாகப் பேசிப் பல படிகள் உருண்டு விட்டீர்கள்!
|
|
|
அ.சுந்தரம், தேனி.
|
|
|
ஸ்ரீசாந்தைக் கிரிக்கெட் வாரியம் எச்சரித்திருக்கிறதே!
|
|
|
விளையாட்டில் திறமை மட்டுமே முக்கியம் அல்ல. நல்லெண்ணமும் புரிந்துணர்வும் வேண்டும். ஸ்ரீசாந்த் ஒரு குணக் கேடர். சக வீரர்கள் மீது பாய்வதும் காட்டு மனிதன் போல முகத்தைக் கோரமாக்கிக் கொள்வதும் இரசிக்கும்படி இல்லை. சோயப் அக்தர் பாகிஸ்தானுக்கு நமக்கு கிடைத்தவர் இந்த ஸ்ரீசாந்த்.
|
|
|
எம்.இப்ராஹீம், அரக்கோணம்.
|
|
|
உங்களின் ஆரம்ப காலமேடைப் பேச்சு எப்படியிருந்தது?
|
|
|
ஒரே கைத்தட்டு, உட்கார வைக்கத்தான்!
|
|
|
|
|
