» Samayal

Friday, 9 Oct 2009

Samayal

சீரக ரசம் - அலமேலு ரங்கநாதன்

ஒரு தேக்கரண்டி மிளகுப் பொடி, கொஞ்சம் புளித் தண்ணீர், உப்பு, கறிவேப்பிலை போட்டுக் கொதிக்க வைத்து, கொஞ்சம் கொதித்ததும், 1/2 தேக்கரண்டி சீரகத்தை அரைத்துக் தண்ணீர் விட்டு விளாவி நெய்யில் கடுகு தாளிக்கவும். தக்காளி தேவையானால் போடலாம். இந்த ரசம் அதிக நேரம் கொதித்தால் கசந்துவிடும். தக்காளி போடுவதானால் மசித்துப் போடவும்.

துவையல் சட்னி வகைகள்

தேங்காய்த் துவையல்

தேவையான பொருட்கள்
தேங்காய் - 1
மிளகாய் வற்றல் - 6
புளி - பெரிய நெல்லிக்காய் அளவு
பெருங்காயம் - 1 சிறியக்கட்டி
கடுகு, உளுத்தம் பருப்பு - தேவையான அளவு
வெல்லம் - ஒரு சின்னக் கட்டி
உப்பு - தேவையான அளவு
நல்லெண்ணெய் - 4 தேக்கரண்டி

செய்முறை :
தேங்காயைத் துருவி வைக்கவும். 1 தேக்கரண்டி எண்ணெய்யை இண்டாலியம் அல்லது இருப்புச் சட்டியில் விட்டு அடுப்பில் வைத்து, பெருங்காயத்தைப் பொரித்து எடுத்துவிட்டு மிளகாய் வற்றலை வறுக்கவும். வறுத்து எடுத்துக்கொண்டு தேங்காயை லேசாக வதக்கவும். எல்லாவற்றையும் ஆற வைத்து மிக்சி அல்லது அம்மியில் மிளகாய் வற்றல், புளி, உப்பு, வெல்லம், பெருங்காயம் சேர்த்து நைசாக அரைக்கவும். அரைந்ததும் தேங்காய்த் துருவலையும் கலந்து தேங்காய் மசியும்வரை அரைத்து எடுக்கவும். எண்ணெய் முழுவதும் இருப்புச்சட்டியில் விட்டு அடுப்பில் வைத்து கடுகு 1/2 தேக்கரண்டி, உளுத்தம் பருப்பு 2 தேக்கரண்டி தாளிக்கவும். கடுகு, உளுத்தம்பருப்பு தாளித்து தேங்காய் மசிந்ததும் தாளித்ததை தேங்காயுடன் போட்டு, கரகரப்பாக அரைக்கவும்.