பனையூர் இரட்டைக் கொலை வழக்கு : விஜயகாந்துக்கு சிபிசிஐடி நோட்டீஸ்

சென்னை நீலாங்கரையில் நடந்த இரட்டைக்கொலை தொடர்பாக அறிக்கை விடுத்திருந்த தேமுதிக தலைவர் விஜயகாந்த் காவல்துறை அதிகாரிகள் முன்பாக ஆஜராகி விவரங்களை தெரிவிக்க வேண்டும் என அவருக்கு தமிழ்நாடு காவல்துறை சார்பில் நோட்டீஸ் அனுப்பப்பட்டுள்ளது.

சென்னை நீலாங்கரையை அமடுத்த பனையூரில் கப்பல் கேப்டன் இளங்கோ மற்றும் அவருடைய மனைவி ரமணி ஆகியோர் சுட்டுக் கொல்லப்பட்டனர்

இதுதொடர்பாக சண்முகசுந்தரம் என்பவர் கைது செய்யப்பட்டார். விசாரணையின்போது அவர் இறந்துவிட்டார்.

இதையடுத்து இந்த வழக்கு சிபிசிஐடி காவல்துறை விசாரணைக்கு மாற்றப்பட்டது.

இந்த நிலையில் பனையூர் இரட்டைக் கொலை சம்பவம் தொடர்பாக விஜயகாந்த் விடுத்த அறிக்கை ஒன்றில்,

‘திமுக அரசில் முக்கிய பொறுப்புகளை வகிக்கும் முக்கிய பிரமுகர்களின் உறவினர்கள் செய்யும் ரியல் எஸ்டேட் தொழிலுக்கும் இந்தச் சம்பவத்துக்கும் நெருங்கிய சம்பந்தம் இருப்பதாகவும், அதனால், இந்தக் கொலை சம்பவத்தில் பயன்படுத்தப்பட்ட கார்கள், துப்பாக்கிகள், உடன் வந்தவர்கள் என்று எல்லா தடயங்களும் மறைக்கப்பட்டுவிட்டதாக பேச்சு அடிபடுகிறது” எனக் கூறியிருந்தார்.

இந்த அறிக்கை தொடர்பாக வெளியான செய்திகள் அடிப்படையில் சிபிசிஐடி காவல்துறையினர் விஜயகாந்த்துக்கு சம்மன் அனுப்பினர்.

அறிக்கையில் குறிப்பிடப்பட்டுள்ள விஷயங்கள் தொடர்பான விவரங்களை இரட்டைக் கொலை வழக்கை விசாரிக்கும் அதிகாரி முன் நேரில் ஆஜராகி தெரிவிக்குமாறு அந்த சம்மனில் கேட்டுக்கொள்ளப்பட்டுள்ளது.

இந்த சம்மனை தொடர்ந்து அடுத்து மேற்கொள்ள வேண்டிய நடவடிக்கை குறித்து தேமுதிக மூத்த நிர்வாகிகளுடன் விஜயகாந்த் ஆலோசனை நடத்தினார்.

இந்த நிலையில் இது தொடர்பாக தமிழ்நாடு காவல்துறை இயக்குநர் நேற்று வெளியிட்ட அறிக்கையில்,

‘பனையூர் இரட்டைக் கொலை வழக்கு முதல் கட்ட விசாரணையில் இருந்துவரும் நிலையில், இவ்வழக்கு தொடர்பாக பல்வேறு விதமான செய்திகள் வெளிவந்த வண்ணம் உள்ளன.

மேலும், சில அரசியல் கட்சித் தலைவர்களும், இவ்வழக்கு விசாரணை தொடர்பாக தங்கள் கருத்துகளை வெளியிட்டு வருகின்றனர். இது போன்ற தகவல்களால் விசாரணைக்கு பாதிப்பு ஏற்பட வாய்ப்புள்ளது.

இந்த வழக்கில் தொடர்புள்ள குற்றவாளிகள் குறித்து தகவல் ஏதும் தெரிந்தவர்கள் அதை விசாரணை அதிகாரிகளிடம் தெரிவிக்கலாம்.

அதைவிடுத்து, மனம் போன போக்கில் தேவையற்ற வதந்திகளை பரப்புவது போன்றவை இவ்வழக்கு விசாரணைக்கு குந்தகம் விளைவிக்கும்.

வழக்கு விசாரணையின்போது, இறந்த ராஜன் (எ) சண்முகசுந்தரத்தின் சடலம் காவல்துறையினரின் உதவியோடு எரிக்கப்பட்டதாகக் குற்றஞ்சாட்டுவது தவறான, விஷமத்தனமான ஒன்று’ எனக் கூறியுள்ளார்.

• Contact Details
• Manimekalai Prasuram
• Books available in Manimekalai Prasuram
• Beauty Tips
• Lanka and Pakistan in T20 world cup final!
• M.R.Radha Speech
• Lena Katturai
• 2008/05/28 Reader’s opinion
• Junior Kelvi Pathil
• 2008/05/21 Yet not seen www.sivajitv.com?