Artist: Kamal Haasan & Mohanlal
Music: Shruti Haasan
Direction: Chakri Toleti

முகங்கள்…மைக்கேல் ஜாக்ஸன்!

மைக்கேல் ஜாக்ஸன்…பாப் உலகில் ராஜா என்றாலும் சர்ச்சைகளில் சிக்கியதில் பேரரசர் எனலாம். லண்டலில் தான் அடுத்து நடத்தவிருந்த தொடர் இசை நிகழச்சிக்காக, அவர் தன்னை பல அறுவை சிகிச்சைகளுக்கு உட்படுத்த எண்ணியிருந்தார். அதற்குள் அவர் உயிர் பிரிந்துவிட்டது.

உலகில், குறிப்பாக முகத்தில் அதிக அறுவை சிகிச்சை செய்துகொண்ட பிரபலம் மைக்கேல் ஜாக்ஸன்தான். அவருடைய இசை வரலாறு துவங்கிய பதினோரு வயதில் இருந்து அவ்வப்போது மாறிய அவருடைய முகங்கள் உங்கள் பார்வைக்கு.

1980களில் கிடைக்க ஆரம்பித்த பிரபலமும் பணமும் மைக்கேலை திக்குமுக்காட வைத்தன. இவற்றைத் தக்கவைத்துக்கொள்ள அவர் தேர்ந்தெடுத்த ஒரு வழி தனது கருப்பு தேகத்தை வெள்ளையாக்க முயற்சித்தது. அவருடைய முகமும் அதிகபட்ச வெளிச்சத்தை தாங்க முடியாமல் தவித்தது. முதல் அறுவை சிகிச்சையை மேற்கொண்டார் மைக்கேல்.

அதற்கு முன்பே நிகழ்ச்சி ஒன்றின்போது தவறி விழுந்ததில் மைக்கேலின் மூக்கு நுனி உடைந்தது. இதற்காக 1979இல் ரினோ ப்ளாஸ்ட்டி என்கிற அறுவை சிகிச்சையை செய்துகொண்டார்.

1986ஆம் வருடத்தில் மட்டும் மைக்கேல் தன்னுடைய முகத்தில் 5 அறுவை சிகிச்சைகளை மேற்கொண்டார். அவருடைய கண்களும் அறுவை சிகிச்சை ஒன்றின் மூலம் மாற்றம் கண்டதாம்.

குழந்தைகளை பாலியல் ரீதியாக பயன்படுத்தியதாகக் குற்றச்சாடடு எழுந்தபோது எடுத்த புகைப்படம் இது. இந்தக் கட்டத்தில் அவருடைய முகம் சுத்தமாக வெளுத்துவிட்டது..

தான் ஒரு நடனப்புயல் என்பதை வெளியுலகிற்கும் ஏன், தனக்கும் எப்போதும் காட்டிக்கொள்ளவே மைக்கேல் இந்தவித சிகிச்சைகளில் இறங்கினார் என்கிறார்கள். நடனப்புயல் இமேஜை தக்கவைத்துக்கொள்ள உணவு முறையிலும் மாற்றம் ஏற்படுத்தியிருக்கிறார். வெஜிடேரியனுக்கு மாறினார். உண்ணும் உணவின் அளவையும் குறைத்தார். அதனால் அவருடைய உடல் எடை 48 கிலோ அளவுக்குக் குறைந்தது.

ஒரு பக்கம் உடலில் ஏற்பட்ட மாற்றங்கள், குழந்தைகளுடன் செக்ஸ் குற்றசச்சாட்டும் அவரை போதையின் பக்கம் திருப்பிவிட்டன. அவருடைய  உடல் நலம் கெட்டது. எடை மேலும் குறைந்தது.

இவருடைய தொடர் அறுவை சிகிச்சையால் முகம் தொய்ய துவங்கியது. மூக்கு நுனி காட்டிக் கொடுத்தது. முகத் திசுக்கள் சிதையத் துவங்கியது.

இடையில் பல நாட்கள் இந்த கோலத்தில்தான் வெளியே சுற்றிவந்தார் மைக்கேல்.

சமீபத்தில், லண்டன் டூர் குறித்த அறிவிப்பை வெளியிடும்போது எடுத்த புகைப்படம். முகம் ஏதோ மாஸ்க் போட்டது போல் இருந்தது. நிஜமுகம் வரவழைக்க, மேலும் சில அறுவை சிகிச்சைகள் மேற்கொள்ளவிருந்தார்.

லண்டன் டூர் செல்வதற்கு முன்பாக, மேலோக டூர் சென்றுவிட்டார் மைக்கேல் ஜாக்ஸன்.

பத்தாம் வகுப்புக்கு பொதுத்தேர்வு ரத்து?: மத்திய அரசு முடிவு

பத்தாம் வகுப்பு பொதுத் தேர்வை ரத்து செய்ய மத்திய அரசு முடிவு செய்துள்ளது. மாணவர்களின் பாடச் சுமையை குறைக்க இந்த திட்டத்தை அமல்படுத்த உள்ளது.

இது  குறித்து மத்திய மனிதவள மேம்பாட்டுத் துறை அமைச்ச கபில் சிபல் கூறுகையில்,

”கல்வி என்பது மாணவர்களுக்கும், பெற்றோர்களுக்கும் துன்பம் தரும் விஷயமாகவோ, அவர்களுக்கு துயரம் தரும் விஷயமாகவோ இருக்கக் கூடாது. பத்தாம் வகுப்பு தேர்வு நெருங்கி விட்டாலே, மாணவர்களுக்கும், அவர்களின் பெற்றோருக்கும் தூக்கம் போய் விடுகிறது. அந்த நிலை தொடரக் கூடாது; இது ஏற்றுக் கொள்ள முடியாதது. அதனால், கல்வி முறையை துன்பமில்லாததாக மாற்ற வேண்டும். அதற்காக சீர்த்திருத்தங்களைக் கொண்டு வருவோம். பத்தாம் வகுப்பு தேர்வு எழுதுவது, ரத்து செய்யப்படும். அதாவது, பத்தாம் வகுப்பு தேர்வை பொதுத் தேர்வாக எழுதுவதை, விருப்பத்தின் அடிப்படையில் மாணவர்கள் தேர்வு செய்து கொள்ளலாம்.

கல்வியும்; தேர்வும், மாணவர்களுக்கும், பெற்றோருக்கும் பதட்டத்தை உருவாக்குவதாக இருக்கக் கூடாது. மாணவர்களின் சாதனையை மதிப்பீடு செய்யும் தற்போதைய முறையில் மாற்றங்கள் செய்யப்படும். சி.பி.எஸ்.இ., முறையில் ஒன்பதாம் வகுப்பு மற்றும் பத்தாம் வகுப்பு படிக்கும் மாணவர்களுக்கு மதிப்பெண்களுக்கு பதிலாக, கிரேடு வழங்கும் முறை கொண்டு வரப்படும். “தேசிய பாடத்திட்ட வரைவு -2005′ அடிப்படையில், தேர்வு முறையில் சீர்திருத்தம் கொண்டு வரப்படும். இதன்மூலம் பத்தாம் வகுப்பு தேர்வு எழுதுவது விருப்பத்தின் அடிப்படையில் தேர்வு செய்வதாக மாற்றி அமைக்கப்படும். பத்தாம் வகுப்பு படிக்கும் பள்ளியிலேயே அடுத்தும் படிப்பை தொடர விரும்பும் மாணவர்கள், அதாவது சி.பி.எஸ்.இ., போர்டின் சான்றிதழ் தேவைப்படாத மாணவர்கள் உள் மதிப்பீட்டு தேர்வை மட்டும் எழுதினால் போதுமானது. பொதுத் தேர்வு எழுதத் தேவையில்லை.

இந்த புதிய முறை அடுத்த 100 நாட்களில் அமல்படுத்தப்படும். இந்த விவகாரத்தில் இறுதி முடிவு எடுக்கும் முன்னர், மாநில கல்வி வாரியங்களுடன் கலந்து ஆலோசித்து, அவர்களின் கருத்துக்களும் கேட்கப்படும். பள்ளிகள் உடனும் கலந்து ஆலோசிக்கப்படும். குழந்தைகள் இலவச மற்றும் கட்டாயக் கல்வி பெறுவதை உரிமையாக்கும் சட்டமும் இயற்றப்படும். வரக்கூடிய பட்ஜெட் கூட்டத் தொடரிலேயே அந்தச் சட்டம் நிறைவேற்றப்படும்.

பள்ளிக் கல்வியில் பொதுத்துறை - தனியார் துறை பங்களிப்பை அதிகரிக்க கொள்கை ஒன்றையும் அரசு உருவாக்கும். தேசிய எழுத்தறிவு இயக்கம், பெண்களுக்கு முக்கியத்துவம் கொடுக்கும் வகையில் மாற்றி அமைக்கப்படும். பல்கலை கழகங்கள், கல்லூரிகள் என, 5,000 கல்வி நிறுவனங்களுக்கு அகண்ட அலைவரிசை இணைப்பு வழங்கப்படும். உயர் கல்விக்காக மாணவர்கள் பெறும் கடன்களுக்கான வட்டியை மத்திய மனிதவள மேம்பாட்டு அமைச்சகமே ஏற்றுக் கொள்ளும்” என்றார்.

தமிழர் பகுதியில் இருந்து ராணுவத்தை திரும்பப் பெற வேண்டும்: இலங்கைக்கு இந்தியா கண்டிப்பு

முகாம்களில் தங்க வைக்கப்பட்டுள்ள தமிழர்கள் அனைவரும் அவரவர் வீடுகளுக்குத் திரும்ப உடனடி நடவடிக்கை எடுக்கப்பட வேண்டும், தமிழர் பகுதிகளில் புதைத்து வைக்கப்பட்டுள்ள கண்ணிவெடிகளை அகற்றும் நடவடிக்கைகளை 10 நாள்களுக்குள் முடிக்க வேண்டும், தமிழர் பகுதிகளிலிருந்து இலங்கை ராணுவத்தை திரும்ப ப்பெறும் பணியை உடனடியாகத் தொடங்க வேண்டும் என்று இலங்கையிடம் இந்தியா திட்டவட்டமாகத் தெரிவித்து

விடுதலைப் புலிகளுக்கு எதிரான நடவடிக்கையை இலங்கை அரசும் ராணுவமும் முழுவதுமாக பூர்த்தி செய்து முடிக்கும்வரை பொறுமை காத்த இந்திய அரசு இப்போது இலங்கை விவகாரத்தில் தமிழர்களின் உரிமைகளையும் நலன்களையும் காக்க வலுவான நடவடிக்கைகளைத் தொடங்கியிருகிறது.

இலங்கை அதிபர் மகிந்த ராஜபக்சேவின் சகோதரர்க பாசில் ராஜபக்சே (இலங்கை அதிபரின் மூத்த பாதுகாப்பு ஆலோசகர்), ராணுவத்துறை அமைச்சர் கோத்தபய ராஜபட்ச ஆகியோரும் அதிபரின் செயலாளர் லலித் வீரசிங்கவும், பிரதமரின் பாதுகாப்பு ஆலோசகர் எம்.கே. நாராயணன், இந்திய வெளியுறவுத்துறை செயலர் சிவசங்கர மேனன் மற்றும் ராணுவச் செயலர் உள்ளிட்ட மூவர் குழுவை புதன்கிழமை மாலையில் சந்தித்து ஆலோசனை கலந்தனர்.

அப்போது, தமிழர் பகுதிகளில் இயல்புநிலை திரும்பாமல் இருப்பதற்கு முக்கிய காரணம் அப்பகுதியில் ராணுவத்தினரின் அளவுக்கு அதிகமான நடமாட்டம்தான் என்று சுட்டிக்காட்டிய இந்தியத் தரப்பு ராணுவத்தைப் பாசறைக்குத் திரும்பிச்செல்ல உத்தரவிட வேண்டும் என்று வலியுறுத்தியது.

முகாம்களில் தமிழர்கள் போதிய உணவு, சுகாதார வசதியின்றி அடைத்துவைக்கப்பட்டிருப்பதால் உடல் ரீதியாகவும் உளவியல் ரீதியாகவும் பாதிப்பு அடைந்துவருவதால் அனைத்து முகாம்களையும் மூடிவிட்டு அனைவரும் வீடு திரும்ப அனுமதிக்க வேண்டும் என்று அடுத்து கோரப்பட்டது.

தமிழர் பகுதிகளில் புதைத்து வைக்கப்பட்டுள்ள கண்ணி வெடிகளை அகற்றும் பணியை இலங்கை அரசு உடனே தொடங்காவிட்டால், பத்து நாள்களுக்குப் பிறகு அந்தப் பணியில் ‘இந்தியா ஈடுபட்டு உதவி செய்யும்” என்று குறிப்பாக வலியுறுத்தப்பட்டதாகத் தெரிகிறது. அதாவது, ‘இந்தியா தலையிடும்” என்று நேரடியாகவும் கடுமையாகவும் கூறாமல், ‘உதவி செய்யும்’ என்று ராஜரீகமாகக் குறிப்பிடப்பட்டிருக்கிறது.

இதிலிருந்து இந்திய அரசு எந்த அளவுக்குத் தமிழர்கள் விஷயத்தில் தீவிரமாக இருக்கிறது என்பது இலங்கை அரசுக்குப் புரிந்திருக்கும் என்று வெளியுறவுத்துறை வட்டாரங்கள் தெரிவிக்கின்றன.

இலங்கையின் மறு சீரமைப்புக்கு அந்த நாடு எடுக்கவுள்ள அனைத்து நடவடிக்கைகளிலும் இந்தியா துணை நிற்கும், அதே வேளையில் சிங்களர்களுக்கு இணையாக தமிழர்களுக்கும் அனைத்து உரிமைகளும் கல்வி, வேலைவாய்ப்பில் சம வாய்ப்பும் தரப்பட வேண்டும் என்று இந்தியத் தரப்பில் வலுவாக வலியுறுத்தப்பட்டது.

தமிழ் ஈழம் வேண்டும் என்று ஆயுதம் எடுத்துப் போராடிய விடுதலைப் புலிகள் இயக்கத்தின் தலைவர்கள் கொல்லப்பட்டு அந்த இயக்கம் இப்போது செயல்பட முடியாதபடிக்கு முடக்கப்பட்டிருக்கலாம், ஆனால் தமிழர்கள் தனி நாடு கேட்டதற்கான காரணங்களை நீக்காதவரை அத்தகைய வெற்றி எதுவும் இலங்கைக்கு நிரந்தர நிம்மதியைக் கொடுத்துவிடாது என்று இந்தியத் தரப்பு ராஜபக்சே சகோதரர்களிடம் சுட்டிக்காட்டியதாகத் தெரிகிறது.

இலங்கையின் நலனில் இந்திய அரசுக்கு உள்ள உண்மையான அக்கறை காரணமாகத்தான் தமிழ்நாட்டிலிருந்து கடும் நெருக்குதல் ஏற்பட்ட நிலையிலும் ராணுவரீதியாகத் தலையிடாமல் அமைதி காத்ததையும், இந்தியாவின் பாதுகாப்புக்கு அச்சுறுத்தலாக விளங்கும் பகை நாடுகளுடன் (சீனா, பாகிஸ்தான்) இலங்கை கொஞ்சிக் குலாவுவதை ஓரளவுக்கு மேல் பார்த்துக் கொண்டிருக்க முடியாது என்பதையும் இச் சந்திப்பின்போது இந்தியத் தரப்பினர் இலங்கைப் பிரதிநிதிகளுக்கு உணர்த்தினர்.

அதன் விளைவாகவே, தமிழர்களுக்கு நிவாரணப் பொருள்களை ஏற்றிவந்த கேப்டன் அலி கப்பலை, இந்திய செஞ்சிலுவைச் சங்கம் தன் பொறுப்பில் எடுத்துக்கொண்டால் நிவாரணப் பொருள்களை இலங்கையில் இறக்க அனுமதிப்பதாக அந்தத் தலைவர்கள் ஒப்புக்கொண்டனர். இதற்கு தமிழக முதல்வர் மு. கருணாநிதி அளித்த நெருக்குதலும் முக்கிய காரணம் என்று தலைநகர வட்டாரங்கள் சுட்டிக்காட்டுகின்றன.

கச்சத் தீவை ராணுவக் கேந்திரமாக்க இலங்கை முயல்கிறது, அதற்கு உதவ சீனாவும் பாகிஸ்தானும் முன்வந்துள்ளன என்ற தகவல்களை இந்தியா அலட்சியப்படுத்த முடியாது என்பதையும் அத்தகைய எந்தவொரு அத்துமீறலையும் இந்தியா வேடிக்கை பார்த்துக் கொண்டிருக்காது என்றும் இந்தியத் தரப்பினர் திட்டவட்டமாகத் தெரிவித்தனர்.

அதையடுத்தே இலங்கைத் தரப்பில் அவசர மறுப்பு தெரிவிக்கப்பட்டது. கச்சத்தீவை ராணுவ நோக்கத்துக்குப் பயன்படுத்தும் திட்டமோ, அதில் பிற நாடுகளின் தலையீட்டை அனுமதிக்கும் எண்ணமோ இலங்கை அரசுக்கு இல்லை என்று இலங்கை அரசு விளக்கமும் அளித்துள்ளது. இவையெல்லாம் பத்திரிகைகளின் கற்பனையே என்றும் அது மறுத்திருக்கிறது.

தமிழர்களுக்கு அதிகாரம் அளிக்கும் இலங்கை அரசியல் சட்டத்தின் 13-வது திருத்தத்துக்கு மேலும் வலுவூட்டி தமிழர்களுக்கு சம உரிமைகளும் அந்தஸ்தும் அளித்து அவர்களை தேசிய நீரோட்டத்தில் இணைத்துக் கொள்ளப் போவதாக இலங்கை அரசுத்தரப்பில் தெரிவிக்கப்பட்டிருக்கிறது என்பது குறிப்பிடத்தக்கது.

இன்னும் 180 நாள்களுக்குள், அதாவது ஆறு மாதங்களுக்குள் தமிழர்கள் அனைவருமே வீடுகளுக்குத் திரும்ப நடவடிக்கை எடுக்கப்படும் என்றும் முகாம்கள் மூடப்படும் என்றும் இலங்கைப் பிரதிநிதிகள் உறுதி அளித்துள்ளனர்

பாப் கிங் மைக்கேல் ஜாக்ஸன் மரணம்

பாப் உலக மகாராஜாவாகத் திகழ்ந்த மைக்கேல் ஜாக்ஸன் மாரடைப்பு காரணமாக, லாஸ் ஏஞ்சல்ஸ் நகரில் காலமானார். அவருக்கு வயது 50.

மாரடைப்பு ஏற்பட்டது அவரை உடனடியாக மருத்துவமனைக்கு கொண்டு சென்றனர். அங்கு அவரை பரிசோதித்த மருத்துவர்கள் அவர் இறந்துவிட்டதாக அறிவித்தனர்.

லாஸ் ஏஞ்சல்ஸ் நகரில் உள்ள பெல் ஏர் வீட்டில் வாடகைக்கு (1 லட்சம் டாலர் வாடகை) தங்கியிருந்த ஜாக்ஸன் அடுத்த இசை நிகழ்ச்சி க்கான பயிற்சியிலும் ஈடுபட்டிருந்தார். இந்நிலையில் லாஸ் ஏஞ்சல்ஸ் நகரில் உள்ள யுசிஎல்ஏ மருத்துவமனைக்கு, அவர் வீட்டில் இருந்து  அவசர அழைப்பு வந்தது. அந்த மருத்துவமனையை மைக்கேல் ஜாக்ஸன் அணுகும்போது அவர் தனது சுவாசம் விட்டிருந்தார்.

ஜாக்ஸன் வீட்டிற்கும் மருத்துவமனைக்கும் ஆறு நிமிடப் பயணம்தான். அந்த குறுகிய காலத்திற்குள் ஜாக்ஸனின் உயிர் அவரை விட்டு பிரிந்துவிட்டது. அவருடைய மரணத்தை அறிந்த தந்தை ஜோ ஜாக்ஸன் அதிர்ச்சியில் உறைந்துபோய் கிடக்கிறார். அவருடைய தாயார் மைக்கேல் வீட்டுக்கு  விரைந்து கொண்டிருக்கிறார்.

மைக்கேல் ஜாக்ஸனின் உடல் தற்போது மருத்துவமனையில் தான் உள்ளது. விரைவில் அவருடைய உடல் பொதுமக்கள் அஞ்சலிக்காக அவருடைய வீட்டில் வைக்கப்படும் எனத் தெரிகிறது.

மைக்கேல் ஜாக்ஸனின் மரணத்தை அறிந்த அவருடைய  ரசிகர்கள் லாஸ் ஏஞ்சல்ஸ் நகரில் குவிந்து கொண்டிருக்கின்றனர்.

மறைந்த மைக்கேல் ஜாக்ஸனுக்கு மைக்கேல் ஜோசப் ஜாக்ஸன், பேரிஸ் மைக்கேல் கேதரீன் ஜாக்ஸன் மற்றும் பிரின்ஸ் பிளான்கட் மைக்கேல் ஜாக்ஸன் 2 - என மூன்று குழந்தைகள் உள்ளனர்.

மைக்கேல் ஜாக்ஸன் என்ற இசைப்புயல் 11 வயதில் தொடங்கி, பல்வேறு திசையில் பயணித்து 50 ஆவது வயதில் அடங்கிவிட்டது. உலக மக்கள் மனதில்அவர் பதிந்துபோய் இருக்கிறார்.

எலுமிச்சை - விஜயகுமாரி பாஸ்கரன்

இந்தியாவின் வெப்ப மண்டலப் பகுதிகளில் வளரும் முட்கள் கொண்ட புதர்ச்செடி அல்லது சிறிய பரந்த மரம். கனிகள் நல்ல மஞ்சள் வண்ணமும், நறுமணமும் கொண்டவை. பூக்களும், கனிகளும் மருத்துவ குணங்கள் நிறைந்தவை. கனிகளில் சிட்ரிக் அமிலம் மிக முக்கியப் பொருளாகக் காணப்படுகிறது. இவை கிருமிகளுக்கு எதிரானவை.

எலுமிச்சம் பழத்தின் தோல், சாறு, விதை எல்லாமே பல வகைகளில் பயன்படுத்தப்படுகிறது. இதில் வைட்டமின் சி, ஏ, பி, சுண்ணாம்புச் சத்து, உலோகச் சத்து, சர்க்கரை, பாஸ்பரஸ், சிட்ரிக் அமிலம், மாலிக் அமிலம், புரோட்டீன், உப்பு, கொழுப்பு முதலியன அடங்கியுள்ளன.

வைட்டமின் ‘சி’ சத்து அதிகம் இருப்பதால் சருமம் மற்றும் தலை கழுவியாகவும், சிறந்த சரும டானிக்காகவும் பயன்படுகின்றது. சருமத்திலுள்ள கறைகளை அகற்றுகிறது. சிட்ரிக் அமிலம் எடுக்கப்படுகிறது.

பசியைத் தூண்டல், ஜீரண உறுப்புகளை ஊக்குவித்தல், தசை இறுக்குதல், வயிற்றுவலி மற்றும் வாந்தியை நிறுத்துதல் போன்றவற்றுக்கு மருந்தாகிறது. மேலும் கனியின் சாறு தாகத்தினைப் போக்கி, உடல் எரிச்சலையும் போக்கி, உடலுக்கு குளிர்ச்சியை அளிக்கவல்லது.

இயற்கையாகவே சருமத்திற்கு ஊறு விளைவிக்காமல் சுத்தம் செய்யும் தன்மை கொண்டது. முகத்திலுள்ள அதிகப்படியான எண்ணெய் பசையை அகற்றும் வேதிப் பொருட்கள் இருப்பதால் முகத்திற்குத் தேவையான களிம்புகள், மாஸ்க்குகள், கிரீம்கள், குளியல் சோப்புகள், ஷாம்புகள் என அனைத்திலும் இப்பழத்தின் ஆதிக்கம் அதிகம்.

விதைகள் மற்றும் தோலிலிருந்து எண்ணெய் எடுக்கப்படுகிறது. எலுமிச்சை சாதாரணமாக இரண்டரை முதல் மூன்று ஆண்டுகளில் பலன் தர ஆரம்பிக்கும். நல்ல நீர் வளமும், நில வளமுமுள்ள இடத்தில் 50 ஆண்டுகள் வரை பூத்துக் காய்த்துக் கனிந்து பலன் தந்து கொண்டே இருக்கும். சில மரங்கள் நூறு ஆண்டுகள் வரை கூட பலன் தந்து கொண்டிருக்கும்.

எலுமிச்சைசாறு நேரடியாக பற்களின் மீது அடிக்கடி பட நேர்ந்தால் பற்களின் மேல் மின்னுகிற எனாமல் சிதைந்து கெட்டுவிடும். ஆகவே எந்த நிலையிலும் எலுமிச்சைசாறை தனியாக அருந்தவே கூடாது. தனியாக அருந்தும் போது தொண்டையும், மார்பும் வெகுவாகப் பாதிக்கப்படும். தேன் கலந்து பழரசங்களுடன் சேர்த்தே உட்கொள்ளலாம்.

உடலுக்கு வேண்டிய உயிரூட்டத்தையும், ஒளியையும், அழகினையும் எலுமிச்சை மூலம் எளிதில் பெறலாம்.

எலுமிச்சை சாறுடன் சர்க்கரை கலந்து சாப்பிட்டு வர மஞ்சள் காமாலை, கண் நோய், ஆரம்ப யானைக்கால் நோய் குணப்படும். எலுமிச்சை தோலை உலர்த்தி தூளாக்கி சம அளவு பொரித்த படிகாரம் சேர்த்து அரைத்து வைத்துக் கொண்டு, உடலில் ஏற்படும் தேமலுக்கு சிறிது தண்ணீர் சேர்த்து குழைத்து இரவு நேரத்தில் பூசிக் காலையில் குளித்துவர தேமல் மறையும்.

பன்னீர், எலுமிச்சை சாறு சம அளவு நீர்விட்டுக் குலுக்கி வாய் கொப்பளித்து வர வாய் துர்நாற்றம் நீங்கும். வாரந்தோறும் எலுமிச்சை சாறை தலையில் தேய்த்துக் குளித்துவர பொடுகு அகலும்.

நெல்லிக் கனிகள் - சிலவற்றை நன்கு அரைத்து எலுமிச்சை ரசம் கலந்து தலையில் தேய்த்து வந்தால் முடிகொட்டுவது நின்றுவிடும். முடி செழித்து வளர்ந்து கருநிறமாகவும் இருக்கும்.

ஆலமரத்தின் விழுதை அரைத்து எலுமிச்சை சாறுகளோடு கலந்து வாரந்தோறும் தலையில் இட்டுக் குளித்து வர தலைமுடி நன்றாக வளரும். வெள்ளைப்பூண்டை எலுமிச்சை சாற்றோடு கலந்து தேய்த்து வந்தால் பேன் தொல்லை நீங்கும். தலை சூடு தணிய பச்சை பயறு மாவோடு எலுமிச்சை கலந்து குளித்தல் நலம் பயக்கும்.

அழகுக்கூடும்…

அழகுக் குறிப்புகள்

2009/06/19 ஸ்ட்ராபெரி

2009/06/12 நெல்லிக்காய்

2009/06/05 கடுக்காய்

2009/05/29 மாசிக்காய்

2009/05/22 சோம்பு

2009/05/15 ஓட்ஸ்

2009/05/08 வெந்தயம்

2009/05/01 பாதாம் பருப்பு

2009/04/24 அதிமதுரம்

2009/04/17 அமுக்கிராங்கிழங்கு (அஸ்வகந்தி)

2009/04/10 சந்தனம்

2009/04/03 அகில்

2009/03/27 கஸ்தூரி மஞ்சள்

2009/03/20 மஞ்சள்

2009/03/13 கடற்பாசி (ஸ்பைருலினா)

2009/03/06 செம்பருத்தி

2009/02/27 லெட்டூஸ்

2009/02/20 பார்ஸ்லி

2009/02/13 அவுரி

2009/02/06 தைம்

2009/01/30 ஆவாரை

2009/01/23 அறுகம்புல்

2009/01/16 அரைக்கீரை

2009/01/09 வல்லாரை

2009/01/02 பொடுதலை

2008/12/26 குப்பைமேனி, பொன்னாங்கண்ணி

2008/12/19 கரிசலாங்கண்ணி

2008/12/12 சாம்பிராணி இலை

2008/12/05 கொத்துமல்லி

2008/11/28 புதினா

2008/11/07 கறிவேப்பிலை

2008/10/31 வேப்பிலை (மார்கோசா, வேம்பு)

2008/10/24 மருதோன்றி

2008/10/17 கற்பூரவல்லி, ஓமவல்லி - விஜயகுமாரி பாஸ்கரன்

2008/10/10 திருநீற்றுப் பச்சை

2008/10/03 துளசி

2008/09/26 சோற்றுக் கற்றாழை

2008/09/19 தண்ணீர்

2008/09/12 அழகுக் குறிப்புகள் - புவனா

2008/09/05 அஜீரணத்தைத் தவிர்க்கலாமே!

2008/08/29 அலுவலகம் செல்பவர்களுக்கு அத்தியாவசியமான குறிப்புகள்

2008/08/22 அழகுக் குறிப்புகள்

2008/08/15 புகைப்பிடிப்பவர்களுக்கு

2008/08/08 நடிகர்களின் ஆரோக்கியக் குறிப்புகள்

2008/08/01 நடிகர்களின் ஆரோக்கியக் குறிப்புகள்

2008/07/25 நடையா, இது நடையா?

2008/07/18 ஆரோக்கியமாக வாழ…

2008/07/11 அழகுக் குறிப்புகள்

2008/07/04 அழகுக் குறிப்புகள்

2008/06/27 அழகுக் குறிப்புகள்

2008/06/20 ‘சண்டே’ ஸ்பெஷல்

2008/06/13 உடற்பயிற்சி கூடங்கள்

2008/06/06 ஆண்களும் அழகு செய்து கொள்ளலாமே!

2008/05/30 ‘சண்டே’ ஸ்பெஷல்

2008/05/23 புருவ அழகு

2008/05/16 தலைமுடிக்குச் சாயமிடுதல் (டை)

2008/05/09 மணப்பெண் ஆவதற்கு முன்

2008/05/02 தலைமுடிப் பாதுகாப்பு

2008/04/25 புவனாவின் ஆரோக்கிய அழகுக் கலை முறைகள் - 4

2008/04/18 புவனாவின் ஆரோக்கிய அழகுக் கலை முறைகள் - 3

2008/04/11 புவனாவின் ஆரோக்கிய அழகுக் கலை முறைகள் - 2

2008/04/04 புவனாவின் ஆரோக்கிய அழகுக் கலை முறைகள் - 1

2008/03/28 அழகுக் குறிப்புகள் - தமிழ்வாணன்

மணிமேகலை பிரசுரத்தின்…
நோய்களை குணப்படுத்தும் இந்துக்கோவில் மரங்கள்

- வாணியம்பாடி டாக்டர் அக்பர் கவுஸர்

நாகப்பட்டினம் திருக்கொட்டையூர் திருக்கோட்டீஸ்வரர்
சிவன் கோவில் தலவிருட்சம்
ஆமணக்கு
(RICINUS COMMUNIS)

திருநாவுக்கரசர் பாடிய தேவாரம் - பாடல் :
சண்டனைநல் லண்டர் தொழச்
செய்தான் கண்டாய் சதாசிவன்
கண்டாய் சங்கரன்தான் கண்டாய்

தொண்டர்பலர் தொழு தேத்துங்
கழலான் கண்டாய் சுடரொளியாய்
தொடர்வரிதாய் நின்றான் கண்டாய்

மண்டுபுல் பொன்னிவலஞ்
கழியான் கண்டாய் மாமுனிவர்
தம்முடைய மருந்து கண்டாய்

கொண்டல்தவழ் கொடிமாடக்
கொட்டை யூரிற் கோடீச்
சரத்துறையுங் கோமான் தானே

கோயில்களுக்குச் சென்று விளக்கேற்றுவதைப் பார்த்து இருக்கிறோம். விளக்கு ஏற்ற பயன்படும் எண்ணெய் பலவிதங்களில் பலவாறாக காணப்பட்டாலும், கோயில்களில் விளக்கு ஏற்றுவதற்காகவே குறிப்பிடப்படுவது ஆமணக்கு எண்ணெயை மட்டும்தான்.

கோயில்களின் தெய்வீகத் தன்மைகளுடன் ஒட்டி அமைந்துவிட்ட இந்த எண்ணெய், ஆமணக்கு விதைகளில் இருந்து எடுக்கப்படுகின்றது. நாகப்பட்டினம் மாவட்டம் திருக்கொட்டையூரிலுள்ள திருக்கோட்டீஸ்வரர் சிவன் கோயிலில் இம்மரத்தைக் காணலாம். இங்குள்ள ஆமணக்குச் செடியில் “மூலவலிங்கம்” தோன்றியதாகக் கூறப்படுகிறது. இங்கு “கோடீஸ்வரர்” ஒரு கோடி லிங்கத்தைக் கட்டியதாகவும், அதனால் தான், இதற்கு அப்பெயர் வந்ததாகவும் ஐதீகம் கூறுகிறது.

இந்தச் செடியில் மருத்துவ குணங்கள் மிகவும் நிறைந்து இருப்பதாலும், பொருளாதாரப் பலன்கள் அதிகளவில் இருப்பதாலும் தமிழக அரசு இதனை அதிகளவில் வளர்க்க பெரிதும் ஊக்கப்படுத்துகிறது.

விவசாய விளை நிலங்களின் ஓரங்கள், தோட்டந்துரப்புகள், தரிசு நிலங்கள், மணல் பிரதேசங்கள், வளம் குறைந்த பகுதிகளிலும் நன்றாக வளர்வதால் இன்று மிக அதிகளவில் பிரபலமடைந்து வருகின்றது.

எண்ணெய் வித்துக்கள் பலவகைகளில் காணப்படுகின்றன. அவற்றின் மருத்துவ குணங்களும் எண்ணிலடங்காதவை. ஆமணக்கு மிகச்சிறந்த எண்ணெய் வித்தாகும். இதிலிருந்து எடுக்கப்படுகின்ற விளக்கு எண்ணெயை யுனானி மருத்துவர்கள் மிகச்சிறந்த மருந்துப் பொருளாகப் பயன்படுத்துகின்றார்கள்.

ஆமணக்கு செடியின் விதைகள் கொட்டை முத்து எனப்படுகிறது. இதன் இலைகள், எண்ணெய், வேர் ஆகியவை மருத்துவப் பொருளாகப் பயன்படுகின்றன.

பொதுவாகவே, ஆமணக்குச் செடியை இருவகைகளாகப் பிரிக்கலாம். அவற்றை சிற்றாமணக்கு என்றும், பேராமணக்கு என்றும் கூறுவார்கள். செல்வாமணக்கு என்ற ஒரு வகையும் காணப்படுகின்றது. இந்த மூன்று வகைகளையும் சேர்த்து பொதுவாக ஆமணக்கு என்றுதான் கூறுவார்கள். இது தவிர, காட்டாமணக்கு, எலியாமணக்கு போன்ற பெயர்களில் குத்துச்செடி ஆமணக்குச் செடிகள் இருக்கின்றன. பேராமணக்கு பொதுவாக ஆற்றங்கரையோரங்களில் பயிரிடப்படுகின்றது. இதனை படுக்கையாமணக்கு என்றும் கூறுவார்கள்.

காணப்படுமிடம்
ஆமணக்குச் செடிகள் பொதுவாக கிழக்கு ஆப்பிரிக்க நாடுகளில் அதிகளவில் காணலாம். இந்தியாவில் எல்லா இடங்களிலும் தரிசு நிலங்களிலும் இவை நன்றாக வளர்கின்றது. கடல் மட்டத்தில் இருந்து சுமார் 2000 மீட்டர் உயரம் உள்ள பிரதேசங்களில் இவை மிக நன்றாக வளரும்.

தோற்றம்
ஆமணக்குச் செடி எப்பொழுதும் பசுமையோடு இருக்கும் ஒரு வகையான புதர்ச் செடியாகும். இதனை ஒரு சிறிய மரம் என்றே கூறலாம். பத்து மீட்டர் உயரம் வரையில் வளரும் இந்தச் செடி பல பருவ தாவரமாகும். இதன் தண்டுப் பகுதியில் வெள்ளையான வண்ணத்தினைப் போன்ற மாவு படிந்து காணப்படுகின்றன.

இதன் இலைகள் நீண்ட காம்புகளையுடையதாக இருக்கின்றது. இந்தக் காம்பின் அடியில் சுரப்பியும், கை வடிவத்தில் பிளவுபட்ட மடலும், அதில் பல் விளிம்பு பற்களும் காணப்படுகின்றன. ஆண், பெண் வகைகளில் இரு விதமான மலர்கள் இதில் காணப்படுகின்றன. ஆண் மலரில் மகரந்தத்தூள்கள் பல கற்றைகளாகவும், பெண் மலரில் சூல்பை மூன்று அறைகளையும் கொண்டு இருக்கின்றது. இதன் கனிகள் கோள வடிவத்தில் வெடிகனியாகக் காணப்படும். முட்கள் நிறைந்து இருக்கும். இதன் விதைகள் முட்டை வடிவத்தில் அடர்ந்த சாம்பல் நிறக்கோடுகளையும், புள்ளிகளையும் கொண்டது. இந்தச் செடியில் மருத்துவ குணங்கள் மிகவும் நிறைந்து பொருளாதாரப் பலன்களும் உள்ளன. இதில மலர்கள் ஆண்டு முழுவதிலும் பூக்கின்றன.

ஆமணக்கு வேரின் மருத்துவ குணங்கள்
குடிநீரில் ஆமணக்குச் செடியின் வேரைச் சேர்ப்பது வழக்கமாகும். அது போலவே, பல்வேறு விதமான தைலங்களிலும் இந்த வேரைச் சேர்ப்பார்கள். சளித் தொல்லை, ஜலதோஷம் நீங்கவும், காலை, மாலை இரு வேளைகளிலும் சிறிது அளவில் தொடர்ந்து ஐந்து நாட்களுக்குக் கொடுத்து வர, சளித்தொல்லை குணமாகும்.

ஆமணக்கு இலை, விதை மற்றும் எண்ணெயின் மருத்துவ குணங்கள்
இதன் இலைகளைச் சாறு பிழிந்து, கொடுத்து வந்தாலும் இந்த இலைகளை அரைத்து மார்பின் மீது கட்டி வந்தாலும் பால் சுரக்க ஆரம்பிக்கிறது. இலைகளை நறுக்கி, அதில் சிற்றாமணக்கு நெய் விட்டு வதங்கிச் சூட்டுடன் வலியுடன் கூடிய கீழ்வாய்வுகளுக்கும், வீக்கங்களுக்கும் ஒத்தடம் இடலாம்.

இதன் இலைகளை, கீழாநெல்லி இலைகளுடன் சேர்த்து அரைத்து சிறு எலுமிச்சம்பழ அளவில் எடுத்து மூன்று நாட்களுக்கு காலை நேரத்தில் தொடர்ந்து கொடுத்து வருவதுடன், நான்காவது நாள் மூன்று முறை சிறிதளவு சிவதைப் பொடி கொடுத்து வந்தால் காமாலை நோய் தீர்ந்துவிடும்.

சிற்றாமணக்கு எண்ணெய் அடி வயிற்றின் மீது பூசி, அதன் மேல் இந்த இலைகளை வதக்கிப் போட்டால் மலச்சிக்கல், வயிற்றுவலி குணம் பெறும். இதன் இலைகளைப் பொடியாய் அரைத்து, அதில் ஆமணக்கு நெய்விட்டு வதக்கி ஒத்தடம் கொடுப்பதால் மூலக்கடுப்பு, கீழ்வாதம், வாத வீக்கம் குணம்பெறும்.

ஆமணக்குச் செடியின் துளிரை விளக்கெண்ணெயில் வதக்கி தொப்புளில் வைத்துக் கட்டினால் மூலம், வயிற்று வலி குணம்பெறும். சிறுநீர்ப்பை வலிகளுக்கு ஆமணக்கு இலைகள் உதவுகின்றன.

ஆமணக்கு விதைகளைப் பாலில் அல்லது தண்ணீரில் கொதிக்க வைத்து மூட்டுவலி, பின்தொடை, நரம்பு வலிகளுக்கு மருந்தாகத் தரலாம்.

ஆயுர்வேத மருத்துவ நூல்களில் சிவப்பு, மஞ்சள், கருமை நிறத்தில் ஆமணக்கு காணப்படுவதாகக் கூறப்பட்டுள்ளது.

சொட்டு, சொட்டாக சிறுநீர் கழியும் போக்கிற்கு சிவப்பு வகை ஆமணக்குச் செடியின் மலர்கள் பயன்படுகின்றன. மேலும், இதன் விதைகள் கல்லீரல் நோய்கள், மண்ணீரல் நோய்களையும் குணப்படுத்துகின்றது.

ஆமணக்கு விதைகள் மிகுந்த நச்சுத்தன்மைகளைக் கொண்டவை. இரண்டு ஆமணக்கு விதைகள் மட்டுமே மரணத்தைக் கொண்டுவரப் போதுமானவை. ஆனால், இவற்றைக் கொதிக்க வைத்து எண்ணெய் வடித்தெடுக்கும்போது அதில் நச்சுக்கள் இருப்பதில்லை.

ஆமணக்குச் செடியின் விதைகளிலிருந்து எண்ணெய் வடித்து எடுக்கப்படுகின்றது. இந்த எண்ணெய் குடல் ஏற்றம், வயிற்று வலி, அல்சர் புண்கள், கண், மூக்கு, காது, வாய்ப் பகுதிகளில் உருவாகின்ற எரிச்சல்களைப் போக்கி குணப்படுத்த உதவுகின்றது.

இவை நமது உடலைப் பொன்னிறமாக்குகின்றது. குழந்தைகளுக்கும், பிள்ளை பெற்ற தாய்மார்களுக்கும் வயிறு கழியவும், பேதியைக் கொண்டு வரவும் இந்த எண்ணெயைக் கொடுப்பார்கள். பசியின்மையைப் போக்குகிறது.

அதிகமான சளித்தொல்லை இருந்தாலோ அல்லது இரைப்பு, இருமல் இவைகளால் பாதிக்கப்பட்டு இருந்தாலோ சிற்றாமணக்கு இரண்டு பங்கும், தேன் அரைப்பங்கும் சேர்த்து கலந்து கொடுக்கலாம். மூன்று வயதுடைய குழந்தைகளுக்கு அரைத்தேக்கரண்டி அளவு கொடுப்பார்கள். தேன் கலந்தும் கொடுக்கலாம்.

ஆமணக்கு எண்ணெயை தேன் அல்லது உப்பு கலந்த தண்ணீரில் சுக்கு நீர், சோம்புத் தீநீர், ஓமத்தீநீர், எலுமிச்சம் பழரசம் மற்றும் சர்க்கரை கலந்த நீர், பால், தண்ணீர் ஆகியவற்றைக் கலந்து கொடுக்கலாம். தாய்மார்களின் மார்பக காம்புப் பகுதியில் புண், வீக்கம் அல்லது வெடிப்பு இருந்தால் இந்த எண்ணெயை துணியில் நனைத்துப் போடலாம்.

பலவிதமான தைலத் தயாரிப்புகளிலும் ஆமணக்கு எண்ணெய் கலக்கப்படுகின்றது. தொடர்ந்து மருந்து, மாத்திரைகளைச் சாப்பிடுவதால் அவர்களின் கண்கள் சிவப்பாகக் காட்சியளிக்கும். சிற்றாமணக்கு எண்ணெயையும், தாயப்பாலையும் கூட்டி, குழைத்து கண்களில் விடுவதால் கண்களில் காணப்படும் சிவப்பு நிறம் போய்விடுகிறது. தூசுக்கள், கற்கள் விழுந்து விடுவதால் கண்கள் சிவந்து போனாலும் இந்த எண்ணெயை விடலாம்.

நமது உடலின் மேல் தோல் உராய்ந்து இரத்தம் கிளம்பத் தொடங்கினால் இந்த எண்ணெயைத் தடவி, எரிச்சலைப் போக்கி குணப்படுத்தலாம். இதனால் அந்த இடம் முன்பிருந்த நிலையை அடையும்.

ஆமணக்கு நெய் மூன்று பங்கு, எண்ணெய் இரண்டு பங்கு, பசுவின் நெய் ஒரு பங்கு கலந்து கொடுப்பதன் மூலம் வலிப்பு நோய் தீரும். ஆமணக்கு நெய் இரண்டு பங்கு, எண்ணெய் மூன்று பங்கு அளவிற்குக் கலந்து கொடுத்து வந்தால் சளித் தொல்லையால் உண்டாகும் நோய்கள் நீங்கி குணம்பெறும்.

30 மில்லி ஆமணக்கு எண்ணெயுடன் சிறிது பசும்பால் கலந்தோ, இஞ்சிச் சாறு கலந்தோ கொடுத்து வந்தால், நான்கைந்து முறை பேதி உண்டாகும். பசியின்மை வயிற்று வலி ஆகியவையும் தீரும்.

யுனானி மருத்துவம்
ஆமணக்கு ஒரு யுனானி மூலிகையாகும். இதனை “இரண்ட்” என்றும் “அரண்ட்” என்றும் அழைப்பார்கள். யுனானி மருத்துவர்கள் இந்த ஆமணக்கு விதைகளைக் கொண்டு சளித்தொல்லை, வயிற்று இறக்கம், ஜலதோஷத்தால் வரும் குறைபாடுகள், குடலேற்றம், நீர்க்கோப்பு வியாதிகள், ஆஸ்துமா, இருமல், வாத நோய்கள், மாதவிடாய்க் குறைபாடுகள், வீக்கங்கள், வலிகள் அதிகளவில் உருவாதல் போன்றவற்றைக் குணமாக்கப் பயன்படுத்துகின்றார்கள்.

இது வயிற்றை இளக்கி, பேதியை உண்டாக்கும். எனவே, தூங்குவதற்கு முன் இதனை உண்ணக்கூடாது.

இயல்பு
இது இரண்டாம் நிலையில் சூடு கொண்டவர்கள் எவ்வளவு பெரிய கட்டுமஸ்தான ஆளாக இருந்தாலும், அவரும் வாந்தி எடுத்து இளைத்து விடுவார். இதன் விதைகளும், விதைகளை ஒட்டி இருக்கின்ற ஓடுகளும் கூட பெரும் நச்சுத் தன்மை மிகுந்து காணப்படுகின்றது. இதனை பத்தரை கிராமிற்கு மேல் சாப்பிடுபவர்கள் உயிரோடு இருக்க மாட்டார்கள் என்று சில யுனானி மருத்துவர்கள் கூறுகின்றார்கள்.

இதன் விதைகளும், விதைகளை மூடியுள்ள ஓடுகளும் கடுமையான நச்சுத்தன்மை வாய்ந்ததாக உள்ளதால், இதனை மருத்துவர்களின் ஆலோசனை இன்றி எடுத்துக் கொள்வது கூடாது. தப்பித் தவறி யாராவது ஒருவர் இதனைத் தவறுதலாக உட்கொண்டு விட்டால், அவரது உடலில் இருந்து விஷத் தன்மையை வெளியேற்றி, உடலை குணப்படுத்த யுனானி மருத்துவர்கள் கீழ்க்கண்ட மருந்துகளைத் தருகின்றனர்.

இதற்காக மூங்கிலுப்பு நாலரை கிராம் எடுத்து அதனை நன்றாக அரைத்து, சிகஞ்சபீன் ஒரு சொட்டு குளிர்ந்த நீரில் போட்டு கலந்து தேவைக்கேற்ப இரண்டு அல்லது மூன்று தடவை குடிக்க கொடுக்கலாம். இதனால் நச்சுத்தன்மை போய்விடும்.

ஆமணக்குச் செடியின் வேரை அரைத்து, சாற்றை தலையில் வைத்துப் பூசினால் தலைவலி குணம் பெறுகின்றது. இதுபோல ஆமணக்கு இலைகளை ஜவ்வரிசி மாவில் அரைத்து கண்களில் பூசினால், கண்களில் ஏற்படும் வீக்கம் குணம்பெறுகிறது.

ஆமணக்குச் செடியின் வேரை அரைத்து சாறுபிழிந்து கொடுத்தால் மஞ்சள் காமாலை குணம்பெறுகிறது. ஆமணக்குச் செடியின் வேர், பூக்கள், விதைகள், இலைகள் மற்றும் பட்டைகளை ஒரு மண் சட்டியில் போட்டு வாய்ப்புறத்தை நன்றாக மூடி, அதை அடுப்பில் வைத்து சுட வைக்க வேண்டும். அவை எரிந்து சாம்பலான பிறகு, அதனை 12 கிராம் எடுத்து, அதில் 48 கிராம் பசுவின் சிறுநீரைப் போட்டு நன்றாக அரைத்துக் கொடுப்பதால் மண்ணீரல் வீக்கம் குணம் பெறுகிறது.

ஆண்மைக் கோளாறுகளைக் குணப்படுத்த ஆமணக்கு விதைகளையும், எள் விதைகளையும் சம அளவில் எடுத்து அரைத்து காய்ச்சி வடிக்க வேண்டும். இதனை, ஆண் உறுப்பின் மீது பூசுவதால் ஆண்மைக் குறைவு குணப்படுகின்றது. அதுபோலவே, இதன் வேரை அரைத்து வெது வெதுப்பான சூட்டில், விரைகளின் மீது பூசினால் விரை வீக்கம் குணம் பெறுகிறது.

பெண்களின் மார்பகங்களில் ஏற்படும் வீக்கங்களை குணப்படுத்துகிறது. இதன் இலைகள், விதைகள், மாதவிடாய் குறைபாடுகளைப் போக்குகிறது. மேலும், இந்த விதைகள் பெண்களுக்கு மலட்டுத் தன்மையை ஏற்படுத்தவும் செய்கிறது.

மாதவிடாய் கழிந்தபின் ஒரு பெண், இதன் விதையைச் சாப்பிட்டால், அவளுக்கு அந்த ஆண்டு குழந்தை பிறக்காது. இரண்டு விதைகள் சாப்பிட்டால் இரண்டு ஆண்டுகளுக்கு கரு உருவாகாது. முழுமையாகவே குழந்தைப் பேற்றைத் தடுத்துக் கொள்ள தினசரி ஒரு விதைகளை வீதம் ஏழு நாட்களுக்குச் சாப்பிட்டு வருவதன் மூலம் வாழ்நாள் முழுவதும் குழந்தை பெறுவதைத் தடுத்துக் கொள்ளலாம்.

இது போலவே, ஆமணக்குச் செடியின் இளம் குச்சிகளை தாய்மார்களின் கர்ப்பப்பைகளின் மீது வைப்பதன் மூலம் சிசு உருவாவது தடைப்படுகிறது. ஆமணக்கு இலைகளை அரைத்துக் குடித்தால் தாய்ப்பால் சுரப்பது குறைந்து விடும். அதுவே இதன் எண்ணெயை மார்பகங்களின் மீது பூசுவதால் பால் சுரப்பு அதிகரிக்கின்றது.

கர்ப்பப்பையில் ஏற்படும் வலியைக் கட்டுப்படுத்த ஆமணக்கு விதைகள், வேப்ப மர விதைகள் ஆகியவற்றைச் சரிசம அளவில் எடுத்து, நன்றாக அரைத்து, சாறு பிழிந்து, கோலிகளாகச் செய்து கொண்டு, அதனை கர்ப்பப்பையினிடத்தில் வைப்பதன் மூலம் கர்ப்பப்பை வலி குணம் பெறுகின்றது.

தொங்கிய மார்பகங்கள் விரைப்படையவும், கவர்ச்சியாகக் காட்சியளிக்கவும் ஆமணக்குச் செடியின் இலைகளைக் காடியில் அரைத்து மார்பகங்களின் மீது பூசலாம்.

இதன் வேர்களை உலர்த்தி, அதனைக் கஷாயமிட்டுக் குடிப்பதால் காய்ச்சல் குணப்படுகின்றது. தொழுநோய் போன்ற நோய்களின் தாக்கம் ஏற்பட்டால், ஆமணக்கு விதைகள் ஏழு கிராம் அளவு வீதம் தினசரி 40 நாட்களுக்கு உண்பதால் கட்டுப்படுத்தலாம்.

இதன் இலைகளை அரைத்து அழுகிய புண்களின் முது பூசலாம். இதன் வேரைக் கஷாயமிட்டுக் குடிப்பதால் இரத்தத்தில் இருக்கின்ற அசுத்தங்கள் போய் நலப்படுகின்றது.

மனிதன் கண்டுபிடித்த முதல் மருத்துவச் செடி இந்த ஆமணக்குச் செடிதான் என்று பலரும் நம்புகின்றார்கள். இதிலிருந்து மாத்திரைகளையும், சாறுகளையும் மருந்துப் பொருளாகத் தயாரிக்கப்படுகின்றது.

அடங்கியுள்ள வேதிப்பொருட்கள்
ஆமணக்குச் செடியிலிருந்து எடுக்கப்படுகின்ற எண்ணெயில் ரிஸினோலிக், ஐஸோரிஸினோலிக், ஸ்டியரிக், டைஹைட்ராக்ஸி ஸிடியரிக் அமிலம் போன்ற வேதிப்பொருட்கள் அடங்கி இருக்கின்றன. இதன் விதைகளில் லைபேஸ், ரிசினைன் போன்ற பொருட்கள் காணப்படுகின்றன. இதன் இலை மற்றும் தண்டுப் பகுதிகளில் ரிசினைன் அல்கலாய்டுகள் இருக்கின்றன.

தலவிருட்சம் கொண்ட திருக்கோயில்கள்
கும்பகோணத்திற்கு மேற்கில் அமைந்துள்ள திருக்கொட்டையூர் என்ற தலத்தில் திருக்கோயில் தலவிருட்சமாக ஆமணக்கு (கொட்டைச் செடி) வணங்கப்படுகிறது. திருக்கொட்டையூர் என்னும் ஊர் கும்பகோணத்துக்கு மேற்கில் 3 கி.மீ. தூரத்தில் உள்ளது. இங்கு கோடீஸ்வரர், பந்தாடுநாயகி ஆலயம் உள்ளது. இக்கோவிலின் தலவிருட்சம் ஆமணக்குச் செடியாகும். இங்கு பக்தர்கள் தெய்வத்துடன் ஆமணக்குச் செடியையும் சேர்த்து வணங்குகின்றார்கள்.

அக்பர் கவுஸரின் முந்தைய கட்டுரைகள்

2009/06/19 காளி கோயில் தலவிருட்சம் அரளி

2009/06/12 திருவள்ளூர் திருக்கள்ளில் சிவானந்தேஸ்வரர் கோவில் தலவிருட்சம் அலரிச் செடி

2009/06/05 திருமாலிருஞ்சோலை திருமால் கோவிலின் தலவிருட்சம் அசோக மரம்

2009/05/29 திருக்காறாயில் திருக்கோயில் தலவிருட்சம் அகர் அகில் மரம்

2009/05/22 கன்னியாகுமரி அகத்தீஸ்வரம் அகத்தீஸ்வரர் கோவில் தலவிருட்சம் அகத்தி மரம்

2009/05/15 கேது பகவான் கோவிலில் வணங்கப்படும் தர்ப்பை புல்

2009/05/08 ராகு பகவான் கோவிலில் வணங்கப்படும் அருகம் புல்

2009/05/01 சனி பகவான் கோவிலில் வணங்கப்படும் வன்னி மரம்

2009/04/24 சுக்கிர பகவான் கோவிலில் வணங்கப்படும் அத்தி மரம்

2009/04/17 புதன் பகவான் கோவிலில் வணங்கப்படும் நாயுருவிச் செடி

2009/04/10 அங்காரக பகவான் கோவிலில் வணங்கப்படும் கருங்காலி மரம்

2009/04/03 சந்திர பகவான் கோவிலில் வணங்கப்படும் முருக்கன் மரம்

2009/03/27 சூரிய பகவான் கோவிலில் வணங்கப்படும் வெள்ளை எருக்கன் செடி

வாழ்நாளை உயர்த்தும் உணவுப் பழக்கங்கள்

ஆழந்து மூச்சு விடுங்கள் – கே.எஸ்.சுப்ரமணி

ஒரு கையை நெஞ்சிலும் இன்னொரு கையை அடிவயிற்றிலும் வைத்துக்கொண்டு நன்கு மூச்சை இழுங்கள். பிறகு மூன்று விநாடி கழித்து இழுத்த மூச்சை மெதுவாக வெளியே விடுங்கள். மூச்சு வெளியேறும்போது எந்தக் கை மேலே உயருகிறது? அடிவயிற்றில் உள்ள கைதானே?

ஆழ்ந்து சுவாசித்தல் என்பது நுரையீரல்களில் சுவாசிப்பதுதான். இதுதான் உண்மையாக மூச்சை இழுத்துக்கொள்ளும் முறை.

எந்த வயதுக்காரரும் தரையில் தலையணை எதுவுமின்றி படுத்துக் கொண்டு இப்படி வயிற்றிலும் நெஞ்சிலும் கைகளை வைத்துக்கொண்டு சுவாசித்தால், நுரையீரல்களின் கீழ்ப்பகுதிக்கு நன்கு ஆக்சிஜன் கிடைக்கும்.இதனால் எல்லா உறுப்புகளும் வலுப்பெறும்.

ஆனால், 100க்கு 99 பேர் நெஞ்சினால்தான் சுவாசிக்கிறார்கள். குப்பை அள்ளும் லாரி போகும் போதும், வியர்வை நாற்றம், புகைப் பிடிப்பவர் விடும் மூச்சு நாற்றம் முதலியவற்றைக் தடுக்க மூச்சையும் மூக்கையும் இறுக்கிப் பிடித்துக் கொள்கிறோம் அல்லவா, அப்போது ஆக்ஸிஜன் நுரையீரல்களின் கீழ்ப்பகுதிகளுக்குச் செல்வதே இல்லை. உலகில் இப்படிச் சுவாசிப்பவர்களே அதிகம். நெஞ்சினால் சுவாசிப்பவர்கள் உலகில் 99 சதவிகிதம் பேர்களாம். ஆனால் இவர்கள் நலமுடன் வாழ்கிறார்களே! இது எப்படி? ஆனால் இவர்கள் மூச்சுவிடுதல் தொடர்பான நோய்களைப் பெற்றுக் கொண்டு வாழ்கிறார்கள். சரியாக மூச்சுவிடத் தெரியாதவர்களுக்குத் தான் உடம்பில் அங்கங்கே வலிகளும் காய்ச்சல் வகைகளும் எட்டிப் பார்க்கும்.

பிராணாயாமம் மற்றும் மூச்சுப்பயிற்சி செய்பவர்கள் காலையில் 5 நிமிடங்கள் மாலையில் ஐந்து நிமிடங்கள் என தரையில் படுத்துக்கொண்டு ஒரு கையை நெஞ்சிலும் இன்னொரு கையை அடிவயிற்றிலும் வைத்துக்கொண்டு மூச்சை மெதுவாக இழுத்து வெளியே விட்டால் நல்ல மாற்றம் தெரியும். எரிச்சல் வராது. பிறர் மேல் எரிந்து விழமாட்டீர்கள்.

அடுத்து ஆஸ்துமா, இதயநோய், ஒற்றைத்தலை வலி, காக்காய் வலிப்பு போன்ற நோய்கள் கட்டுப்படும். இந்த நான்கு நோய்களும் சரியாக மூச்சு விடத் தெரியாதவர்களுக்குத்தான் வருகின்றன என்கிறது கொலராடோவின் பெளல்டரில் உள்ள சர்வதேச மூச்சுப்பயிற்சி நிலையம்.

தரையில் படுத்துக்கொண்டு இப்படி ஆழ்ந்து சுவாசிக்கக் கற்றுக் கொண்டால் நுரையீரல்களின் கீழ்ப்பகுதிகளுக்கும் நன்கு ஆக்ஸிஜன் கிடைப்பதால் மனமும் உற்சாகமாக இருக்கும். நல்ல இரத்தம் எல்லா உறுப்புகளுக்கும் கிடைத்து விடுவதால் வாழ்நாளும் நீடிக்கிறது.

ஒரு நிமிடத்திற்கு எட்டு முதல் 14 முறையே சராசரி மனிதன் மூச்சுவிடுகிறான். ஆனால் நுரையீரல்களுக்கு நன்கு காற்று கிடைக்காதவர்கள் 20 தடவைக்கு மேல் சுவாசிக்கிறார்கள். இதேபோல் ஆண்கள் பெல்ட்டுகளை இறுக்கி அணிந்தாலும் பெண்கள் நாடாக்களை இறுக்கிக் கட்டினாலும் நன்கு மூச்சுவிட முடியாது. சேலை, வேட்டி, பேண்ட் என அனைத்தும் வயிற்றை அதிகம் அழுத்தாமல் இருக்குமாறு அணிய வேண்டும்.

மூச்சுவிடும் முறையை நன்கு கற்றுக்கொண்டால் மூளையையும் நம் கட்டுப்பாட்டுக்குள் கொண்டு வந்துவிடலாம். இரத்தத்தில் காடித் தன்மையும், காரத்தன்மையும் அதிகரிக்காமல் இருக்க வேண்டும். இதற்கு மூச்சுப் பயிற்சி உதவுகிறது.

முதல் பயிற்சி :
நேர்காணலுக்குச் செல்லும் போது இந்த முறையில் 5 நிமிடங்கள் சுவாசித்துவிட்டுப் புறப்பட்டால், நேர்காணலின் போது பதட்டம் ஏற்படாது. திடீர் இரத்தக்கொதிப்பு, ஸ்டிரோக் போன்றவற்றை இப்படி ஆழ்ந்து சுவாசிப்பதன் மூலம் கட்டுப்படுத்தலாம்.

இரண்டாவது பயிற்சி :
சம்மணமிட்டு உட்காருங்கள். மூக்கினால் மூச்சை இழுத்துக் கொள்ளுங்கள். பிறகு வாயைத் திறந்து அதை வெளியேற்றுங்கள். அடுத்து மூச்சை இழுக்காமல் தொடர்ச்சியாக ஊ…ஊ… என்று காற்றை ஊதுங்கள். இதற்குப் பிறகு முன்பு செய்தது போல மூக்கினால் இழுத்து வாயினால் வெளியேற்றி கடைசியல் ஊ….ஊ…. என்று ஊதுங்கள். மூன்று முறை இது போல் செய்யுங்கள்.

மூன்றாவது பயிற்சி :
நன்கு நிமிர்ந்து நின்று கொண்டு இரண்டு கைகளையும் பக்கவாட்டில் தூக்கியபடியே மூச்சை உள்ளுக்குள் இழுங்கள். தலைக்குமேல் கும்பிடுவது போல் கைகளை வைத்ததும் அப்படியே மீண்டும் பழையபடி பக்கவாட்டில் மெதுவாக இறக்கவும். இப்படி கைகளை இறக்கும் போது இழுத்த மூச்சை மெதுவாக வெளியேற்றுங்கள். இந்தப் பயிற்சியை காலை உணவிற்கு முன்பு பத்துமுறை செய்துவிட்டு புறப்பட்டால் அந்த நாள் முழுவதும் படுசுறுசுறுப்பாக இருக்கும். மற்ற இரு மூச்சுப் பயிற்சிகளையும் நீங்கள் செய்திருந்தால் உங்களிடம் ஒற்றைத் தலைவலி, எரிச்சல் முதலியன வாலாட்ட முடியாது. ‘இனிமையாகப் பழகும் அரிய மனிதர்’ என்று பெயர் பெற்றுவிடுவீர்கள்.

ஆழ்ந்து சுவாசிக்கும் இந்த மூச்சுப் பயிற்சியை அமெரிக்க டாக்டர்கள் பலரும் இரு வேளைகள் செய்கிறார்கள். ரெய்கி மருத்துவத்தில் இந்த ஆழ்ந்த மூச்சுப் பயிற்சி முக்கியமான குணப்படுத்தும் உத்தியாக இடம் பெற்றுள்ளது.

எனவே, எளிமையான இந்த சக்தி வாய்ந்த மூச்சப் பயிற்சியை இன்று முதல் ஆரம்பியுங்கள்.

கே.எஸ்.சுப்ரமணியின் முந்தைய இளமை காக்க எளிய வழிகள்

2009/06/19 குழந்தைப் பிறப்பைத் தடுக்கும் பானம்!

2009/06/12 இரத்தத்தில் அதிக சீனி சேரலாமா?

2009/06/05 ஆபத்தான நோய்களைத் தவிர்க்கும் உணவுப் பழக்கம்!

2009/05/29 இரவில் வெகு நேரம் விழிக்கலாமா?

2009/05/22 சின்ன உணவு மருத்துவம்

2009/05/15 முகச் சுருக்கத்தை தவிர்க்க முடியுமா?

2009/05/08 கண்களை களைக்க விடாதீர்கள

2009/05/01 தவிர்க்க கூடாத பத்து உணவுகள்

2009/04/24 சீனர்களின் ஆரோக்கிய இரகசியம்

2009/04/17 அறிதுயில் மருத்துவம்

2009/04/10 கிளி வைத்தியம்

2009/04/03 திடீரென்று எடை கூடுகிறதா?

2009/03/27 கொசு விரட்டிகளால் கெடுதலா?

2009/03/20 அழைக்கிறது ஆபத்து! இரசாயன விருந்து

2009/03/13 உப்புள்ள பண்டம் குப்பையிலே!

2009/03/06 சீனி : சில கசப்பான உண்மைகள்

2009/02/27 குளிர்பானங்கள் குடிப்பது நல்லதா?

2009/02/20 உடல் நலக் குறிப்புகள்

2009/02/13 அவசியம்… அவசியம்…

2009/02/06 உணவே மருந்து

2009/01/30 நம்ம வழி எளிய வழி

2009/01/23 சுகமோ சுகம்

2009/01/16 தொந்தி ஒரு தொந்தரவா?

2009/01/09 ஞாபகசக்தி அதிகரிக்க!

2009/01/02 நல்ல கொலஸ்டிரால் அதிகரிக்க!

2008/12/26 சத்துணவால் மூட்டுவலி குணமாகுமா?

2008/12/19 தண்ணீர் குடிக்கலாமா?

2008/12/12 கவலைக்கு முதல் மருந்து

2008/12/05 சைவ உணவால் அற்புத நன்மைகள்

2008/11/28 நோய்களைக் குணமாக்கும் வண்ண உடைகள்!

2008/11/21 இளமை நீடிக்க இனிய விதிகள்

2008/11/14 விரைந்து நலம்பெற…

2008/11/07 பிரானிக் எனும் புதிய சிகிச்சை முறை

2008/10/31 காந்தசக்தி மருத்துவம்

2008/10/24 உயிரைக் காப்பாற்றும் தேநீர்

2008/10/17 தினமும் பாதாம் பருப்பு சாப்பிடுங்கள்

2008/10/10 பெண்கள் வலம் வருவது நல்லது!

2008/10/03 தக்காளி நிறையச் சாப்பிடலாமா?

2008/09/26 நல்லெண்ணெய் நல்ல எண்ணெய் தானா?

2008/09/19 வேர்க்கடலை சாப்பிடுவதால் நன்மையா?

2008/09/12 அடிக்கடி முட்டை சாப்பிடலாமா?

2008/09/05 தினசரி ரசம் சாப்பிடலாமா?

2008/08/29 சத்தான சாறு எது?

2008/08/22 இளமையிலே முதுமையா?

2008/08/15 காய்கறிகளைத் தவிர்க்காதீர்கள்

2008/08/08 இனிப்பைத் தவிர்க்காதீர்கள்!

2008/08/01 பெண்கள் வெங்காயம் சாப்பிடலாமா?

2008/07/25 வாழைப்பழத்தை தவிர்க்காதீர்கள்

2008/07/18 தினமும் இதயத்தை மெதுவாகத் தட்டுங்கள்!

2008/07/11 நஞ்சை முறிக்கும் நல் உணவுகள்

2008/07/04 உதவி செய்யும் உணவுகள்

2008/06/27 மருத்துவ பட்ஜெட்…

2008/06/20 உணவே மருந்து!

2008/06/13 கோபமும் கவலையும் போயே போச்சு…

2008/06/06 மனக்கவலையை மாற்ற…

2008/05/30 மிளகாய் சாப்பிடுவது நல்லதா?

2008/05/23 A to Z

2008/05/16 வாழ வைக்கும் வைட்டமினுக்கு ஜே!

2008/05/09 எதையும் வெல்ல ஓர் எளிய வழி!

2008/05/02 ஆரோக்கியத்தைப் பாதுகாக்கும் அற்புத வைட்டமின்

2008/04/25 சோர்வை விரட்ட…

2008/04/18 நீண்ட நாள் வாழ்பவர்கள் சொல்லும் வழிகள் …!

2008/04/11 மூளைக்கு ஏற்ற சூப்பர் உணவுகள்

2008/04/04 அதிகாலையில் ஓடலாமா?

2008/03/28 ஆறு யோசனைகள்

2008/03/21 சிறந்த உணவு திட்டம் எது? சைவமா? அசைவமா

தேங்காய்ப்பால் சொதி - அலமேலு ரங்கநாதன்

தேவையான பொருட்கள்

தேங்காய் - 2
பெரிய பூண்டுப்பல் - 4
பெரிய வெங்காயம் - 2
பாசிப்பருப்பு - 100 கிராம்
எண்ணெய் - 4 தேக்கரண்டி
இஞ்சி - 1 துண்டு
எலுமிச்சம்பழம் - 1
பச்சை மிளகாய் - 10
உப்பு - தேவையான அளவு
(கத்தரிக்காய், முருங்கைக்காய், பீன்ஸ், காரட், வாழைக்காய், செளசெள முதலிய காய்கள் சேர்த்து போடலாம்.)

செய்முறை :
தேங்காயைத் துருவி அரைத்து கெட்டிப்பால் எடுக்கவேண்டும். இந்தப் பாலைத் தனியாக வைத்துவிட்டு மறுபடி தண்ணீர் கலந்து அரைத்து இரண்டு தடவை பால் எடுக்கவும். இந்தப் பாலில் பெரியதாக நறுக்கிய காய்களை வேக வைக்கவும். பூண்டு, வெங்காயம், பச்சை மிளகாய், இஞ்சி இவைகளை பொடியாக நறுக்கி இண்டாலியம் சட்டியில் கொஞ்சம் எண்ணெய் விட்டு வதக்கிய காய்களுடன் போடவும். பாசிப்பருப்பை வேக வைத்துக் கொள்ளவும். காய்கள் வெந்ததும் வேக வைத்த பருப்பையும் சேர்த்துக் கொதிக்க வைக்கவேண்டும். கொதித்ததும் இறக்கி புளிப்புக்கு எலுமிச்சம் பழம் பிழிந்து முதலில் எடுத்து வைத்த பாலைக் கலந்து சிறிது நேரம் கொதிக்க வைத்து இறக்கி வைக்கவும். அதிகம் கொதிக்க விட வேண்டாம்.

Chettinadu Samayal

2009/06/19 மசாலா பருப்பு

2009/06/12 குருமா

2009/06/05 வெண்பொங்கல் (அ) பருப்பு சாத்துக்குழம்பு

2009/05/29 பூண்டுக் குழம்பு

2009/05/22 பருப்பு உருண்டைக் குழம்பு

2009/05/15 பீர்க்கங்காய் மசியல்

2009/05/08 மிளகுக் குழம்பு

2009/05/01 வெங்காயக் குழம்பு

2009/04/24 மோர்க்குழம்பு - முதல் வகை

2009/04/17 கீரை மசியல்

2009/04/10 தக்காளிப் பழக்குழம்பு

2009/04/03 கருணைக் கிழங்கு மசியல்

2009/03/27 புளிக்காய்ச்சல்

2009/03/20 கீரைத்தண்டு, மொச்சை, கத்தரிக்காய் புளிக்குழம்பு

2009/03/13 மாம்பருப்பு குழம்பு

2009/03/06 பருப்பு உப்படான்

2009/02/27 வற்றல் குழம்பு

2009/02/20 எண்ணெய்க் கத்தரிக்காய் குழம்பு

2009/02/13 அவியல்

2009/02/06 கொத்தமல்லிக் கூட்டு

2009/01/30 கொத்தவரங்காய் கூட்டு

2009/01/23 கோஸ் கூட்டு - இரண்டாவது வகை

2009/01/16 பலாக்கொட்டை கூட்டு

2009/01/09 முட்டைக்கோஸ் கூட்டு

2009/01/02 ஏழுகறிக் கூட்டு

2008/12/26 மசித்த கீரை

2008/12/19 பத்தியக்கூட்டு

2008/12/12 வெண்டைக்காய் கூட்டு

2008/12/05 ரசவாங்கி

2008/11/28 வாழைக்காய் கூட்டு

2008/11/21 பொன்னாங்கண்ணி கீரை கறி

2008/11/14 பரங்கிக்காய்த் தூவல்

2008/11/07 பாகற்காய் கறி - முதல் வகை

2008/10/31 புடலங்காய் கறி

2008/10/24 முட்டைக்கோஸ் கறி

2008/10/17 கருணைக்கிழங்கு புட்டுக் கறி

2008/10/10 சேனைக்கிழங்கு கறி

2008/10/03 சேப்பங்கிழங்கு கறி

2008/09/26 பருப்பு உசிலி - முதல் வகை

2008/09/19 பூரி உருளைக்கிழங்கு

2008/09/12 உருளைக்கிழங்கு பொடி மாஸ்

2008/09/05 உருளைக்கிழங்கு கறி

2008/08/29 காரட் கறி

2008/08/22 கட்டு சாதக் கறி

2008/08/15 பொடி போட்ட வெண்டைக் கறி

2008/08/08 வெண்டைக்காய் கறி

2008/08/01 சுட்ட கத்தரிக்காய் துவரம்

2008/07/25 கத்தரிக்காய் காரக்கறி

2008/07/18 கத்தரிக்காய் வதக்கல்

2008/07/11 கத்தரிக்காய் கறி

2008/07/04 மசாலா வாழைக்காய்

2008/06/27 வாழைக்காய் பொடி

2008/06/20 வாழைக்காய் பொடிமாஸ்

2008/06/13 வாழைத்தண்டு கறி - இரண்டாவது வகை

2008/06/06 வாழைத்தண்டு (புளிக்கறி) முதல் வகை

2008/05/30 வாழைக்காய் வதக்கல்

2008/05/23 வாழைக்காய் கறி

2008/05/16 மிளகுப் பொடி

2008/05/09 கறிவேப்பிலைப் பொடி

2008/05/02 இட்லிப் பொடி

2008/04/25 மீல் மேக்கர் குழம்பு

2008/04/18 கத்தரிக்காய் - கடலைப் பருப்புக் குழம்பு

2008/04/11 கறிவேப்பிலைக் குழம்பு

2008/04/04 பருப்புக் கோளா உருண்டைக் குழம்பு

2008/03/28 கொண்டைக் கடலைக் குழம்பு

2008/04/21 பிரிஞ்சி சாதம்

தோன்றுவதையெல்லாம் சொல்வதா?

நாம் பயன்படுத்தும் வாகனங்கள் எல்லாம் ஏதோ ஒரு வடிவில் வடிகட்டிகளைக் கொண்டவை. நம் இல்லத்து அடுக்களைகள் அனைத்தும் விதவிதமான வடிகட்டிகளைக் கொணடவையே.

இப்படி நம்மைச் சுற்றிப் பல வடிகட்டிகள் இருக்க, ஆனால் நம் மனத்திற்கும் வாய்க்கும் நடுவே மட்டும் ஏனோ நாம் ஒரு வடிகட்டியை வைத்துக் கொள்வது இல்லை.

என்ன பேசுகிறோம் என்பதை உணராமலே பேசுகிறவர்கள் பலர். தகாத வார்த்தை ஒன்றைப் பயன்படுத்தி நெருங்கிய வட்டத்தில் உள்ளவர்களையே கோபித்துக் கொண்டுவிட்டு அதற்காக இவர்களிடம் பலமுறை மன்னிப்புக் கேட்பவர்களையும் பார்க்கிறோம்.

இந்த வார்த்தையால் உறவே அறுந்துபோக, இதனால் வாழ்நாளெல்லாம் வருத்தப்படுகிறவர்களும் உண்டு. மனம் ஒரு குரங்கு. அதன் செயல்களில், சிந்தனைகளில் எல்லா நேரங்களிலும் தர்க்கம் இருக்குமென்பது சொல்ல முடியாது. இத்தகைய வேளையில்தான் நாம் கற்ற கல்வி, நம் பண்பாடுகள், மனித நேயம், உலக நாகரிகம் ஆகியவற்றையெல்லாம் வடிகட்டிகளாக மாற்றி நாம் எண்ணியது சரிதானா? மேற்சொன்ன இந்த வடிகட்டிகளைத் தாண்டி நம் எண்ணத்தில் தோனிறயவற்றைச் சொல்வது பொருத்தமாகுமா என்றெல்லாம் மனத்திற்குள் ஒரு மாநாடு நடத்த வேண்டும்.

உள்ளம் உணர்ச்சிக் கொந்தளிப்பில் இருக்கும் போது சொல்லப்பட்ட வடிகட்டிகளெல்லாம் இந்தச் சூட்டில் எரிந்து கருகிப் போகின்றன. எனவேதான் எந்தவித வடிகட்டல்களும் இல்லாமல் வார்த்தைகள் அப்படியே வெளிவந்து விழுந்து சாக்கடையாக அமிலமாக மாறுகின்றன.

இனி உன்னிப்பாகக் கவனித்துப் பாருங்கள். உங்கள் எண்ணத்தில் உருவாகும் முதற்கருத்து பெரும்பாலும் பக்குவமற்று பண்பாடற்று காணப்படும். இரண்டாவது கருத்தோ அந்த எண்ணத்தை மேம்படுத்தும்.

அதாவது, வேண்டாம் வேண்டாம்! இதைச் சொல்லித் தொலைக்காதே! உன்னை இது இன்ன விதத்தில் பாதிக்கும் என்பதை உணர்த்தும்.

மனத்தின் இரண்டாவது கருத்தையும் அவசியம் பரிசீலியுங்கள்!.

லேனாவின் முந்தைய ஒரு பக்கக் கட்டுரைகள்

2009/06/19 தோன்றினாலும் சொல்லாதிருப்பதா?

2009/06/12 மெல்லிய மிரட்டல்கள் எப்போது எடுபடும்?

2009/06/05 வாய் திறவாதவரின் வாய் திறவுங்கள்!

2009/05/29 நம்மை நோக்கிய சுட்டு விரல்கள் நம் நன்மைக்கே!

2009/05/22 வம்புக் களங்கள்!

2009/05/15 எதிர்பார்ப்புகளும், ஏமாற்றங்களும் விகிதாசாரங்களும்!

2009/05/08 அவமானப்படுத்துகிறவர்களை எப்படி வெற்றி கொள்வது?

2009/05/01 பிறர், தங்களைப்பற்றி உயர்வாக எண்ண உதவுங்கள்!

2009/04/24 நமக்குள் இருக்கும் தொழிற்சாலைகள்!

2009/04/17 திட்டமிடலும் சித்தம் போக்கும்!

2009/04/10 பதிலிலிருந்து புறப்படும் கேள்விகள்!

2009/04/03 வெற்றி ஏன் விலகிப் போகிறது?

2009/03/27 வலிக்காதபடி குட்டும் வழிமுறைகள்!

2009/03/20 நம்மை நாமே ஏமாற்றிக் கொள்வதா?

2009/03/13 அனைவரும் சூழ்ந்து ஒருவரைப் பழிப்பதா?

2009/03/06 மெளனத்தின் அர்த்தங்கள்!

2009/02/27 களைப்புப்  பெற்றெடுக்கும் மலைப்புகள்

2009/2/20 இடிகளுக்குக் கொடுக்கவேண்டிய பதிலடிகள்

2009/02/13 மறுத்துச் சொல்லாமல் மறுக்கும் கலை

2009/02/06 அவசரத்தால் வரும் அவதிகள்

2009/01/30 கைக்குள் வைத்திருப்பதில் என்ன பெருமை!

2009/01/23 சாதகமான பதிலைச் சாதுரியமாகப் பெறுவது எப்படி?

2009/01/16 நீங்களும் அமிதாப்பச்சன்தான்!

2009/01/09 ‘என்னவர்’ என்பதில் உள்ள எல்லைக் கோடுகள்!

2009/01/02 தொழிற்சலிப்பு தலை தூக்குகிறதா?

2008/12/26 கிள்ளிப் பார்ப்பதில் கிளுகிளுப்பு அடைபவர்கள்!

2008/12/19 அநியாயத்திற்குள் தேட வேண்டிய நியாயம்!

2008/12/12 வரும் துன்பங்களும் வரவழைத்த துன்பங்களும்

2008/12/05 அவர்களுக்குத் தெரிந்தது அவ்வளவுதான்!

2008/11/28 கண்டதையும் கண்டவர்களிடம் பேசுவதா?

2008/11/21 வரவழைத்துக் கொள்கிற வருத்தங்கள்!

2008/11/14 அமிலத்திற்குள் அழுந்தியிருக்கும் அன்பு!

2008/11/07 சொன்னால் தவறு சொல்லாதது குற்றம்!

2008/10/31 குறை சொன்னால் கோபம் வருவது ஏன்?

2008/10/24 உழைக்கத்தெரிந்தும் பிழைக்கத்தெரியாதவர்கள்

2008/10/17 நாமும் சீத்தலைச் சாத்தனார்களே!

2008/10/10 அறிவுரைகளை அசட்டை செய்யும் மனது!

2008/10/03 நம் கொழுப்பை நாம் அறிவது எப்படி?

2008/09/26 மகிழ்வை மட்டும் தேடும் மனமே!

2008/09/19 நாமே நீதிபதிகளாவதா?

2008/09/12 சார்ந்தே இருக்கும் இயல்பால் வரும் சங்கடங்கள்

2008/09/05 சகிப்புத் தன்மை தரும் செளகரியங்கள்!

2008/08/29 உணவால் வாழ்பவர்களும் உணர்வால் வாழ்பவர்களும்!

2008/08/22 இரண்டையும் சொல்லி வைப்போம்!

2008/08/15 மனச் சிம்மாசனங்கள்!

2008/08/08 கண்டு கொள்ளாமல் விடப்பட்ட களங்கள்!

2008/08/01 வார்த்தைகளை விழுங்கவேண்டிய தருணங்கள்!

2008/07/25 நம் அலட்சியங்களின் விலைகள் ?

2008/07/18 பாடாய்ப் படுத்தும் மனிதர்களால் உருவாகும் நன்மை!

2008/07/11 சின்னஞ்சிறு ஓட்டைகளையும் அடைப்போம்!

2008/07/04 உங்கள் உணவுக் கொள்கை என்ன?

2008/06/27 அரியாசனம் எதற்கு? சரியாசனம் இருக்கு!

2008/06/20 வலியின்றி வசந்தம் வருமா?

2008/06/13 பல்லைக் கடித்தபடி பல்லிளிக்க வேண்டியதன் அவசியம்!

2008/06/06 ஆமாம் சாமிகள் எனும் ஆபத்தான ஆசாமிகள்!

2008/05/30 இராணுவ மனநிலை அவசியமாவது ஏன்?

2008/05/23 கனிவாய்ப் பேசிக் காரியமாற்றுவோம்!

2008/05/16 வேர்களில் வெந்நீர் ஊற்றுவதா?

2008/05/09 ஆபத்துகளுள் பேராபத்து எது?

2008/05/02 கவனிப்பில் உன்னிப்பு!

2008/04/25 ஒப்படைத்தல் எனும் ஒழுக்கம்!

2008/04/18 ‘இல்லை’களுக்குள் ஒளிந்துள்ள ‘ஆம்’கள்!

2008/04/11 ‘ஆம்’களுக்குள் ஒளிந்திருக்கும் ‘இல்லை’கள்‘

2008/04/04 வறுமையைச் சுட்டிக் காட்டுவதாவது?

2008/03/28 நற்சொல்லால் கண்டிப்பது எப்படி?

2008/03/21 இருப்புகள் இருக்கட்டும்