|
Friday, 27 Feb 2009
ஜூனியர் கேள்வி-பதில் - லேனா தமிழ்வாணன் |
ஆர்.ஜெகதீசன், காஞ்சிபுரம்.
|
தி.மு.க. ஆட்சிக் காலங்களிலேயே இந்த முறைதான் அதிக ஊழலாமே?
|
எதையும் அப்கிரேட் செய்வதில் இவர்களுக்கு நிகர் இவர்கள்தான்!
|
எஸ்.பெருமாள், காரைக்குடி.
|
உங்களின் அதிகப் பயணம் விமானத்திலா அல்லது இரயிலிலா?
|
எனது பழைய முகவரிகளைப் பார்த்தால் பெரும்பாலும் அவை கேர்ஆஃப் பிளாட்பாரமாகத்தான் இருக்கும். பிளாட்பார வாழ்க்கை எப்படியிருக்குமேன்னு நினைத்தேன். அதில் அரக்கப்பரக்க ஓடி வாழ்வதுகூட த்ரில்லாகத்தான் இருக்கு.
|
ஜே.யுவராஜ், சேலம்.
|
மருத்துவமனையிலும் எதிர்க்கட்சிகளுக்குப் பதில் சொல்லிக் கொண்டிருந்த தமிழக முதல்வரைப் பற்றி?
|
யானையை எறும்புகள் கடித்தன என்பதற்காக, திரும்ப எறும்புகளை யானை கடித்தது மாதிரி இருந்தன இவரது பதில்கள். நலிவுற்றோமே, இனி நலம் பெற்றோமா என்றில்லாமல் மருந்து பாட்டில்களுக்குப் பக்கத்திலேயே மைக்கூடு பாட்டிலையும் வைத்திருக்கிற தலைவரை இப்போதுதான் பார்க்கிறேன்.
|
கே.சுப்பிரமணி, கிருஷ்ணாபுரம்.
|
இன்றைய அரசியல் எப்படியிருக்கிறது?
|
எல்லாத் தலைவர்களும் காற்றிலே கோட்டை கட்டுகிறார்கள். எல்லாத் தொண்டர்களும் கட்டிய கோட்டைகளுக்கு இப்போதே வாடகையை வசூலிக்கிறார்கள். மக்கள்தான் பாவம்! குடிக்கூலிப் பத்திரம் கொடுத்துக் கொண்டிருக்கிறார்க்ள.
|
டி.ஜாபர்ஹுசேன், பெரம்பூர்.
|
பள்ளிக் குழந்தைகளுக்குப் பெற்றோர்களே செக்ஸ் கல்வியைச் சொல்லித் தரவேண்டும் என்கிறாரே, சென்னைப் பல்கலைக்கழகத் துணைவேந்தர்?
|
(கல்விக்) கட்டணம் இல்லாத கல்வி, (கல்விக்) கடன் கேட்காத கல்வி என்ற வகையில் வேண்டுமானால், குழந்தைகளுக்கு இது சுலபமாக இருக்கலாம். ஆனால் பெற்றோர்களுக்கு பாரமான கல்வி! ஆச்சாரத் தமிழகத்தில் இது அசிங்கமான கல்வி.
|
எஸ்.குமரன், பனப்பாக்கம்.
|
டீலக்ஸ் என்றும், எக்ஸ்பிரஸ் என்றும், ‘எம்’ போர்டு என்றும் மக்களைப் பிழியும் சென்னைப் போக்குவரத்தைப் பற்றி?
|
கட்டணங்களில் ஒரு சேஞ்சும் இல்லை என்கிறது அரசாங்கம். நமக்குத் தெரிகிறது. பஸ் ஏறினால் நம்மிடம் ஒரு சேஞ்சும் இருப்பதில்லை. எல்லாம் அவர்கள் பிடுங்கிக் கொள்கிறார்கள்.
|
டி.வி.சந்திரன், ஆவடி.
|
அனைத்துப் பெண்களுக்கும் ஓய்வூதியத் திட்டத்தை ஆந்திர அரசு அறிமுகப்படுத்தி உள்ளதே?
|
இதுவரையில் ஆந்திராவில் பெண்கள் இல்லாமலா போனார்கள்? எல்லாம் தேர்தல் காலக் கரிசனம். மழலை மொழியில் சொல்வதானால், அரசியல்வாதிகளின் பாவ்லாவுக்கு உவ்வே என்கிற போதுதான் இது மாதிரித் திட்டங்களெல்லாம் பூதாகாரம் எடுக்குது.
|
கே.முருகானந்தம், திருவேற்காடு.
|
சென்னையில் லெஸ்பியன்களுக்கு என்று தனியாக ஒரு உதவி மையம் தொடங்கப்பட்டுள்ளது பற்றி?
|
பாஸ்பரஸ் குண்டுகளைவிட இந்தப் பாலியல் கொடுமைகள் பேராபத்தானவை. நமது நாகரிகத்திற்கு இது மாற்றமா அல்லது முறையா என்பது தெரியாத வரை, இம்மாதிரி ஹெல்ப் லைன்களுக்கு நமது ஹெல்ப் லைன்கள் கூடாது. இந்தியாவிலேயே முதல் முறையாக என்பதில், சென்னைதான் இதிலும் முதலிடமாம். வெட்கத்தைவிட்டுச் சொல்கிறார்கள்.
|
ஜே.அருணாசலம், காரைக்குடி.
|
உள்ளாட்சிக்கான இடைத் தேர்தல்களில் ம.தி.மு.க.வும் கலந்துகொள்ளாது என வைகோ அறிவித்திருக்கிறாரே?
|
ஜெயலலிதாவின் தாளத்திற்கேற்ப நன்றாகவே அபிநயம் பிடிக்கிறார் வைகோ! தான் ஒரு தலை சிறந்த பேச்சாளர். எழுத்தாளர், தலைவர் என்பதோடு, தான் ஒரு கலைஞர் என்பதையும் சொல்லாமல் சொல்கிறார். அந்த வெளி அறிவிப்புதான் இந்த உள் அறிவிப்பு!
|
ஏ.பூபாலன், மன்னார்குடி.
|
தி.மு.க. இப்போது எப்படியிருக்கிறது?
|
அசல் உடன்பிறப்புகளால் இப்போது அங்கு ஏக மகிழ்ச்சி!
|
ஆர்.சதீஷ், குரோம்பேட்டை.
|
அகில இந்திய சமத்துவக் கட்சி யாருடன் கூட்டணி என்பதில் முடிவு செய்ய சரத்குமாருக்கு முழு அதிகாரம் தரப்பட்டிருக்கிறது பற்றி?
|
திருமங்கலம் இடைத் தேர்தலில் வாங்கிய எண்ணூற்று ஐம்பது சொச்ச ஓட்டுகளை அப்படியே தக்க வைத்துக் கொள்வதற்கே இவ்வளவு அதிகாரமா? அடங்கொப்புரானே?
|
என்.காண்டீபன், விருத்தாசலம்.
|
இலங்கைத் தமிழர் பிரச்னையில் தி.மு.க.?
|
இவ்விஷயத்தில் அதுவொரு மரக்குதிரை! ஐம்பது ஆண்டுகளுக்கு முன் எங்கே புறப்பட்டதோ அங்கேயே அது நின்றுகொண்டிருக்கிறது.
|
ஜே.ஸ்டீபன்ராஜ், சென்னை.
|
பீகார் முதல்வர் நிதிஷ்குமார் ஒரு குக்கிராமத்தில் தனது மந்திரிசபைக் கூட்டத்தை நடத்தி புதிய வரலாறு படைத்திருக்கிறாரே?
|
மக்கள் நலத்திட்டங்களைப் பார்த்திராவிட்டாலும் மந்திரிகளைப் பார்த்த வகையில் அந்தக் கிராமம் ஒரு கொடுப்பினை கிராமம். நமக்கு இந்தக் கொடுப்பினை கூட இல்லை. எல்லா மந்திரிகளும் கலைஞரையே சுற்றிக் கொண்டிருக்கிறார்கள்.
|
வி.சீனிவாசன், சென்னை-72..
|
ஆந்திரமும்-கர்நாடகமும் நமது நதிகளில் அணைகளை மாறிமாறிக் கட்டி வருகிறதே?
|
இப்படியே போனால், தமிழர்களுக்கு இன்னொரு புதுச்செல்வம் சேரும். என்ன செல்வம்! தமிழக நதிகளில் இனி ஒட்டகங்களும் மேயும்.
|
சி.எஸ்.ஏ, சென்னை-118.
|
நடிகர் எஸ்.வி.சேகர் பிராமணர்களுக்கென்று ஒரு புதிய இயக்கம் தொடங்கியிருப்பது பற்றி?
|
இதுவரை அவரை காமெடியாகப் பார்த்தவர்கள், இந்நிகழ்ச்சிக்குப் பிறகு சீரியஸாகப் பார்க்கிறார்கள். சீரியஸும், காமெடியும்தான் இனி எஸ்.வி.சேகர்.
|
மா.செல்வராஜ், விளாத்திகுளம்.
|
மனிதச் சங்கிலியால் பலன் இருக்குமா?
|
கடந்த முறை நல்ல மழையில் பிடித்த மனிதச் சங்கிலி துருப்பிடித்துப் போனது இவர்களுக்கு ஒருவேளை மறந்திருக்கலாம்! மனித உழைப்பை வீணாக்குவதில் நம்மவர்கள் சமர்த்தர்கள்.
|
மு.செல்வராணி, ஆத்தூர்.
|
தீவிரவாதிகளை ஆதரிப்பதை பாகிஸ்தான் செய்யக்கூடாது என்கிறாரே பர்வேஷ் முஷாரப்?
|
சாத்தான் வேதம் ஓதி நீங்கள் கேட்டதில்லையா? அந்தக் குறையைப் போக்குகிறார்.
|
எல்.டேனியல், திருநின்றவூர்.
|
இன்றைய தினத்தில் இந்தியாவின் வி.ஐ.பி. யார்?
|
பாகிஸ்தானின் தீவிரவாதி அஜ்மல் கசால்தான். இவனைக் கொன்றுவிட்டால் பல சங்கதிகளை மறைத்துவிடலாம் என்பது பாகிஸ்தானின் கணக்குப் போலிருக்கிறது. எனவே இவனுக்கு ஏகப்பட்ட பாதுகாப்பு. இன்று யார் அதிகம் துப்பாக்கிகள் மத்தியில் அதிகம் காக்கப்படுகிறார்களோ அவர்களே இந்த வி.ஐ.பி.க்கள்!
|
எஸ்.கே.பரணி, மதுரை-20.
|
ஜல்லிக்கட்டை மீண்டும் கொண்டு வரவேண்டும் என்கிற போராட்டம் வலுப் பெறுமா?
|
தெரியாது. ஜல்லிக்கட்டைப் பாதுகாப்பாக நடத்தத் தெரியாதவர்களுக்கு இந்தப் போராட்டத்தில் ஈடுபடும் தகுதி கிடையவே கிடையாது.
|
என்.வனிதா, செங்கல்பட்டு.
|
ராஜீவ் இருந்திருந்தால் தமிழீழம் மலர்ந்திருக்கும் என்கிறாரே மருத்துவர் ராமதாசு?
|
விடுதலைப் புலிகளுக்கான செய்தி இது! நமக்கல்ல!
|
எல்.வெங்கடேஷ், ஜமீன் பல்லாவரம்.
|
இலங்கை கேப்டன் ஜெயவர்தனே தம் பதவியை இராஜினாமா செய்வானேன்?
|
தோனியின் நாறடிப்புத்தான் காரணம். இங்கிலாந்தை 5-0 என்கிற கணக்கில் தோற்கடித்து பீட்டர்சனை விரட்டினார். பிறகு 4க்கு-1 என்கிற கணக்கில் ஜெயவர்தனே பதவிக்கு வேட்டு வைத்தார். அடுத்த இலக்கு நியூசிலாந்தின் வெட்டோரிதானோ?
|
வை.சுவாமிநாதன், போரூர்.
|
மு.க.மு.அறிவுநிதியின் காதல் வைபோகமே பாடல் எப்படி?
|
வேண்டாம் என் வாயைக் கிளறாதீர்கள். வளரத் துடிக்கும் இவருக்கு வாழ்த்துச் சொல்வதோடு என்னைவிட்டு விடுங்கள்.
|
20 February 2009 ஜூனியர் கேள்வி-பதில் |
13 February 2009 ஜூனியர் கேள்வி-பதில் |
06 February 2009 ஜூனியர் கேள்வி-பதில் |
30 January 2009 ஜூனியர் கேள்வி-பதில் |
23 January 2009 ஜூனியர் கேள்வி-பதில் |
16 January 2009 ஜூனியர் கேள்வி-பதில் |
09 January 2009 ஜூனியர் கேள்வி-பதில் |
02 January 2009 ஜூனியர் கேள்வி-பதில் |
26 December 2008 ஜூனியர் கேள்வி-பதில் |
19 December 2008 ஜூனியர் கேள்வி-பதில் |
12 December 2008 ஜூனியர் கேள்வி-பதில் |
05 December 2008 ஜூனியர் கேள்வி-பதில் |
28 November 2008 ஜூனியர் கேள்வி-பதில் |
21 November 2008 ஜூனியர் கேள்வி-பதில் |
14 November 2008 ஜூனியர் கேள்வி-பதில் |
07 November 2008 ஜூனியர் கேள்வி-பதில் |
31 October 2008 ஜூனியர் கேள்வி-பதில் |
24 October 2008 ஜூனியர் கேள்வி-பதில் |
17 October 2008 ஜூனியர் கேள்வி-பதில் |
10 October 2008 ஜூனியர் கேள்வி-பதில் |
03 October 2008 ஜூனியர் கேள்வி-பதில் |
26 September 2008 ஜூனியர் கேள்வி-பதில் |
19 September 2008 ஜூனியர் கேள்வி-பதில் |
12 September 2008 ஜூனியர் கேள்வி-பதில் |
05 September 2008 ஜூனியர் கேள்வி-பதில் |
29 August 2008 ஜூனியர் கேள்வி-பதில் |
22 August 2008 ஜூனியர் கேள்வி-பதில் |
15 August 2008 ஜூனியர் கேள்வி-பதில் |
08 August 2008 ஜூனியர் கேள்வி-பதில் |
01 August 2008 ஜூனியர் கேள்வி-பதில் |
25 July 2008 ஜூனியர் கேள்வி-பதில் |
18 July 2008 ஜூனியர் கேள்வி-பதில் |
11 July 2008 ஜூனியர் கேள்வி-பதில் |
04 July 2008 ஜூனியர் கேள்வி-பதில் |
27 June 2008 ஜூனியர் கேள்வி-பதில் |
20 June 2008 ஜூனியர் கேள்வி-பதில் |
13 June 2008 ஜூனியர் கேள்வி-பதில் |
06 June 2008 ஜூனியர் கேள்வி-பதில் |
30 May 2008 ஜூனியர் கேள்வி-பதில் |
23 May 2008 ஜூனியர் கேள்வி-பதில் |
16 May 2008 ஜூனியர் கேள்வி-பதில் |
09 May 2008 ஜூனியர் கேள்வி-பதில் |
02 May 2008 ஜூனியர் கேள்வி-பதில் |
25 April 2008 ஜூனியர் கேள்வி-பதில் |
18 April 2008 ஜூனியர் கேள்வி-பதில் |
11 April 2008 ஜூனியர் கேள்வி-பதில் |
04 April 2008 ஜூனியர் கேள்வி-பதில் |
28 March 2008 ஜூனியர் கேள்வி-பதில் |
21 March 2008 ஜூனியர் கேள்வி-பதில் |
|