காங்கிரஸ் கூட்டணிக்கு வாங்க!: விஜயகாந்துக்கு தங்கபாலு அழைப்பு
 
செ‌ன்னை‌: காங்கிரஸ் அணிக்கு விஜயகாந்த் வர வேண்டும் என தமிழக காங்கிரஸ் தலைவர் கே.‌வி. தங்கபாலு கூ‌றினா‌ர்.
 
செ‌ன்னை‌யி‌ல் நேற்று செ‌ய்‌தியாள‌ர்க‌ளி‌ட‌ம் பே‌சிய அவ‌ர், நிருபர்களின் கேள்விக்கு பதிலளித்தார்.

தமிழக ஆட்சியில் பங்கு கேட்பீர்களா?

”த‌மிழக‌த்‌தி‌ல் ஆட்சியில் பங்குபெற நாங்களும் ஆசைப்படுகிறோம். ஆனால் கொள்கை ரீதியாக முடிவு எடுக்கவேண்டியது சோனியாகாந்திதான். ச‌ட்டம‌ன்ற உறு‌ப்‌பின‌ர்க‌ள், தொண்டர்களின் விருப்பத்தை சோனியாகாந்தியிடம் நேரம் வரும்போதெல்லாம் தெரிவிக்கிறோம். அமைச்சரவையில் பங்கேற்க காங்கிரசுக்கும் ஆசை உள்ளது. இருப்பினும், இது குறித்து உரிய நேரத்தில், உரிய முடிவை தமிழக காங்கிரஸ் எடுக்கும்”

உங்கள் கூட்டணி பலம்பெற தே.மு.தி.க. வை அழைப்பீர்களா?

”விஜயகாந்த் என்னுடைய அருமை நண்பர். தமிழகத்தில் மதசார்பற்ற கட்சிகள் ஓரணியில் இருக்கவேண்டும். எனவே, காங்கிரஸ் அணிக்கு விஜயகாந்த் வர வேண்டும்” என்றார்.

மேலும் தங்கபாலு நேற்று விடுத்த அறிக்கை ஒன்றில்,

‘விசைத்தறியாளர்கள் பிரச்னை தீர்வுக்கு எட்டப்பட்டதன் விளைவாக கடந்த 13 நாட்கள் நீடித்த அவர்களது வேலை நிறுத்தம் திரும்பப் பெறப்பட்டுள்ள செய்தி மகிழ்ச்சியை அளிக்கிறது.

விசைத்தறிகளில் உற்பத்தி செய்யப்படும் துணி வகைகளுக்கு நெசவுக் கட்டணத்தை நூறு ‌விழு‌க்காடு உயர்த்த வேண்டுமென்ற விசைத்தறியாளர்களின் கோரிக்கை தொடர்பான பிரச்னையை உடனடியாக தீர்க்க வேண்டுமென்று முதலமைச்சர் கருணாநிதி அறிவுறுத்தியதன் பேரில் அமைச்சர் பொங்கலூர் பழனிச்சாமி, சாத்தூர் ராமச்சந்திரன், தா.மோ.அன்பரசன் ஆகியோர் ஜவுளி உற்பத்தியாளர்கள் மற்றும் விசைத்தறி சங்க நிர்வாகிகளுடன் பேசி உடன்பாடுக்கு கொண்டு வந்துள்ள நடவடிக்கை பாராட்டுக்குரியது.

அதன்படி சோமனூர் ரகத்துக்கு 32 ‌சதவிகிதமும், இதர ரகங்களுக்கு 27 ‌சதவிகிதமும் நெசவுக் கட்டணத்தை உயர்த்தி வழங்க ஜவுளி உற்பத்தியாளர்கள் சம்மதித்துள்ளனர். அந்த உடன்பாட்டை விசைத்தறியாளர்கள் வரவேற்று வேலை நிறுத்தத்தைக் கைவிட்டுள்ளனர்.

எனவே அத்தொழிலில் இருந்து தேக்கநிலை நீக்கப்பட்டு முன்னேற்றம் காண வழிவகுக்கப்பட்டுள்ளது. இந்த சுமூகத் தீர்வுக்கு நடவடிக்கை எடுத்த முதலமைச்சர் கருணாநிதி, உடன்பாடு கண்ட அமைச்சர்கள், ஜவுளி உற்பத்தியாளர்கள் மற்றும் விசைத்தறியாளர்களுக்கும் எனது பாராட்டைத் தெரிவித்துக் கொள்கிறேன்’ எ‌ன்று கூ‌றியு‌ள்ளா‌ர். 

ஒரிசா அரசை கலைக்கலாம்!: ராமதாஸ்
 
செ‌ன்னை‌: சிறுபான்மையினர் மீதான வன்முறையை ஒடுக்கத் தவறிய ஒரிசா மாநில அரசை கலைக்கவேண்டும் என்று ராமதாஸ் கூறியுள்ளார்.

ஒரிசாவில் கிறிஸ்துவர்கள் மீதான தாக்குதலைக் கண்டித்து பா.ம.க. நிறுவனர் ராமதாஸ் வெளியிட்டுள்ள அறிக்கையில்,
 
‘ஒரிசா மாநிலத்தில் கிறிஸ்துவர்கள், அவர்களுடைய நிறுவனங்கள், தேவாலயங்களை, சங் பரிவார் அமைப்பினர், குறிவைத்து தாக்குதல் நடத்தி வருவதை எந்த வகையிலும் நியாயப்படுத்த முடியாது.

இந்த தாக்குதல்களை பார்க்கும் போது, சிறுபான்மை கிறிஸ்துவர்களுக்கு எதிரான வன்முறை செயல், திட்டமிட்ட செயல் என்பதையும் அதை நடத்துவதற்கு மதவாதிகள் உரிய நேரத்தை எதிர்பார்த்து கொண்டிருந்திருக்கிறார்கள் என்பதையும் அறிய முடிகிறது.

ஓர் அமைப்பின் தலைவர் கொலை செய்யப்பட்டிருப்பதை யாராலும் ஏற்றுக் கொள்ள முடியாது. அதனால் அந்த அமைப்பினர் ஆத்திரம் அடைவது சரிதான். அதற்காக படுகொலைக்கு எந்த வகையிலும் தொடர்பில்லாத சிறுபான்மை மக்களை பழிவாங்கும் நோக்கில் வன்முறையில் ஈடுபடுவதை ஏற்றுக் கொள்ள முடியாது.

வன்முறையை ஒடுக்க நடவடிக்கை எடுக்க பாரதிய ஜனதா பங்கேற்றுள்ள ஒரிசா மாநில அரசு தவறிவிட்டது. மக்களைக் காக்க தவறிய அந்த அரசு தொடர்ந்து பதவியில் நீடிப்பது எந்த வகையிலும் நியாயம் இல்லை. எனவே 356வது பிரிவை பயன்படுத்தி நடவடிக்கை எடுப்பதற்கு தகுந்த அடிப்படை உள்ளது.

பாதிக்கப்பட்டுள்ள ஒரிசாவில் மட்டுமின்றி நாடு முழுவதும் குறுகிய மத உணர்வுகளையும், அதன் விளைவாக தலைதூக்கும் வன்முறையையும் தடுத்து நிறுத்த மத்திய அரசும், மாநில அரசும், காவல் துறையும், சமுதாயத்தின் பல்வேறு துறையில் உள்ளவர்களும் முன்வரவேண்டும். இதன் மூலம் மதச்சார்பற்ற இந்தியாவை கட்டிக் காக்க உதவ வேண்டும்” எ‌ன்று கூ‌றியு‌ள்ளா‌ர்.

கிறிஸ்துவர்கள்மீது தாக்குதல்: நாட்டுக்கே அவமானம்: ஜெ., கண்டனம்

சென்னை: ஒரிசாவில் கிறிஸ்துவர்கள்மீது நடத்தப்பட்டு வரும் தாக்குதலுக்கு அ.தி.மு.க. பொதுச் செயலாளர் ஜெயலலிதா கடும் கண்டனம் தெரிவித்துள்ளார்.

இதுகுறித்து அவர் வெளியிட்டுள்ள அறி்க்கையில்,

‘ஒரிசாவில் கிறிஸ்துவர்கள் அதிகம் வசிக்கும் கந்தமால் மாவட்டத்தில் அவர்களையும் அவர்களது வழிபாட்டுத் தலங்களையும் தாக்கும் சமூக விரோத கும்பல்களை முளையிலேயே கிள்ளி எறிய வேண்டும்.

ஒரு குறிப்பிட்ட மதத்தினரை குறி வைத்துத் தாக்குவது என்பது நாட்டுக்கே அவமானம். நாட்டில் மத வெறியை யார் தூண்டினாலும் அவர்கள் மீது மத்திய, மாநில அரசுகள் கடும் நடவடிக்கை எடுத்து ஒடுக்க வேண்டும்.

ஒரிசாவில் வன்முறைக்குப் பலியான குடும்பத்தினருக்கு எனது ஆழ்ந்த இரங்கலை தெரிவித்துக் கொள்கிறேன்.

பாதிக்கப்பட்ட கிறிஸ்துவ மக்களுக்கு நஷ்டஈடு வழங்குவதோடு அவர்களுக்கும், அவர்களது உடமைகள், வழிபாட்டுத் தலங்களுக்கு உடனடியாக உரிய பாதுகாப்பை வழங்கிட மத்திய, மாநில அரசுகள் நடவடிக்கை எடுக்க வேண்டும்’ என்று கூறியுள்ளார்.

நளினியை முன்கூட்டியே விடுதலை செய்ய அரசு எதிர்ப்பு

சென்னை: ராஜீவ் கொலை வழக்கில் தண்டனை பெற்ற நளினி உ‌ள்பட மூ‌ன்று பேரை சிறையிலிருந்து மு‌ன்கூ‌ட்டியே விடுதலை செய்யக் கூடாது எ‌ன்று தமிழக அரசு சென்னை உயர் நீதிமன்றத்தில் மனு‌த் தா‌க்க‌ல் செ‌ய்து‌ள்ளது.
 
ராஜீவ் கொலை வழக்கில் ஆயுள் தண்டனை பெற்ற நளினி, தன்னை முன்கூட்டியே விடுதலை செய்ய தமிழக அரசுக்கு உத்தரவிடக் கோரி சென்னை உயர் நீதிமன்றத்தில் மனுத்தாக்கல் செய்திருந்தார். இந்த வழக்கில் ஆயுள் தண்டனை பெற்ற ஜெயகுமார், ராபர்ட் பயாஸ் ஆகியோரும் தங்களை விடுதலை செய்ய அரசுக்கு உத்தரவிடக்கோரி மனுத்தாக்கல் செய்திருந்தன‌ர்.

இ‌ந்த மனு‌க்க‌ளை ‌விசா‌ரி‌த்த நீதிபதி நாகமுத்து, இது தொட‌ர்பாக த‌‌மிழக அரசு ப‌தி‌ல் மனு தா‌க்க‌ல் செ‌ய்ய உ‌த்தர‌வி‌ட்டிரு‌ந்தா‌‌ர்.

இதை‌த் தொட‌ர்‌ந்து இ‌ந்த வழ‌க்கு  ‌நீ‌திப‌தி நாகமு‌த்து மு‌ன்‌னிலை‌யி‌ல் ‌விசாரணை‌க்கு வ‌ந்தது. அ‌ப்போது த‌மிழக அரசு சா‌‌ர்‌பி‌ல் மாநில உள்துறை செயலாளர், சிறைத்துறை கூடுதல் தலைமை இய‌க்குன‌ர் ஆகியோர் சார்பில் மனு‌‌த் தாக்கல் செய்யப்ப‌ட்டது.

இ‌ந்த மனு‌வி‌ல்,

‘ராஜீவ்காந்தி கொலை வழக்கில் தண்டனை பெற்றவர்களை விடுதலை செய்யக்கூடாது என்று மாநில அரசு கொள்கை அளவில் முடிவெடுத்துள்ளது. ஏனெனில், குற்றவியல் நடைமுறை சட்டம் 435ன் படி ம‌த்‌திய புலனா‌ய்வு கழக‌ம் புலன் விசாரணை செய்த வழக்கில் மாநில அரசு தலையிட முடியாது.

நளினி உள்ளிட்ட 3 பேரும் தங்களை விடுதலை செய்யக்கோரி ஆலோசனை குழு முன்பு மனுத் தாக்கல் செய்திருந்த விண்ணப்பங்களை ஆலோசனை குழு நிராகரித்துள்ளது. அவர்கள் 3 பே‌ரி‌ன் மனுக்களை நிராகரித்த ஆலோசனை குழு, இதற்கு 3 காரணங்களை குறிப்பிட்டுள்ளது. 1. முன்னாள் பிரதமரை கொலை செய்தது 2. திட்டமிட்டு கொடூரச் சம்பவத்தை நிகழ்த்தியது 3. விடுதலைப்புலிகள் மீதான உணர்வு இன்னும் குறையாமல் உள்ளது என்று ஆலோசனை குழு கூறியுள்ளது. இந்த பரிந்துரையை ஏற்று நளினியை விடுதலை செய்ய முடியாது என்று தமிழக அரசு உத்தரவு பிறப்பித்தது.

நளினியின் நன்னடத்தைக்காக அவருடைய சிறை தண்டனை காலத்தில் 545 நாட்களை சிறைத்துறை குறைத்துள்ளது. 20 ஆண்டுகளுக்கு மேலாக சிறையில் இருப்பவர்களின் தண்டனையை குறைக்கலாம் என்பது நிர்வாகக் காரணமாக எடுக்கப்பட்டது. இந்த வழக்கில் அது பொருந்தாது. ஆகவே, நளினி உட்பட 3 பேர் தாக்கல் செய்த மனுக்களை தள்ளுபடி செய்ய வேண்டும்’ என‌்று மனுவில் கூறப்பட்டுள்ளது.

மத்திய அரசின் சார்பில் மனுத் தாக்கல் செய்ய காலஅவகாசம் வேண்டும் என்று கூடுதல் சொலிசிட்டர் ஜெனரல் ரவீந்திரன் கேட்டு‌க் கொ‌ண்டதையடு‌த்து வழக்கு விசாரணையை செப்டம்ப‌ர் 17ஆ‌ம் தேதிக்கு நீதிபதி நாகமு‌த்து த‌ள்ள‌ி வை‌த்தா‌ர். 
 

ஒரிசா வன்முறைக்கு தமிழக கிறிஸ்துவர்கள் கண்டனம்

சென்னை: ஒரிசா மாநிலத்தில் கிறிஸ்துவர்கள் தாக்கப்படுவதைக் கண்டித்து தமிழகம் முழுவதும் 15 ஆயிரம் பள்ளி, கல்லூரிகள் நேற்று மூடப்பட்டன. பல இடங்களில் ஆர்ப்பாட்டம், மனித சங்கிலி போராட்டங்கள் நடத்தப்பட்டன. வரும் 7ஆம் தேதி சிறப்பு பிரார்த்தனை நடத்தப்படும் என்று கிறிஸ்துவ அமைப்புகள் கூறியுள்ளன.

ஒரிசாவில் கடந்த 23ஆம் தேதி விஸ்வ இந்து பரிஷத் அமைப்பின் ஆசிரமத்தில் நக்சலைட்டுகள் புகுந்து நடத்திய திடீர் தாக்குதலில் 5 பேர் கொல்லப்பட்டனர். அதைத்தொடர்ந்து அங்கு கலவரம் வெடித்தது. கிஸிஸ்துவர்களுக்குச் சொந்தமான கடைகள், வீடுகள், வழிபாட்டு தலங்கள்மீது தாக்குதல்கள் தொடங்கின. இந்தக் கலவரத்தில் சிலர் பலியாயினர்.

இந்தத் தாக்குதலுக்கு கண்டனம் தெரிவித்து நாடு முழுவதும் கிறிஸ்துவர்கள் போராட்டத்தில் இறங்கியுள்ளனர்.

கிறிஸ்துவ அமைப்புகள் நடத்தும் பள்ளி, கல்லூரிகள் ஒருநாள் மூடப்படும் என அகில இந்திய கத்தோலிக்க பிஷப் மாநாட்டு செய்தித் தொடர்பாளர் பாபு ஜோசப் நேற்று முன்தினம் அறிவித்தார்.

அதன்படி நேற்று நாடு முழுவதும் கிறிஸ்துவர்கள் போராட்டத்தில் ஈடுபட்டனர்.

தமிழகத்தி்ல் ஒரிசா வன்முறைக்கு கண்டனம் தெரிவிக்கும்வண்ணம் கிறிஸ்துவ அமைப்புகள் நடத்திவரும் 15 ஆயிரம் பள்ளி, கல்லூரிகள் நேற்று மூடப்பட்டன.பல இடங்களில் ஆர்ப்பாட்டம், மனிதசங்கிலி போராட்டங்கள் நடந்தன. தேவாலயங்களில் சிறப்பு பிரார்த்தனைகள் நடத்தப்பட்டன.

இதுகுறித்து சிறுபான்மையினர் கூட்டமைப்பின் தலைவர் வின்சென்ட் சின்னதுரை கூறுகையில், ”ஒரிசா தாக்குதலுக்கு தீவிரவாதிகள் பொறுப்பேற்றுள்ளனர். அதன்பின்னரும் கிஸிஸ்துவர்கள்மீது தாக்குதல் நடத்தப்பபடுகிறது. அங்கு கிறிஸ்துவர்களுக்கு பாதுகாப்பற்ற நிலை ஏற்பட்டுள்ளது. அதைக் கண்டித்து கல்வி நிறுவனங்கள் ஒருநாள் மூடப்பட்டன. வரும் 7ஆம் தேதி தமிழகம் எங்கும் உள்ள அனைத்து சர்ச்சுகளிலும் சிறப்பு பிரார்த்தனைகள் நடத்தப்படும்” என்றார்.

வடதுருவம் செல்லும் சென்னை மாணவி!

டெல்லி: சென்னையைச் சேர்ந்த 12ஆம் வகுப்பு மாணவி ஸ்ருதி சர்வதேச குழுவுடன் வடதுருவம் சென்று ஆராய்ச்சியில் ஈடுபட உள்ளார்.

சர்வதேச அளவில் உயர்நிலைப் பள்ளி மாணவர்களை பிரிட்டீஸ் கவுன்சில் தேர்ந்தெடுத்து வடதுருவ பனிப் பிரதேசத்திற்கு  அனுப்பி வருகிறது.

இந்தக் குழுவிற்கு இந்தியாவில் இருந்து 2 பேர் தேர்ந்தெடுக்கப்பட்டுள்ளனர். அவர்களில் ஒருவர் சென்னையைச் சேர்ந்த மாணவி கே.என். ஸ்ருதி. மற்றொருவர் உ.பி.யைச் சேர்ந்த எஸ். திருவ். இருவரும் 12ஆம் வகுப்பு படிக்கின்றனர்.

இவர்களின் வடதுருவப் பயணத்திற்கு ‘கேப் பேர்வெல் யூத் எக்ஸ்பெடிஷன்’ என்பது பெயர்.

இந்தக் குழுவில் பல்வேறு நாடுகளைச் சேர்ந்த 12 மாணவர்களோடு, கனடாவைச் சேர்ந்த 16 மாணவர்களும் இடம்பிடித்துள்ளனர்.

இந்த மாணவர் குழுவை பிரிட்டன் திரைப்படத் தயாரிப்பாளர் கோலின் இசாத், பரத நாட்டிய கலைஞர் சுப்ரதா சுப்ரமணியம், பிரிட்டீஸ் கவுன்சிலைச் சேர்ந்த ரிபேக்கா ஜலவான் ஆகியோர் வழி நடத்தி செல்கிறார்கள். நாளை கனடா நாட்டுக்குப் புறப்படும் இந்தக் குழு அங்கிருந்து அடுத்த மாதம் 7ஆம் தேதி கப்பல் மூலம் ஐஸ்லாந்து சென்று வடதுருவத்தை அடையும்.

இலங்கை த‌மிழ‌ர் பிர‌ச்னை தொடர்பாக விஜயகாந்த், சரத்குமாரை சந்திப்பேன்:
இலங்கை சமூக நல‌த்துறை அமைச்சர் ‌பி.ச‌ந்‌திரசேகர‌ன் பேட்டி

திரு‌ச்‌சி‌: இலங்கை த‌மிழ‌ர்களுக்கு ஆதரவாக இருக்கும் தே.மு.‌தி.க. தலைவ‌ர் ‌விஜயகா‌ந்தையு‌ம், அ‌கில இ‌ந்‌திய ச‌ம‌த்துவ ம‌க்க‌ள் க‌ட்‌சி‌த் தலைவ‌ர் சர‌த்குமா‌ரையு‌ம் சந்‌தி‌த்து பேச உ‌ள்ளே‌ன் எ‌ன்று ‌இலங்கை சமூக நல‌த்துறை அமை‌ச்ச‌ர் ‌பி.ச‌ந்‌திரசேகர‌ன் கூறினார்.

தனிப்பட்ட முறையில் குடு‌ம்ப‌த்துட‌ன் த‌மிழக‌ம் வ‌ந்த ச‌ந்‌திரசேகர‌ன், ‌திரு‌ச்‌சி‌யி‌ல் உ‌ள்ள சமயபுர‌ம் ஸ்ரீ மா‌ரிய‌ம்ம‌ன் கோ‌யி‌ல் ‌திருவானைகோ‌‌‌யி‌லி‌ல் உ‌ள்ள ஸ்ரீ அ‌கிலா‌ண்டே‌ஸ்வ‌ரி கோ‌யி‌‌ல்களில் த‌ரிசன‌ம் செ‌ய்தா‌ர்.

‌பி‌‌ன்ன‌ர் அவ‌ர் செ‌ய்‌தியாள‌ர்களு‌க்கு அ‌ளி‌த்த பே‌ட்டிய‌ி‌‌ல்,

”‌இலங்கை த‌‌மிழ‌‌‌‌ர் ‌‌பிர‌ச்னைக்கு விஜயகா‌ந்து‌ம், சர‌த்குமாரு‌ம் ஏ‌ற்கனவே ஆதரவு தெ‌ரி‌வி‌த்து‌ள்ளன‌ர். இவ‌ர்களு‌க்கு‌ம் ம‌த்‌திய அரசு‌க்கு‌ம் இரு‌க்கு‌ம் ந‌ல்லுறவை ப‌‌ய‌ன்படு‌த்‌தி ‌இலங்கை த‌மிழ‌ர் ‌பிர‌ச்னை‌‌யி‌ல் இ‌ந்‌திய அரசு தலை‌யிட வ‌லியுறு‌த்த வே‌ண்டு‌ம்.

இது தொட‌ர்பாக ஏ‌‌‌ற்கனவே த‌‌மிழக அர‌சிய‌ல் க‌ட்‌சி‌த் தலைவ‌ர்களையு‌ம், முதலமை‌ச்ச‌ர் கருணா‌நி‌தியையு‌ம் ச‌ந்‌தி‌த்து பே‌சியு‌ள்ளே‌ன்” என்றார்.

அமைச்சர் சாமி மீது உயர்நீதிமன்றத்தில் வழக்கு: இன்று விசாரணை

செ‌ன்னை: பொது இடத்தை விற்ற விவகாரம் தொடர்பாக தன்னை மிரட்டிய அமைச்சர் கே.பி.பி. சாமி மீது கொடுத்த புகாரை சி.பி.சி.ஐ.டி.

காவல்துறையினர் விசாரிக்க உத்தரவிடக் கோரி உயர்நீதிமன்றத்தில் மாமல்லபுரம் தொழிலதிபர் மனு தாக்கல் செய்துள்ளார்.

மாமல்புரம் வடநெம்மேலி கிராமத்தைச் சேர்ந்த ரியல் எஸ்டேட் அதிபர் தண்டபாணி தாக்கல் செய்துள்ள மனுவில்,

‘திருப்போரூர் வடநெம்மேலி கிராமத்தில் உள்ள பொது சொத்துகளை சிலர் ஆக்கிரமிப்பு செய்கிறார்கள். சொக்கலிங்கத்தின் மகன் எஸ்.குமார் என்பவர் ஒரு பொது சொத்தை விற்றார். இதனால் அவர் மீது நாங்கள் மாமல்லபுரம் காவல்நிலையத்தில் புகார் கொடுத்தோம். அவர் உடனே என் மீதும் கிராமத்தார் மீதும் பொய்ப் புகார் கொடுத்தார். இதனால் நான் உயர் நீதிமன்றத்தில் முன்ஜாமீன் பெற்றேன்.

இந்த நிலையில் கடந்த 23ஆம் தேதி என்னிடம் செல்போனில் பேசிய மீன்வளத்துறை அமைச்சர், ‘குமாரைப் பற்றி எதுவும் பேசவேண்டாம். இல்லாவிட்டால் பயங்கர விளைவுகளைச் சந்திக்க நேரும்’ என்று மிரட்டினார். அதனால் எனக்கும் என் குடும்பத்தாருக்கு  பாதுகாப்பு அளிக்கவேண்டும் என்று அமைச்சர் மீதும், குமார் மீதும் மாமல்லபுரம் காவல்நிலையத்தில் புகார் செய்தோம். இதுவரை நடவடிக்கை இல்லை.

எனவே தலைமைச் செயலாளர், உள்துறைச் செயலாளர், டி.ஜி.பி., காஞ்சிபுரம் எஸ்.பி., டி.ஐ.ஜி. ஆகியோருக்கு புகார் அனுப்பினேன் அவர்களும் நடவடிக்கை எடுக்கவில்லை.

சென்னை ஜி.ஜி காலனியைச் சேர்ந்த ரவுடி ரவி என்பவரும் அமைச்சர் சொல்வதைக் கேட்காவிட்டால் என்னை தீர்த்துக்கட்டிவிடுவதாக  எனது நண்பரிடம் மிரட்டியுள்ளார்.

எனவே இதுகுறித்து சி.பி.சி.ஐ.டி. காவல்துறையினர் அல்லது வேறு புலன் விசாரணை அமைப்பு விசாரிக்க உத்தரவிட வேண்டும்’ என்று கூறியுள்ளார். இம்மனு இன்று விசாரணைக்கு வருகிறது.

சீனம் சென்று வந்தேன்

வளைகுடாவிற்காக விதிகள் வளையுமா?

சீனர்களைப் பற்றி எனக்கு ஏற்கனவே பிரமிப்புகள் உண்டு. சீனர்களை நான் உன்னிப்பாகக் கவனிக்க ஆரம்பித்தது, என் முதல் சிங்கப்பூர் (1978) பயணத்தின்போதுதான். பிறகு மலேசியப் பயணங்களின்போது பல புதிய விஷயங்களை உணர்ந்தேன்.

குடியேறி வாழ்பவர்களின் கலாசாரத்தைவிட, சீன மண்ணிலே சந்தித்த சீனர்களின் கலாசாரத்தில் மிகுதியான அழுத்தம் இருப்பதை உணர்ந்தேன். இந்தியாவில் தாயகத்தில் வசிக்கும் இந்தியர்களைவிட வெளிநாட்டில் வாழும் இந்தியர்கள் உழைப்பாலும் தங்கள் தனிப்பட்ட பழக்க வழக்கங்களாலும் ஒரு படி உயர்ந்தே நிற்கிறார்கள்.

ஆனால், சீனர்களைப் பொறுத்தவரை தாயகச் சீனர்களே மற்ற நாடுகளில் வாழும் சீனர்களைவிட ஒருபடி மேலே இருக்கிறார்கள் என்பது என் கணிப்பு. இதைப் பற்றி மாற்றுக் கருத்து உடையவர்களிடம் நான் விவாதிக்கத் தயாராக இருக்கிறேன்.

சீனாவின் விசாவைப் பெற்றுவிட்டால் சீனர்களின் எந்தப் பகுதிக்கும் சென்றுவிடலாம் என்று பொருளல்ல. இந்திய விசாவைப் பெற்றுவிட்டால் அதன்பிறகு சிறப்பு விசா, தனி விசா என்றெல்லாம் எதுவும் கிடையாது.

ஆனால் சீனாவைப் பொறுத்தவரை சில கட்டுப்பாடுகளை இன்னமும் தளர்த்தாமல் இருக்கிறார்கள். உதாரணமாக ஜுஹாய், ஷென்ஜென், சியாமென் போன்ற பகுதிகளுக்கு நான் செல்ல முயன்றபோது உதை விழும் என்பது போல் பார்த்தார்கள்.

இதற்கு மினிஸ்ட்ரி ஆப் பப்ளிக் செக்யூரிட்டி எனும் பிரிவிடம் சிறப்பு அனுமதி வேறு பெற வேண்டுமாம். இதற்கான சம்பிரதாயங்களும் நடைமுறைகளும் கடுமையாக இருந்ததால் இந்த எண்ணத்தைக் கைவிட்டேன். மேலும் நான் பத்திரிகையாளர் என்பதால் என்னை ஏதோ ஓர் உளவாளியைப் போல் சந்தேகித்தார்கள்.

சீனா, ஊடகத்திற்கு அதிக முக்கியத்துவம் தருகிறது. எவன் என்ன எழுதினால் நமக்கென்ன என்கிற எருமைத் தோல் உணர்வு இங்கு இல்லை. இவன் என்ன எழுதி வைப்பானோ, அதன் விளைவு என்ன ஆகுமோ என்று அலறுகிறது சீன அரசு. நான் குறித்த இந்த மூன்று பகுதிகளும் சிறப்புப் பொருளாதார மண்டலங்களாம்.

அட, இவை என்ன இராணுவக் கோட்டைகளா? சிறப்புப் பொருளாதார மண்டலங்களுக்குள் நுழைந்து நான் என்ன இல்லாததும் பொல்லாததுமா எழுதிவிடப் போகிறேன். ஏன் இவ்வளவு முன்னெச்சரிக்கை? ரொம்பத்தான் அதிசயம் பண்ணுகிறார்கள் என்கிற சலிப்பு உணர்வே எனக்குள் எழுந்தது.

சீன அரசு இதற்கு ஏராளமான விளக்கங்களை வைத்திருக்கலாம். ஆனால் மொழிப் பிரச்னை பெரிதாக இருப்பதால் நான் உள்ளுக்குள் போய்க் குடைய விரும்பவில்லை. சீன வெளியுறவுத் துறை எனக்கு விளக்கமளிப்பதுபோல் ஒரு கையேட்டை என் வசம் தந்தது.

அதில் சீனாவைச் சுற்றிப் பார்க்க வந்தால் அதை மட்டுமே செய்ய வேண்டும். வேலையில் சேர்வது; கல்வி நிறுவனங்களில் சேர்வது; பகுதி நேரமாகப் பணியாற்றுவது; பத்திரிகைக்காகப் பேட்டி எடுப்பது போன்ற வேலைகளைச் செய்தால் வாலை ஒட்ட நறுக்கிவிடுவோம் நறுக்கி என்று மிரட்டுவதுபோல் சில விதிகள் காணப்பட்டன.

இவர்கள் செய்தாலும் செய்வார்கள். சொந்த நாட்டு மக்களையே கண்ணில் விரலை விட்டு ஆட்டும் இவர்கள் சுற்றுலாப் பயணியை என்ன பாடுபடுத்தமாட்டார்கள் என்று எண்ணத் தோன்றியது.

ஓட்டுநர் உரிமத்தைப் பொறுத்தவரை சில சலுகைகள் உண்டு. வாகனம் ஓட்ட விரும்பியபோது இந்திய லைசன்ஸ் உண்டா? சரி அனுமதிக்கிறோம் என்றார்கள்.

சீனாவிற்குள் நமது வாகனத்தை எடுத்துச் சென்று அனுமதிக்கப்பட்ட பகுதிகள் முழுக்க வலம் வரலாம். தடையில்லை. தங்கம் வெள்ளி ஆகிய ஆபரணங்கள் என்றால் 6 பவுன்தான் எடுத்து வரலாம். விலை மிகுந்த கலைப்பொருள்களைக் கொண்டு வர நேர்ந்தால் இதைச் சொந்த நாட்டில் வாங்கியதற்கான இரசீது, ஆதாரம் காட்டப்பட வேண்டும். இந்த இரசீதை பிப்பிள்ஸ் பேங்க் ஆப் சைனாவிடம் ஒப்படைக்க வேண்டுமாம்.வங்கிக்கும் கலைப்பொருள் இரசீதிற்கும் என்ன சம்பந்தம்? புரியாத விதிதான் போங்கள்.

நல்லவேளையாய் என்னிடம் 6 சவரன் நகையெல்லாம் இல்லை. நம் பெண்கள் என்றால் பலர் ஆறு சவரன்களுக்குமேல் போட்டிருப்பார்களே? இவர்களுக்கு இந்த விதி பொருந்துமா?

உலக அளவில் பெண்கள் எவரும் இந்திய பெண்களைப் போல் நகைகளை அணிவது இல்லை. வளைகுடாப் பெண்கள் மட்டும் விதிவிலக்கு. இவர்கள் இந்தியப் பெண்களைப் போல் பல மடங்கு நகைகளை அணியும் பழக்கம் உள்ளவர்கள். இவர்களெல்லாம் இந்நாட்டிற்கு வந்தால் என்ன ஆகும். விதிகளை வளைப்பார்களா? மாட்டார்களா? யாரிடம்தான் கேட்பது? யாருடன் பேசித் தெரிந்து கொள்வது?

ஏய் உனக்கு இவையெல்லாம் தேவையற்ற வேலைகள் என்று என் உள்மனம் என்னை அடக்கியது. 5000 டாலர்கள் வரை உல்லாசப் பயணிகள் கொண்டு வரலாம். இதற்குமேல் என்றால் சுங்கப் பிரிவில் அறிவித்துவிட வேண்டும். சீன நோட்டுகளில் 6000 மட்டும் வெளியே எடுத்துச் செல்லலாம். இதற்குமேல் எடுத்துச் சென்றால் பிடித்துக் கொள்வார்களாம்.

சீனாவிலிருந்து வெளியே போகக்கூடாத பொருள்களின் பட்டியலும் உண்டு. உதாரணமாகச் சீனாவில் தயாராகிய மூலிகை மருந்துகளை நம் நாட்டிற்கு எடுத்து வர முடியாது. பிடித்தால் அம்பேல்தான். மூலிகை இரகசியங்கள் வெளியேறிவிடக் கூடாது என்பதற்காக இந்த ஏற்பாடோ? தெரியவில்லை.

ஆனால் சீனாவில் எங்குப் பார்த்தாலும் மூலிகைக் கடைகள் கவர்ச்சிகரமான பாட்டில்களில் அடைத்து ஏகப்பட்ட விளக்குகளால் அலங்கரித்து அட்டகாசமாக விற்கிறார்கள். வேறு எதற்கும் வேண்டாம். சளி இருமலுக்கு நல்ல மருந்து இருந்தால் கொடுங்கள் என்று கேட்டு வாங்க ஆசைப்பட்டு, நம்ம கெட்டநேரம் சோதித்து மாட்டிக் கொண்டால் என்னாவது? என்பதால் என் ஆவலை அடக்கிக் கொண்டேன்.

(தொடரும்)

லேனாவின் முந்தைய சீனம் சென்று வந்தேன் - தொடர்கள்

2008/08/22 சீனச் சாதனைகளின் பின்னணி என்ன?

2008/08/15 மனத்திற்குள் வெடித்த பிரமிப்பு வெடி!

2008/08/08 இது வளமையா அல்லது வறுமையிலும் நேர்மையா?

2008/08/01 கன்பூஷியஸ் கோயிலைப் பார்த்தபோது ஏற்பட்ட ஏக்கம்!

 2008/07/25 சீன ஒலிம்பிக்கினால் நமக்கு வரப்போகும் சிக்கல்!

2008/07/18 முஸ்லீம்களைப் புறக்கணிக்கும் சீன அரசு

2008/07/11 மக்களை ஏமாற்றாத அரசு, அரசை ஏமாற்றாத விவசாயிகள்!

2008/07/04 சீனத்தில் மாணவர்களின் விருப்பத்திற்கு மதிப்பு இல்லை!

2008/06/27 சீனப் பள்ளி மாணவிகளின் பையில் அதிரவைக்கும் பொருள்!

2008/06/20 வாங்குனா வாங்கு! வாங்காக் காட்டிப் போ!

2008/06/13 சீனாவும் பார்த்தமாதிரி ஆச்சு! சீப்பா பொருள் வாங்கிய மாதிரியும் ஆச்சு!

2008/06/06 சீனாவில் கல்வி நினைத்துப் பார்க்க முடியாத ஒன்று

2008/05/30 பெண்களின் நான்கு குணங்களின் வரிசையை மாற்றியமைத்த சீனப் பெண்கள்

2008/05/23 சீனர்கள் வியந்த தமிழ்மொழி!

2008/05/16 நான்சிங் தெரு எனும் அசிங்கத் தெரு

2008/05/09 ”பொண்ணுங்க தொல்லை தாங்க முடியாது”

2008/05/02 விடிய விடிய விளையாடும் சீனர்கள்!

2008/04/25 கடுப்பு ஏற்படுத்தாத கடுப்பு!

2008/04/18 சீனாவிற்கு வந்ததே சாப்பிடத்தானா?

2008/04/11 நிற்காமல் கடந்து போன லி எக்ஸ்பிரஸ்

2008/04/04 பங்குதாரர்களுக்குள் இருக்க வேண்டிய புரிந்துணர்வு!

2008/03/28 எங்களால் சிரி சிரி என்று சிரித்த சீனப் பெண்மணிகள்…

2008/03/21 அட, என் முன்னோடிகளா…