மடிப்பாக்கத்தில் பயங்கரம்: பெண் கிராம அதிகாரி வெட்டிக்கொலை:
கணவர் சரண்

சென்னை: சென்னை கீழ்க்கட்டளை பகுதியைச் சேர்ந்த பெண் கிராம அதிகாரி படுகொலை செய்யப்பட்டார். வேறொரு கிராம அதிகாரியோடு அவர் கள்ளத்தொடர்பு வைத்திருப்பதாகச் சந்தேகமடைந்த அவருடைய கணவரே வெட்டிக்கொன்றார்.

சென்னையை அடுத்த கீழ்க்கட்டளை சரோஜ் நகரைச் சேர்ந்தவர் பிரகாஷ் (40). இவர் இன்சூரன்ஸ் ஏஜென்டாக பணிபுரிந்து வருகிறார். இவருடைய மனைவி மஞ்சுளா (34). இவர்களுக்கு விக்னேஷ் (12), ஐஸ்வர்யா (7) என 2 குழந்தைகள்.

கிராம நிர்வாக அதிகாரி பணிக்கு சமீபத்தில் தேர்வான மஞ்சுளா, கடந்த 6 மாதங்களாக திருக்கழுகுன்றம் அருகே உள்ள எம். குப்பம் என்ற கிராமத்தில் பணிபுரிந்து வந்தார்.

இந்த வேலையில் சேர்ந்தபிறகு மனைவியின் மீது சந்தேகம் கொள்ள ஆரம்பித்திருக்கிறார் கணவர் பிரகாஷ். இதனால் அடிக்கடி சண்டை வந்திருக்கிறது.

இந்த நிலையில் நேற்று காலை 9 மணியளவில் பிள்ளைகளை பள்ளிக்கு அனுப்பிவிட்டு வேலைக்குக் கிளம்பியிருக்கிறார் மஞ்சுளா.

அப்போது வீட்டில்வைத்து மஞ்சுளாவிடம் கள்ளத்தொடர்பு குறித்து கேட்டிருக்கிறார் பிரகாஷ். உடனே இருவரிடையே வாக்குவாதம் ஏற்பட்டிருக்கிறது. இதில் ஆத்திரமடைந்த பிரகாஷ், வீட்டில் இருந்த அரிவாளை எடுத்து வந்து மஞ்சுளாவை வெட்டினார். அதை தடுத்ததால் மஞ்சுளாவின் வலது கையில் காயம் ஏற்பட்டு கீழே விழுந்தார்.

இதையடுத்து தனது கோபம் தீரும்வரையில் மஞ்சுளாவின் முகத்தில் வெட்டியிருக்கிறார் பிரகாஷ். பின்னர் உயிர்இருக்கிறதா என்று பார்த்துவிட்டு கழுத்தையும் வெட்டியுள்ளார். வெட்டிய அரிவாளோடு ரத்தம் சொட்ட சொட்ட மடிப்பாக்கம் காவல்நிலையம் சென்று சரணடைந்தார் பிரகாஷ்.

காவல்துறையினர் விசாரணையில் பிரகாஷ் கூறியதாக கூறப்படுவது:

கடந்த 6 மாதங்களாக மஞ்சுளாவின் நடத்தை சரியில்லை. சரியாக வீட்டிற்கு வருவதில்லை. இந்நிலையில் அவருடன் வேலைப் பார்க்கும் மற்றொரு அதிகாரி ஒருவருடன் கள்ளத்தொடர்பு இருப்பதாகத் தெரியவந்தது. இதுகுறித்து கேட்டபோது மஞ்சுளா என்னுடன் சண்டைபோட்டார்.

நேற்று முன்தினம் இரவு அந்த கிராம நிர்வாக அதிகாரியுடன் மஞ்சுளா வீட்டிற்கு வந்ததாகத் தெரியவந்தது. அது பற்றி கேட்டதற்கு என்னிடம் சண்டை போட்டார். மேலும் நானும் கள்ளத்தொடர்பு வைத்திருப்பதாகக் குற்றம் சாட்டினார். இதனால் ஆத்திரம் அடைந்த நான்அவரை வெட்டிக் கொன்றேன் என்று பிரகாஷ் தெரிவித்துள்ளார்.

சினிமாவுக்கு முழுக்கு: இயக்குநர் சேரன் முடிவு

சினிமாவிற்கு முழுக்கு போட்டுவிட்டுச் சொந்த ஊருக்குச் சென்று விடப்போவதாக இயக்குநர் சேரன் புலம்பியுள்ளார்.

சேரன், பசுபதி, நிதின் சத்யா நடித்துள்ள ‘ராமன் தேடிய சீதை’ திரைப்படத்தின் பாடல் சிடி வெளியீட்டு விழா நேற்று சென்னை சத்யம் திரையரங்க வளாகத்தில் நடைபெற்றது.

இவ்விழாவில் சேரன் பேசுகையில்,

”பொக்கிஷம் திரைப்படத்தின் படப்பிடிப்பில், நடிகை பத்மப்ரியாவை நான்……………என்று அழைத்ததாக பத்திரிகைகளில் எழுதுகிறார்கள். அட………….., அவரை நான் அப்படி அழைக்க, அவர் என்ன என் பொண்டாட்டியா? இல்லை காதலியா? இல்லை………..யா?

கிராமத்தில் நன்றாக இருந்தேன். சென்னை வந்ததும் என்கதி இப்படியாகிவிட்டது. இன்னும் 2 வருடம்தான். என் கடன்களை  அடைத்துவிட்டு எல்லாவற்றுக்கும் ஒரு கும்பிடு போட்டுவிட்டு என் சொந்த ஊருக்கே போகப்போகிறேன். சினிமாவிற்கு வந்து நியாயம் நேர்மையை தொலைத்துவிட்டேன்” என்றார்.

……………..உள்ள இடத்தில் பத்திரிகையாளர்களைப் பார்த்து சேரன் கூறிய தகாத வார்த்தைகள் மறைக்கப்பட்டுள்ளன. அப்படிக் கூறிய சேரன் மன்னிப்பு கேட்டே ஆகவேண்டும் என்று பத்திரிகையாளர்கள் தரப்பில் இருந்து கோஷம் எழுப்பப்பட்டது. முதலில் மறுத்துவிட்ட இயக்குநர் சேரன் பின்னர் வேறுவழியில்லாமல் மன்னிப்புக் கேட்டார்.

தேவையற்ற சர்ச்சையை சேரன் எழுப்பியதால் விழாவிற்கு வந்தவர்கள் குனிந்தபடியே தலையைச் சொறிந்தனர்.

கதையே இல்லாத தசாவதாரம்!: பாரதிராஜா அட்டாக்

‘கமலின் தசாவதாரம் திரைப்படத்தில் கதை இல்லை. தொழில் நுட்பத்துக்கு மட்டுமே முக்கியத்துவம் கொடுத்து எடுக்கப்பட்டுள்ளது’ என்று இயக்குநர் பாரதிராஜா கூறியுள்ளார்.

திருச்சூரில் நேற்று நிருபர்களிடம் பேசியபோது பாரதிராஜா இவ்வாறு குறிப்பிட்டார்.

மேலும் அவர் கூறுகையில்,

”தமிழ் மற்றும் மலையாள திரைப்படங்களில் நல்ல கதைகள் இல்லை. புதிய எண்ணங்களுக்கு தட்டுப்பாடு ஏற்பட்டிருக்கிறது. கதையை விட்டுவிட்டு தொழில்நுட்பத்துக்கு முக்கியத்துவம் கொடுத்துதான் தமிழில் தற்போது திரைப்படம் தயாரிக்கிறார்கள்.

சமீபத்தில் வெளிவந்த கமலின் தசாவதாரத்தை இதற்கு உதாரணமாகக் கூறலாம். கதை எழுதுபவர்கள் எல்லாம் இயக்குநர்களாக மாறிவிட்டதுதான் இதற்கு காரணம். தமிழ் திரையுலகில் தற்போது இயக்குநர்களின் முக்கியத்துவம் குறைந்துபோய் நடிகர்களின் ஆதிக்கம் அதிகரித்துவிட்டது” என்றார்.

சென்னை விமான நிலைய விரிவாக்கம்:
தடைகள் வந்தால் முறியடிப்போம் - முதல்வர் கருணாநிதி

சென்னை: சென்னை விமான நிலைய விரிவாக்கத்திற்கு தடைவராது. தடை வந்தால் இடறி எறியப்படும் என்று முதல்வர் கருணாநிதி திட்டவட்டமாகத் தெரிவித்தார்.

சென்னை கடற்கரைச்சாலையில் உள்ள டி.ஜி.பி. அலுவலக வளாகத்தில் கூடுலாகக் கட்டடம் கட்ட தமிழக அரசு ரூ 26.4 கோடி ஒதுக்கியுள்ளது.

டிஜிபி அலுவலகம் அருகேயே தடய அறிவியல் துறைக்கு ரூ.6.82 கோடி செலவில் 4 மாடி கட்டடம் கட்டப்பட்டுள்ளது. இதன் திறப்பு விழாவும், டி.ஜி.பி. அலுவலக புதிய கட்டட அடிக்கல் நாட்டு விழாவும் நேற்று நடைபெற்றது.

விழாவில் முதல்வர் கருணாநிதி கலந்துகொண்டு, தடய அறிவியல் துறைக்கான புதிய கட்டடத்தை திறந்துவைத்தார். டி.ஜி.பி. அலுவலக புதிய கட்டடத்திற்கு அடிக்கல் நாட்டிய கல்வெட்டையும் திறந்து வைத்தார்.

இவ்விழாவில் முதல்வர் பேசுகையில்,

”சென்னை விமான நிலைய விரிவாக்கத்திற்கு நேற்று மத்திய அரசு போதுமான நிதியை ஒதுக்கி அறிவித்துள்ளது. அதற்கொன்றும் தடை வந்துவிடாது. தடை வந்தாலும் அது இடறி எறியப்படும்.

சென்னை காவல்துறை ஆணையர் அலுவலகம் புதிய கட்டடத்தில் அமைய உள்ளது. இவையெல்லாம் சென்னை மாநகருக்கு இன்னும் இரண்டாண்டுகளில் புதிய அழகை, ஏற்றத்தை, பெருமையை உண்டாக்கக் கூடியவை என்பதைச்சொல்லி, சென்னை மாத்திரமல்ல சென்னையைச் சுற்றியுள்ள நகரங்கள், கிராமங்கள் ஏன் தமிழகம் முழுவதும் இரண்டு ஆண்டுகளில் ஏற்றமிகு காரியங்கள் தொடங்கப்பட்டு நடைபெற்று வருகின்றன” என்றார்.

முன்னதாக அவர் டி.ஜி.பி. அலுவலகத்தை இடிக்காமல் அழகுப்படுத்தியது, தோட்டக்கலை துறைக்குச் சொந்தமான (உட்லண்ட்ஸ் டிரைவ் இன்) நிலத்தை மீட்டெடுத்தது, சென்னையின் அழகைக் கெடுத்துக் கொண்டிருந்த 4 ஆயிரம் விளம்பர பலகைகளை எடுத்தது, மாநில நூலக கட்டடம் கட்டவிருப்பது, மெட்ரோ இரயில் வரவிருப்பது, மக்களுக்கு வசதியான மேம்பாலங்கள் குறித்தெல்லாம் குறிப்பிட்டுப் பேசினார்.

புதுப் பாதையில் சேது: நிபுணர் குழு அமைப்பு

டெல்லி: புதிய பாதையில் சேது சமுத்திரத் திட்டத்தை நிறைவேற்ற பரிசீலித்து வருவதாக உச்சநீதிமன்றத்தில் மத்திய அரசு நேற்று தெரிவித்தது.

இதற்காக சுற்றுச்சூழல் நிபுணர் ஆர்.கே. பச்செளரி தலைமையில் நிபுணர் குழு அமைக்க முடிவு செய்துள்ளதாகவும் அரசு தரப்பில் கூறப்பட்டது.

அனைத்து அம்சங்களையும் ஆய்வு செய்து, விரைவில் அறிக்கை தருமாறு அந்தக் குழுவிடம் கேட்டுக்கொள்ளப்பட்டுள்ளது என அரசு தரப்பில் ஆஜராகும் மூத்த வழக்கறிஞர் பாலி நாரிமன் தெரிவித்தார்.

2500 கோடி ரூபாய் செலவில் சென்ற ஆண்டு தொடங்கப்பட்ட சேது சமுத்திரத் திட்டம் ராமர் பால சிக்கலால் தடைபட்டுள்ளது. ராமர் பாலத்தை உடைத்து இத்திட்டத்தை நிறைவேற்றக்கூடாது என்று பா.ஜ.க., அ.தி.மு.க. உள்ளிட்ட எதிர்க்கட்சிகள் கடுமையாக எதிர்த்ததுடன் உச்சநீதிமன்றத்தில் வழக்கும் தொடுத்தன.

பல கட்ட விசாரணைகளுக்குப் பிறகு மேற்சொன்ன நிபுணர் குழு அமைப்பு குறித்து உச்சநீதிமன்றத்தில் மத்திய அரசு தகவல் தெரிவித்துள்ளது.

முதலில் மத்திய அரசு, ராமர் பாலம் இல்லை என்று சொன்னது. சர்ச்சை எழுந்ததும் இந்தக் கருத்தை திரும்ப பெற்றுக்கொண்டது.

ராமர் பாலத்தை இடிப்பதை நியாயப்படுத்தும் வகையில், ராமரே அந்தப் பாலத்தை இடித்துவிட்டார் என்று கடந்த வாரம் தனது கருத்தை மத்திய அரசு கூறியது. இதற்கும் கடும் எதிர்ப்பை பதிவு செய்தன இந்து அமைப்புகள்.

தற்போது சேது சமுத்திரத் திட்டத்தை நிறைவேற்ற, புதிய பாதையை கண்டறிய நிபுணர் குழு அமைப்பதாகக் கூறியுள்ளது மத்திய அரசு.

Artist: Vishal, Nayantara, Upendra, Premji Gangai Amaran and others
Music: Harris Jayaraj
Producer : Vikram Krishna
Director : Rajasekar

[Show as slideshow]

Sathyam High Quality trailer

Artist: Vishal, Nayantara, Upendra, Premji Gangai Amaran and others
Music: Harris Jayaraj
Producer : Vikram Krishna
Director : Rajasekar

1. Ada Gada Gada… Download

Nayantara, Vishal and large no of children… were in this song. Choreographed by Thotha Tharani. It was simply fantastic

2. Ennanbe… Download

Romantic song by Harris Jeyaraj. Shoted in turkey in incrideble locations… Mind blowing scenery…

3. Aradi Kathey… Download

Introduction song for Vishal by Hariharan . Simply amazing .

4. Challame Challame… Download

Erotic songs in Tamil Cinema. Good lyrics, camera, picturation… Nayantara is stunning in this song…

5. Pal Pali… Download

Folk song… shoted in Thenkasi and Courtallam. Everyone willlove this song.

சீன ஒலிம்பிக்… மழைக்கு எதிராக மறியல்!

ஆகஸ்ட் 8… சீன ஒலிம்பிக்கிற்கு இன்னும் ஒன்பதே நாட்கள்.

தொடக்க விழாவின்போது எந்தத் தடங்கலும் ஏற்பட்டுவிடக்கூடாது என்பதில் மிகவும் கவனமாக இருக்கிறது சீனா. இப்போது சீனாவில்

பருவமழைக் காலம். இரண்டு தினங்களுக்கு முன்புகூட கொட்டிய மழையில், அடித்தக் காற்றி்ல் 5 லட்சம் மக்கள் இடம்பெயர்ந்தனர். சுமார் 1000 கிராமங்களில் கடல் நீர் புகுந்தது.

ஒலிம்பிக்கி்ற்காக பல தியாகங்களை செய்திருக்கிறது சீனா. பீஜிங்கில் மாசு அளவைக் குறைக்க நகரத்தில் இயங்கி வந்த ஆயிரக்கணக்கான தொழிற்சாலை இழுத்து மூடியிருக்கிறது சீனா.

பல்லாயிரம் கோடிகளை கொட்டி விளையாட்டுத் திடல்களை, வீரர், வீராங்கனைகள் தங்கும் இடங்களை பிரம்மாண்டமாக உருவாக்கியிருக்கிறது.

உலக அளவில் சீனாவை கொண்டுபோய் சேர்க்கும் சங்கதியாய் ஒலிம்பிக்கைக் கருதுகிறது சீன தேசம். அதனால் ஒலிம்பிக் தொடங்கும் இந்த வருடத்தின் 8ஆம் மாதமான ஆகஸ்ட் 8ஆம் தேதியன்று இரவு 8 மணி 8 நிமிடத்தின் 8 நொடியில்  இயற்கை எதுவும் சதி செய்துவிடக்கூடாது என்று முன்னெச்சரிக்கை நடவடிக்கைகளை எடுத்து வருகிறது சீனா.

முதலில் வருண பகவானை தடுக்கும் முயற்சியில் ஈடுபட்டிருக்கிறது அது.

தொடக்கவிழா நடக்கவிருக்கும் பறவைக் கூடு தேசிய ஸ்டேடியத்துக்கு மேற்கூரை இல்லாததால் மழை வந்து விழாவை மறிக்கக்கூடும் என அஞ்சுகிறார்கள், எனவே தொடக்க விழா நடக்கும் அந்த மூன்றரை மணி நேரம், இந்த ஸ்டேடியம் இருக்கும் பகுதிக்குள்ளேயே நுழையவிடக்கூடாது என்று திட்டம் போட்டிருக்கிறார்கள்.

இதற்காக அமெரிக்கா பயன்படுத்தி வரும் ‘கிளவுட் சீடிங்’ என்ற நவீன மழைத் தடுப்பு முறையை பயன்படுத்தவுள்ளது சீனா. பெய்ஜிங் நகரத்தை நோக்கி திரண்டு வரும் மழை மேகங்களின் மீது சில்வர் அயோடைடு ரசாயனத்துகள்கள் அடங்கிய ராக்கெட்களை ஏவி முன்கூட்டியே மழை பெய்யவைக்க திட்டமிட்டுள்ளனர்.

சில்வர் அயோடைடு துகள்கள் மழை மேகங்களுக்குள் இருக்கும் நீர்த்துளிகளை பனிக்கட்டியாக மாற்றிவிடும். அவை உடனே பனிக்கட்டி மழையாக கொட்டித் தீர்த்துவிடும். இதுதான் ஐடியா!

இந்தப் பணிக்காக பெய்ஜிங் நகரைச் சுற்றி 26 மையங்களை ஏற்படுத்தியுள்ளனர். இதற்காக, தற்காலிகமாக பணியாற்ற 32 ஆயிரம் பேரை நியமித்துள்ளனர்.

இயற்கையை கொஞ்சம் வெல்ல செயற்கையாக எவ்வளவு செலவு செய்யவேண்டியிருக்கிறது.

மழைக்கு எதிராக மறியல் செய்ய ஒரு நாடே களத்தில் இறங்கியிருப்பது ஆச்சரியம்தான்!

பத்திரிகையாளர்களிடம் இயக்குநர் சேரன் கேட்ட மன்னிப்பு!

இயக்குநர் சேரன் இன்று நடந்த பத்திரிகையாளர் சந்திப்பில் பத்திரிகையாளர்களுடன் வாக்குவாதத்தில் ஈடுபட்டார்.

இதுகுறித்த விவரம் வருமாறு:

சேரன், பசுபதி, நிதின் சத்யா ஆகியோர் நடிக்கும் ராமன் தேடிய சீதை திரைப்படத்தின் பாடல் வெளியீட்டு விழா இன்று காலை சென்னை சத்தியம் திரையரங்க வளாகத்தில் நடைபெற்றது.

பின்னர் நடந்த பத்திரிகையாளர் சந்திப்பில் நிருபர்களைப் பார்த்து தகாத வார்த்தை ஒன்றை உதிர்த்தார் சேரன். என்ன சொன்னீர்கள் என்று  பத்திரிகையாளர்கள் கேட்டதற்கு மீண்டும் அதே வார்த்தையைக் கூறினார். இதனால் கோபமடைந்த பத்திரிகையாளர்கள் சேரனை அங்கிருந்து செல்லமுடியாமல் தடுத்தனர்.

பத்திரிகையாளர்களிடம் சேரன் மன்னிப்பு கேட்கவேண்டும் என்று கூறப்பட்டது. வேறுவழியி்ல்லாமல் பத்திரிகையாளர்களிடம் மன்னிப்பு கேட்டுவிட்டு அங்கிருந்து தப்பித்தார் சேரன்.

சேரன் குறித்து வார இதழ் ஒன்றிலும், தமிழ் நாளேடு ஒன்றிலும் கிசுகிசு ஒன்று வந்ததே சேரனின் கோபத்திற்குக் காரணம் எனக் கூறப்படுகிறது. மேலும் அந்த கிசுகிசுவில் சேரனுடன் நடிகை பத்மப்ரியாவை இணைத்து கிசுகிசுக்கப்பட்டிருந்ததாம்.

அதற்கு சம்பந்தப்பட்டவர்களிடம் மட்டுமே சேரன் தன் கோபத்தை காட்டவேண்டும்.

ஒட்டுமொத்தமாகக் குதறினால் விட்டுவிடுவார்களா என்ன?